[احمدجاسم]

السلام عليك
بعد ما استلمت السيارة مسكت الخط حوالي الساعتين وكانت الحرارة عند الثلث ولكن بعد ما وصلت ترك السيارة واقفه اشوي ووصلت الحرارة قريب النص واليوم الثاني في الظهر الحرارة الثلث بس بعض الاحيان توصل قريب النص وهذا طبعا والمكيف شغال
ما ادري هل هذي الحرارة طبيعيه او لا؟

[بورغد]

اذا اخوي كنت واقف بدون مكيف الحراره توصل الى النصف احيانا واذا بالمكيف اتكون طبيعيه

[ابوفيصل]

حي الله الافالوني الجديد

الف مبروك السيارة الجديدة اخوي احمد الله يعطيك خيرها ويكفيك شرها ان شاء الله

من ناحية الحرارة لا تخاف ولا تقلق وضعها طبيعي جدا على وصفك

اهم شي لا تعدي النص

تحياتي لك

[احمدجاسم]

والله يا شباب طمنتوني الله يعطيكم العافيه

[وااوأفالون]

للحراره طبيعيه إن شاء الله

[الحـ(درب)ـب]

والله من المعروف ان السيارات ذات المكائن اللي تجي بالعرض
حرارتها اكثر وهي بدون مكيف
لانه مع تشغيل المكيف تشتغل مراوح المكيف مع مراوح المكينه وتكون النتيجه افضل

وبالنسبه لحرارة سيارتك
ترى لو جربت تطلع جبل بعز الظهر والسيارة محملة بتلاقي الحرارة قربت لثلاثة ارباع
يعني لاتخاف
عادي

وبدليل المالك حدد ان الحرارة الطبيعيه لين قريب الخط الأحمر اللي فوووق

وتحياتي

[المــمـــيــز]

الحرارة عادية جدا حتى توصل الخط الاحمر

[ابوفيصل]

اسمحولي اخواني بالاضافة وان شاء الله يكون فيها فائدة للجميع وخصوصا اخوي احمد صاحب الموضوع

ارتفاع حرارة السيارة طبيعي في الحالات التالية :

1 - صعود السيارة لمنطقة مرتفعة او جبل مع ارتفاع درجة حرارة الجو ( وهذه النقطة ذكرها الاخ درب )

2 - خفض السرعة او التوقف بعد القيادة بسرعة عالية ( وهده النقطة هي اللي صارت معك اخوي احمد )

3 - دوران المحرك بسرعة خاملة ( بطيئة ) لفترة طويلة مع تشغيل المكيف مع تكرار السير والتوقف

وجميع الحالات السابقة تزيد نسبة حدوثها مع ارتفاع درجة حرارة الجو

- في غير الحالات السابقة فان ارتفاع درجة حرارة السيارة فوق النص غير طبيعي وفي هذه الحالة

حرصا على سلامة السيارة وحفاظا على اطالة عمر المحرك لابد من ايقاف السيارة حتى تنخفض الحرارة

وعدم استمرار القيادة الا بعد التأكد من عدم وجود مشكلة ، لان ارتفاع حرارة السيارة ليس مشكلة بحد ذاته

وانما عرض من اعراض المشكلة قد تكون بسبب نقص ماء اللديتر

او ضعف او عدم دوران مراوح التبريد بالشكل المطلوب او مشكلة في المحرك نفسه وغيرها ..

تمنياتي بالسلامة للجميع

[شمعة بلا فتيل]

مشكورين وماقصرتوا اخواني الاعضاء...

[المعلــــم]

اخواني ...........
احرص انك ما تطفي السيارة مباشرة لكن خل السيارة شغالة بدون مكيف لمدة اربع أو خمس دقائق خصوصآ اذا كنت ماسك طريق سريع وبسرعة عالية