[ي&و&س&ف]

السلام عليكم ورحمه الله وبركاته كيفكم ان شاء الله بخير وكل عام ونتم بخير بمناسبه شهر رمضان المبارك
ياشباب انا عندي بريميرا موديل 2001 عندي مشكله بالانوار طبعا الواطي زنون والعالي زنون وفي مشكله تصير معي اغلب الاوقات بس ماادري القى حلها عندكم او لا بس نقول ان شاء الله حلها عندكم
المشكله يااخوان يوم اكشح العالي احيانا انبير الضغط يطلع فوق الواحد بشوي تحس المكينه صوتها عالي شوي كانك داعس بنزين على خفيف واحيانا تطفي السياره مره طفت علي عند اشاره والله احيانا اكشح المبات الصفرا الي بالسقف تطفي وتشتغل في ناس تقول كتاوت ومدري ايش ياشباب انا حاط املي فيكم تكفون ياشباب والله احس اني ندمان اني ركبت الزنون بس تكفون ياشباب الحل واسف على الاطاله ودمت بخير

[بنت الخران]

الشر ما يجيك انشاء الله


الزنون حلو على السياره


على شرط

ان يكون راكب من توصيلات اصليه من دوون تفرعات

والتأكد من حجم البطاريه وعمرها الافتراضي وان تكون اصليه مش تجاريه

والسياره الله يسلمك فيها محرك الشاحن للبطاريه والشاحن هو الذي يشحن البطاريه ويغذها بالطاقه


جرب وانت امشغل السياره انك تفصل البطاريه وانت امشغل الديم الليت الصغير مش الزنون

وافصله

اذا توقف عمل المحرك على طول من فصل البطاريه

الدينمو او محرك الشحن فيه عطل

او ممكن تقايس حجم الامبير عن طريق الكربائي يحطيلك عداد يشوف قرأه الكهرباء الصادره من السياره

والشي الاخير تأكد من تغليف جميع الاسلاك الى في السياره والتعرض لشرار او لا سمح الله حريق

وتركيب اي شي كهربائي عند مختص يعرف شغله


وهالله هالله بعمرك

[ي&و&س&ف]

يعطيك العافيه . بنت الخران . بس والله مافهمت شي اسف

[كربوع]

اسمع طول الله عمرك

مشكلتك انت مجهد السيارة بالزينون <*****<***** عشان المشكله ماتطلع الا عند تشغيل الزينون

الحل انك تركب بطاريه أضافيه للزنون
او انك تغير بطاريتك ببطاريه اقوى في عدد الامبير (فقط عدد الامبير) والفولت مثل ماهو 12 فولت

وانشاء الله ان المشكله تروح (( مو شرط انك تشتري البطاريه جربها اذا نفع اشترها مانفع ؟... انتظر ردك ))

يعني اذا كان عدد الامبيرات في سيارتك 55 مثل الكامري زودها من 65 الى 80 بالكثير
واذا كانت عدد الامبيرات عندك 45 مثل السيارات الصغار ولا تهون سيارتك زودها من 55 الى 75 بالكثير


((( وبنت الخران : اذا كان الدينمو مايعبي البطاريه راح تولع لمبة البطاريه في العدادات واذا كانت التعبيه قليله راح تصير تشغيلت الموتر بطيئه ويالله يشتغل )))
وتقبل ردي بكل احترام

وننتظر اجابتك

[ي&و&س&ف]

اشكركم ياشباب والله ماقصرتم لكن المشكله ماطلعت من البطاريه او الدينمو طلع من الجهاز حق الزنون الله يلعنه ياشيخ ياشباب نصيحه لحد يركب زنون الا اصلي الجهاز الي بالواطي طلع فيه التماس وغيرته على الضمان والحمد لله تمام السياره ماقصرتم يعطيكم العافيه

[كربوع]

الحمد لله ان سيارتك ما احترقت

الالتماسات هالايام ينخاف منها

انتبه لنفسك اخوي

اهم شي في السياره الكهرب لا تلعب فيه

وتقبل مروري