[أبو عابد]

السلام عليكم ورحمة الله وبركاته
حصل لي حادث مروع بسبب النعاس في الخط وانا خارج للدوام بعد الفجر اليوم مع خط الساحل انحرفت السيارة علي ودخلت على عمود ارشادات المرور المهم يا اخوان انعدمت خلفية السيارة تماما من جهة اليمين وانكسر الزجاج الخلفي والذراع اليمين تفكك وتقوس و الشكمان الله يخلف عليه دخل الين وصل المكينة والله اعلم عن الباقي تصدقون كل هذا بسبب ماصورة مصور عليها لوحةارشادية مكتوب عليها ممنوع التجاوووز المهم السيارة كانت ماشية 120 ولما انحرف عن مسارها ما قدرت أسيطر عليها مررررة خفيفة
سبحان الله والله يا اخوان عيني تقفلت ثانية او اقل وحصل لي كل هذا الحمد لله اني طلعت سليم والحمد لله اني كنت رابط حزام الامان بصراحة ثبتني في المقعدة لو ما كنت رابط كنت رحت فيها، والحمد لله اني ما دخلت على سيارة ثانية أأو انقلبت ما كنت أقدر أكلمكم الحين
والله شحنت السيارة للوكالة وانتظر التسعير بكرررة والله يستر
اللهم اجرني في مصيبتي واخلف لي خيرا منها(نصيحة : اذا كنت بتسافر لوحدك وعيونك فيها نووووم لااااا تغاااامر أبدا وتقوووول انا ما أناااام ،،،)

ابي منكم الدعــــــــــاء يا أخوان
جزاكم الله خير

[ابوفيصل]

لا حول ولا قوة الابالله ، لا حول ولا قوة الابالله ، لا حول ولا قوة الابالله

االحمدلله على سلامتك اخوي ابو عابد الله يعوض ويخلف عليك ان شاء الله

الله يجعلها اجر وطهور وكفارة لك ان شاء الله في الدنيا والآخرة ولا يوريك مكروه

والحديد يجي ويروح وانا اخوك وكل شي يتعوض اهم شي راسك سالم

[أبو عابد]

جزااااك الله خيييير اخي ابو فيصل
واالله من اليوم ما جالي نوم افكر كيف اصلحها لاني محتاجها دووووم الله يعيني على الايام الجاية شكلها ايام صعبة بتمر علي

[الرباب]

لاحول ولا قوة الا بالله هذا قدر ومكتوب والحمد الله انك سليم بس انشاء الله ربي يعوضك وعساك مأمن

[أبو عابد]

جزاك الله خير اخي الرباب
انا مأمن من شركة ليدرز لكن كل ما اتصل على ارقامهم احيانا يكون مشغووول واحيانا ما يردووون
شكلها ما عندها سالفة

[قليل خبره]

الحمد لله على السلامه واسأل الله العظيم ان يعوضك بخير منها

[راعي اليمامة]

المشاركة الأصلية كتبت بواسطة أبو عابد

جزاك الله خير اخي الرباب
انا مأمن من شركة ليدرز لكن كل ما اتصل على ارقامهم احيانا يكون مشغووول واحيانا ما يردووون
شكلها ما عندها سالفة

انشب في حلوقهم

ترى اذا نشبت لهم ونافخت عليهم يبدون يتجاوبون معك واسأل مجرب

كان معي بنز ( فرخ شبح ) وكلف التصليح مع القطع 11000

ولا اتصلت ولاشي طوالي على الفرع

وكل يوم يقولون بكرة نشوف لك حل

والمسؤول ما جاء والصندوق مقفل

المهم اني يوم من الايام دخلت عليهم قلت والله ما اطلع من الفرع الا بفلوسي والا يا قاتل يامقتول

الاردني اللي هناك شكله قد سمع عن قصص قتل من اهل القبايل وقال هذا

قبيلي مايهمه الذبح عنده زي ذبح الدجاجه

ولا خرجت الا بالشيك

فانت انشب لهم نشبه ولاتخليهم يتنفسون

أما الحوادث فياكثرها يارجال واحمد ربك انك خرجت سالم

والحديد يروح ويجي بالفعل على قول اخونا ابو فيصل

وسلامات

[اتاوي]

يارجال أهم شيء سلامتك والمال ينخلف ان شاء الله

[اسير الذكرى]

لا حول ولا قوة الابالله

ســلامــات ابو عابد وما تشوف شر ان شاء الله

والله حاجة تزعل

وان شــاء الله يــعوضك بأحسن منها آمين يارب

واذا تبي الفزعه يا ابو عابد

والله ابشــر نســاعدك بلي نقدر عليه

والله مو جامله

جرب اخو اسير الذكرى وان شاء الله يوقف معاك

[مناهي]

أبو عابدالحمد لله عالسلامه في الحديد ولا فيك ربنا يعوض عليك

[ناصر الجهني]

االحمدلله على سلامتك اخوي ابو عابد الله يعوض ويخلف عليك ان شاء الله

[العزيزي]

الحمد لله على سلامتك هذا أهم شي
وإحمد رب ربما تكون تكفير للذنوب
واسائل الله أن يساعدك
وتقبل مروري

[وحيد-قطر]

الحمد لله على السلامه اخوي واسأل الله العظيم ان يعوضك بخير منها

والله يكون في عونك

[511]

الحمد لله على سلامتك

الله يوفقق وسهل امورك انشالله

[أبو عابد]

جزاكم الله خير يا أخواني و الله يبعدكم عن كل مكروه
واليوم بشوف كم تكلفني تصليح السيارة

[أبو عابد]

وش رايكم أصلحها في الوكالة ولا من ورشة برا؟