[راعي الكزس اي ا]

السلام عليكم

أنا الحمدالله استلمت سيارتي الي اس 2008 بنوراما منذ 15 يوم, والحمدالله أنا مبسوط فيها وهي تستاهل كل قرش فيها,خاصة يوم تقارن مواصفاتها بسياارات منافسة وأنا الحين مشيت فيها 1500كم (خلصت صيانة الألف) . أنا شريتها من الفطيم بالامارات ب165,000 درهم اماراتي. قلت أوريكم كم صورة لسيارتي لأنو شكلكم لين الحين ما شفتوا البنوراما على الحقيقة بحكم كثرة المواضيع المتسائلة عنه.

اذا كان عندكم اي سؤال أنا حاضر.
شكرا!

[الأسد المتوحش]

ما شاء الله تبارك الله

الله يعطيك خيرها ويصرف عن شرها

[راعي الإي اس]

الله يطعمك خيرها ويكفيك شرها

بس حبيت اسأل اخوي لما تكون فاتح فتحت السقف (رافعها شي بسيط) وليس فاتحه بالكامل وانت ماشي لها صوت ولا لا ؟

واكون من الشاكرين لك

تحياتي لك :

[بيت القصيد]

الله يبارك لك فيها يارب

حبيبي حبيت اسالك :

هل انتهت مشكلة الصوووووت المزعج بعد120

[راعي الكزس اي ا]

المشاركة الأصلية كتبت بواسطة راعي الآي اس

الله يطعمك خيرها ويكفيك شرها

بس حبيت اسأل اخوي لما تكون فاتح فتحت السقف (رافعها شي بسيط) وليس فاتحه بالكامل وانت ماشي لها صوت ولا لا ؟

واكون من الشاكرين لك

تحياتي لك :

والله هو مجرد صوت هواء. وهي خفيفة بالكاد تنسمع.


بالنسبة لبعد ال120 كم هو في صوت هواء لكن مهيب مزعجة, يعني بالنسبة لي انا ما أشوف انها مزعجة. ما ادري لو خدمتك بهالرد…. لأني بصراحة ما جربت قيادة ال 2007 فوق ال120 فما أدري لو انها نفس الشي أو أحسن.



شكرا على الردود الطيبة !

[صتيمه]

اخوي بس حبيت اعرف انا لو رحت الامارات اقدر اخذها على طول ولا لازم حجز ياليت تفيدنا طال عمرك

[ابوفيصل]

ما شاء الله تبارك الله

الف مبروك اخوي راعي الكزس اي ا

الله يعطيك خير ها ويكفيك شرها ان شاء الله

[بنت الخران]

مبروووووك


الف الف الف مبروووك

اله يعطيك خيرها ويكفيك شرها

ماشاء الله عليها

رووعه

[راعي الكزس اي ا]

المشاركة الأصلية كتبت بواسطة صتيمه

اخوي بس حبيت اعرف انا لو رحت الامارات اقدر اخذها على طول ولا لازم حجز ياليت تفيدنا طال عمرك

والله أخوي هو بالحجز لأني أنا قعدت شهرين وأنا أنتظر السيارة لكن أنا أبعطيك رقم لكزس المعرض وبإمكانك سوئالهم بنفسك. أطلب الأخ فهد أو علي 0097142066600

[عطيه التاسع]

السلام عليكم...

الف الف مبروك اخوي وان شاءالله ربي يعطيك خيرها ويكفيك شرها

[ابو بكري]

مبرووووووووووووووووووووووووووووووووووووووووك الف مليون مبرووووووووووووووووووك

الله يعطيك خيرها ويبعد عنك شرها وشر الحساد

بصرااااااحه خطيرة ماشاء الله تبارك الله

حبيت اسالك حبيبي بالنسبة للمرايا الجانبية هل انها نفس حجم المرايا لــ 2007

ولك مني جزيل الشكر

[التوهم]

تستاهل كل خير بس عندي تعليق لوون سياره حراام عليك مااخذ لووون خاامق مبروووك

[ظبياني_رايق]

مبروووووك اخوي وانا بعد حاجز وحده من الفطيم وانشاء الله بتوصل اول الشهر هذا والله يوفقك فيها ويعطيك خيرها ويكفيك شرها وشكرا على الصور والله انها روعه

[ظبياني_رايق]

اخوي بس ابغي اتخبرك عن التأمين بكم امنت السياره لأنه التامين داخل الوكاله قالولي ب10000 درهم واذا بيمتها برع الوكاله ممكن اتفيدني واتقولي بكم

[الفدع]

الف مبروك , الله يعطيك خيرها ويكفيك شرها ويبعد عنك الحساد ,
وبالنسبة للاخ التوهم بتعليقك على اللون تخلي الرجال يوسوس, هو طرح موضوع يوريكم فيه البانورما مايسألكم عن رأيكم في اللون .

[راعي الكزس اي ا]

يعطيكم العافية....

أبوبكري: المرايات الجانبية نفس الحجم.

التوهم: والله أنا بصراحة ما عجبني أي لون غير الرمادي, هو صحيح في الصورة مو بيان اللون عدل لكن تعال شوفها على الحقيقة تعطي السيارة هيبة, وكثير ناس مدحولي اللون (اتصدق حتى ناس ما أعرفهم باركولي على السيارة وعلى إختياري للون), بس إذا كا قصدك انو ما يبين البنوراما اي معاك حق, بس أنا بصراحة يهمني اللون أكثر من إني أبين إنو السيارة سقفها أسود زجاج.

ظبياني_رايق الله يوفقك, وترى السيارة تستاهل. أنا أمنت السيارة من الفطيم بحوالي 8,000 درهم .

الفدع يعطيك العافية على مواساتي... بس أنا أعرف إنو التوهم ما يقصد شيء, مجرد رأي...

[مستر لكزس]

ألف ألف مبروووووك والله يعطيك خيرها ويكفيك شرها

وماشاء الله الصووور روعة