[بورغد]

السلام عليكم ورحمه الله وبركاته اعضاء ومشرفي منتدى الاوريون طبعا اتقولون ليش متطفل علينا راعي الافالون وداش منتدانا بس هو استفسار بسيط لاهنتوا اخوي طال عمركم من اسبوع اشترى اوريون بس حبيت اعرف كيف يتم فصل جرس الانذار لانه صراحه مزعج ومااحب اسوق سيارته بسبب جرس انذار الحزام المزعج (الله يجزاكم خير)

[الحـ(درب)ـب]

والله مادري ليش انا صاحب افالون وارد على موضوعك وانت صاحب افالون
وسؤالك عن الأوريون

بس الأوريون ماينفصل الصوت إلا إذا مديت يدك تحت مقعد السائق وفصلت الوصلة الكهربائية للحزام (( الواير )) وبيختفي الصوت وبيختفي مؤشر الحزام اللي بالطبلون

ومافي طريقة ثانيه غير انك تجيب وصله حزام ثانيه وتركبها مكان الجيب حق الحزام



آسف يا اصحاب الأوريون على التطفل بالرد السريع

[ابو جونه]

خذ راحتك اخوي الحــ(درب)ــب.. كلنا اخوات..هههه

بس في اعتقادي إذا فصلت السلك اللي تحت مقد الراكب راح يفصل معك

الإيرباق حق الراكب وايرباق الستائر الجانبيه...

لأن الإيرباق مايشتغل الا إذا كان في راكب وانت لما تفصل السلك كأنك ألغيت الراكب..

والله أعلم.. وأتمنى أحد يفيدنا زياده في الموضوع ويوضح أكثر..

وبالنسبه لأخوي بورغد إلى الآن محد جاب طريقه لقلق الحزاااام

نتمنى أحد يلقى طريقه ويريحنا من إزعاج الحزام.. ولو إني أنصح في ربطه..

[شادي س س]

المشاركة الأصلية كتبت بواسطة بورغد

ليش متطفل علينا راعي الافالون وداش منتدانا

ويش عندك هنا ..؟؟؟

و الله لو اشوفك تفرفر مرة ثانية في حارتنا لــ ...............

هههههههههههههههههه
وعليكم السلام حياك الله اخوي بو رغد اخ وعزيز علينا و على منتدى الاوريون..

با لنسبة لالغاء جرس الحزام في طريقتين :
1-تشتري القطعة المعدنية من التشليح او محلات الزينة
2-فيه سلك تحت المرتبة خاص بالحزم افصله ( وماله تأثير على AIR PAG )
لأنك لمن تربط الحزام راح تقطع الدائرة الكهربائية الخاصة بجرس الحزام وهذا اللي يصير لمن تفصل السلك.

تنبيه!!!
فيه سلكين واحد للحزام والثاني للـ AIR PAG
اتمنى اني افدتك وتقبل تحياتي

[ابو جونه]

المشاركة الأصلية كتبت بواسطة شادي س س

ويش عندك هنا ..؟؟؟

و الله لو اشوفك تفرفر مرة ثانية في حارتنا لــ ...............

هههههههههههههههههه
وعليكم السلام حيتك الله اخوي بو رغد اخ وعزيز علينا و على منتدى الاوريون..

با لنسبة لالغاء جرس الحزام في طريقتين :
1-تشتري القطعة المعدنية من التشليح او محلات الزينة
2-فيه سلك تحت المرتبة خاص بالحزم افصله ( وماله تأثير على AIR PAG )
لأنك لمن تربط الحزام راح تقطع الدائرة الكهربائية الخاصة بالحزام وهذا اللي يصير لمن تفصل السلك.

تنبيه!!!
فيه سلكين واحد للحزام والثاني للـ AIR PAG
اتمنى اني افدتك وتقبل تحياتي

والله انت أحسن واحد في الدنيا...هههه

تسلم أخوي شادي س س وماقصرت على التوضيح... وتصحيح معلوماتي..

[بورغد]

انزين اذا فصلت مال السائق مايحتاج افصل العبري

[شادي س س]

المشاركة الأصلية كتبت بواسطة بورغد

انزين اذا فصلت مال السائق مايحتاج افصل العبري

ويش المقصود بالعبري

[الحـ(درب)ـب]

العبري هي كلمه نقولها بقطر على الراكب اللي يقعد بالكرسي الأمامي جمب السائق
يعني متعبر معاه
او ماخذ تعبيرة

يعني لو قلت لك : مره انا راكب بسيارتي عبري
يعني في واحد ثاني يسوق سيارتي وانا قاعد جمبه

وآسف على التدخل السريع للمرة الثانيه

[حياة_التميز]

انا عن نفسي مبسوط بالانذار حق حزام الراكب اول ما يركب معاي احد ادوشه و هاتك يا سب و مهاوش الى ما اخليه يركب الحزام و المرة الجاية لو مو عاجبه اقول له خلاص نركب في سيارتك ( و بالمرة اوفر نبزين )



خخخخخ تقبلو مروري

[مجنون الأفالون]

السلام عليكم

يسعدني وجودي بمنتدى أوريون

والسيارة طبعا لا تقل مواصفات عن الأفالون ......


بالنسبة لموضوعك أبو رغد

لو تستخدم طريقة الأفالون في إلغاء الحزام ....يمكن تضبط معه
هذا رابط الموقع

ازالة جرس الحزام
توقعاتي والله أعلم

تحياتي لكم

[ميركوري]

هلا اخوي ابو رغد /بالنسبه لإستفسارك عن جرس الحزام ما أزيد على كلام الإخوان بس فيه شغله ابي اقولها لك انه جرس الحزام يوقف عن الرنين بعد فتره قصيره جداً وما عاد تسمع له حس الا اذا طفيت السياره وشغلتها مره ثانيه ... وأنا من رائيي لك ولغيرك من الإخوان انهم لا يلمسون اي شيء كهربائي بالسياره .لأنه يمكن يصير لها عواقب أكبر من جرس الحزام ...(مع اني من الناس المؤيده لربط حزام الأمان) ... تحياتي للجميع...

[الــمــجــروووح]

والله محد يكره الصوت مثلي لكن الحمد لله سويت حركة تافه جدا وارتحت وهي قبل متركب السيارة اربط الاحزمة واجلس عليها يعني خليها ورى ظهرك انت والي جنبك وقت التفتيش مالك غير انك تمد يدك وتسحب الحزم على قدام وهكذا بلافصل وتنتهي المشكله

[العتيبي عبووود]

لف الحزاااام ورا الكرسي .... وارتاااااااااااااااااااااااح


بلااا فصل واايراات وبلا عبث ...

[><><]

بصرحه انا دورت الحديد حقين الحزام في التشليح او ما حصلت


بس خطرة على بالي فكره قمت او اخذة بطايق شحن او قصيته خليته مثل الحزام او ركبيتها مكان الحزام او بكذا نتهيت من مشكلت الجرس

[وصــ قلبي ــيت]

حطه وراك وفك نفسك وثاني شي صوت ما يطول اشوي ويروح يعني ما احس ان فيه شي مزعج يخليك تقطع وتفصل وعفسه

حطه وراك ورتاح ولا اذ طلع الصوت طول علىى المسجل خخخ

[الحـ(درب)ـب]

المشاركة الأصلية كتبت بواسطة مجنون الأفالون

السلام عليكم
يسعدني وجودي بمنتدى أوريون
والسيارة طبعا لا تقل مواصفات عن الأفالون ......
بالنسبة لموضوعك أبو رغد
لو تستخدم طريقة الأفالون في إلغاء الحزام ....يمكن تضبط معه
هذا رابط الموقع
ازالة جرس الحزام
توقعاتي والله أعلم
تحياتي لكم

انا جربت هالحركة على الأوريون وماضبت بتاتً
جربتها مرتين وثلاث

مافي فايدة

للتوضيح وشكرا

ورجاءً من اصحاب الأفالو