| | 
09-18-2007, 03:44 AM
|
#8 (permalink)
|  معلومات
العضو | | | | | | أخوي المعذره بس الاحظ أنك مبالغ شوي
قبل كل شي تقول مكان الاقامه بالكويت الحبيبة والشغل في وكالة تويوتا هل تقصد اللي عندكم ,, طبعا ما أظن وأكيد تقصد أبو جميل لانك نازل عليه من الاول للأخر !! شي عجيب
ما علينا خلني أجاوب على بعض اللي كتبته
أخوي جرب وأدخل مركز أو وكالة لجهاز الكتروني عالمي مثل سوني وبايونير و كلاريون وبانسونيك وغيرهم ولاحظ صناعة الاجهزة الجديدة عندهم
اليـــــاباني خلاص هذا زمانه ولى ,, أقصد التجميع وليس التصنيع
أغلب الاجهزة ماليزية واندونيسية وتايلاندي وصيني ..
ترى الاجهزة ما خلقت مع الياباني وليس الياباني هو الوحيد اللي يعرف يفكر ويركب ,, مع الاسف مافي الا العرب هم اللي ما يعرفون يسون شي , حتى في جنوب أفريقيا صار فيها مصانع وشركات عالمية !!
أنا كان معي هايلكس 2006 سعودي ومسجلته صيني ,, سنه كامله ما عمره خرب ولا صار فيها شي ,, اذا بعض الناس ما يعرفون يستخدمون مسجلات وش ذنب الصيني ؟؟
ليش ما نشوف كل السيارات اللي في صيانة أبو جميل كلها تشتكي من المسجل ,,
المسجل مافيه عيب والعيب من المستخدم ..
الريموت اللي معي مركب فالخميرة وما اشتكيت منه أبد ,, مدري ليش 2 الى 5 % اللي اشتكوا من حق الكامري ويمكن أقل بعد .
حساس قياس هواء الكفرات - لو بيركبه أبو جميل أصلي ما كان تعب نفسه وركبه عنده - وللعلم الاصلي جدا غالي وما يجي الا على اللكزس
إحمد ربك ركبوه على الجي اكس ار اللي من المصنع جايه بدون مثبت للسرعه !!
كشافات أنوار الضباب اللي تتركب في الجميرة نوعها أصلي والزرار اللي تقول ما يصفر ولونه مثل ماهو وهذا الشي عن تجربة بسيارتي السابقة ..
ومفتاح التشغيل اذا جاء على نفس ذراع تشغيل الانوار هذا بيكلف غالي , وأهم شي نور ضباب ويكفيك أن زراره جاي على قصة الديكور حق الطبلون بشكل مضبوط وليس كالغرابي ترهيم وتشويه ..
بس اذكر مفتاح تشغيل الحساسات الامامية للكامري 2005 كان شكله تأليف ومو أصلي !! هذا للأمانه طبعا .
بالنسبة لكلا من
انوار الكامري 2003 و 2004 + الكامري الجديدة 2007 + الأفالون + لاند كروزر Gxr طبعا 6 سلندر
كل اللي ذكرته في الموديلات هذي تعتبر أخطاء مصنعية وليس لمصنع الجميرة أي دخل في الانوار أو الحذفه ولا حتى في ريحة الشكمان
أما المواصفات اللي ذكرتها على GX-R فهي ليست موجوده حتى على الوارد الخليجي , يعني أبو جميل ماله دخل فيها ..
للأمانه يا شباب أنا قبل أن اشتري الهايلكس في 2006 قرأت الكثير و الكثير من انتقادات الشباب , واللي يسمع لكلامهم يخاف يشتري من تويوتا !!
لكن التجربة أكبر برهان اشتريت السيارة ولها سنه وشهر بالتمام وهي معي
ووالله والله أني لم أدخلها من حين ما استلمتها صيانة أبو جميل ولم أحتاج الى صيانته , أنا صنت سيارتي بنفسي , والحمد لله ما خرب ولا احترق علي حتى نور صغير
وحساس الريوس كثير من اشتكى منه وقال انه يشتغل من نفسه ومافي شي
واكتشفت ان الحساسات ممتازه جدا وما كان يصيح باستمرار الا اذا غسلت السيارة لوجود بعض الماء عليه وغير كذا ما شاء الله تبارك الرحمن موتر ما ينقصه الا محرك 6 سلندر فقط .
كل اللي كتبته من واقع تجربة وليس مدح لشركة أبو جميل ,, ولو جينا نقارن كل الاضافات هي مجرد اكسسوارات ,, أما الخليجي ( الهايلكس ) ماعليه اي تحسين وبنفس السعر !!
وأنت قيس على باقي الموديلات ..
وللعلم الى الان ومبيعات تويوتا في القمه والمشاكل اللي ذكرتوها محصورة على بعض السيارات وليس كلها يعني ترى الحظ يلعب دور .. | 
| | |
09-19-2007, 12:35 AM
|
#10 (permalink)
| | معلومات
العضو | | | | | | ابو حمد تعليق بسيط على كلامك , الرجال اولا ذكر ان الموضوع منقول .
انا اؤيد كلام الاخ رومنسية البدر بنسبة 100 % .
كلنا نعرف ان شركة عبداللطيف جميل من اكبر موزعي تويوتا ليس في السعودية ولى العالم العربي والاسلامي بل في العالم كله ودائما يحقق اكبر مبيعات على مستوى العالم لصالح شركة تويوتا , هنا تبدأ الحكاية موزع كبير لصالح شركة كبيرة ويحقق لها اكبر مبيعات على مستوى العالم (بريطانيا , الصين , الجزائر , السعودية ...... ) هذا الوكيل بأمكانه طلب مواصفات خاصة من الشركة كأن يطلب مثلا الكامري بدون جهاز انذار ولا دعاسات ارضية ولا شنطة اسعاف ولا طفاية ولا انوار ظباب ولا ولاولاولاولاولاولا . بحسبة تجارية كم تنقص قيمة السيارة بدون هذه الاضافات على الموزع خلينا نقول 6000 ريال , بيجي التاجر وله الحق بالتصرف في سلعته العالمية بأضافة هذه الزوائد في بلد التوزيع ( عندنا في السعودية ) ويقوم بتركيب كل ماذكر بمبلغ ارخص 3000 ريال فرضا من نوعية اردى لكنها تقوم مقام الاصلية ويجي يبعك اياها وانت مجبر لانك تريد هذه السلعة العالمية بسعر يوازي الموزعين الاخرين في دول الخليج .
ابو حمد الكلام موجه لك كلنا نعرف سوني وبايونيير وكنوود و جي في سي وغيرها من الشركات العالمية ولاكن ما عرفنا تويوتك الا من ابوجميل .
انا راضي خل ابو جميل يشيل مسجل الوكالة من الكورولا فرضا وريموتها الشد بلد ويخشبها في جدة ويركب الكمبروسر في جدة والدعاسات والانوار الزنون,, لكن ينزلون في سعرها الكثير ويعوضوني على النصب والتزوير في السيارة ويبييعوني اياها فرضا بي 34000 بدلا عن 46000 ,
او العكس يجيبلي الكورلا كاملة مكملة من اليابان بدون ان يلعب فيها ويبيعني اياها ب 46000 كذا انا اكون راضي .
شكرا على الموضوع الكببييييييييييييرررررررررر والمهممممممممم وتسلم اياديك على النقل الرائع . | |
| | |
09-19-2007, 02:42 AM
|
#11 (permalink)
| | معلومات
العضو | | | | | | هلا والله فيك يالفدع وشرفني مرورك الكريم ومداخلتك ,,
لكن ودي أعقب على كلامك
توني تفهمت أن الموضوع منقول ,, مع اني شفتها لكن ما ركزت عليها ,, فجزاك الله خير والمعذرة من الاخت رومانسية البدر ..
كلامك ووجهة نظرك في محلها والله يعافيك , بس اللي ودي أوضحه أني لما رحت للبازعي أطلع الهايلكس في 2006 لقيته عنده 78000 ريال وماعليه اي تحسين نهائيا ..
وعند أبو جميل 79000 وشكل الموتر مختلف تماما عن البازعي ومنضره روعه ,,
يعني هل معقول أن كل الاكسسوارات اللي مركبه في جده تسوى 1000 ريال ,, أم أن اللي جاب السيارة وكاله مثل ماهي ,, قاصم ضهورنا بالسعر الخيالي وعلى قل سنع !!
أنا الحين أملك لاندكروزر 2007 خليجي وعليه حساسات خلفية وكاله تصدق بالله ما ينركن الواحد عليها !!
والله أن حقات الهايلكس الصينية اللي مركبها أبو جميل أنها دقيقة وتركن عليها ,, هاه وش رايك بالتجاري
هل معقول وكاله تركب حساسات أصلية وما يضربون حساب الاسبير العلاق !!
صدقني اني مره من المرات قلت ابجربهن ومدى الاعتمادية عليهن واروح واوقف في موقف طولي ووراي سيارة وقعدت ارجع والحساس ساكت , أشوف السيارة اللي وراي اختفت من المرايات مما يدل انها قريبه مره ,, وسحبت الجلنط ونزلت وما اشوف الا شبر بين الاسبير ووجهية السيارة اللي وراي ؟؟
وش من حساسات هذي واي وكاله واي أصلي ..
واشكر لك نقدك . | |
| | |
عبد اللطيف جميل سوف يخسر سمعته ويخسر تويوتا سمعتها 
تراك معذور يالغالي لو منت معذور 