تحذير لكل من ركب أو فكر في تركيب زينون

[أبو نايف FJ]

بسم الله الرحمن الرحيم

السلام عليكم ورحمة الله وبركاته

بعد الحدث البسيط اللي لاحظته في موتري خاصة بعد تركيب نوعين من الشمعات

النوع الأول وهو شمعات صفراء للواطي وأزرق للعالي وللأسف ما تمت ولا اسبوع الا وهي خربانه

النوع الثاني وهو زينون أبيض مائل للأزرق من شركة فلبس

صحيح انه قوي وشديد الوضوح على الطريق لكن للأسف الشديد لاحظت ملاحظة ولله الحمد بعد ما فكيت كبوتي بالصدف

وهو سائل تجمد يطلع من البطاريه نتيجة حدوث شرارات .. الله اعلم انها بسبب الحراره الزايده

وعلى شان كذا فكيت الزينون ورجعت لشمعات الوكاله وان شاء الله من اليوم ورايح ما فيه زينون ولا غيره

لاحظوا السائل الأصفر يطلع من اصباع البطاريه





جاء وقت فك المحولات الصينيه

أي شخص يقول صيني درجة أولى قل له ( رح وراك )

تعبنا وحنا نسمع هالخزعبلات على شان ارضاء النفس وتوهيق الغير





صحيح ان الشمعات مكتوب عليها صناعة المانيه

ولكن !

ما ندري من الصادق ومن الكاذب

ابتسم .. انت في المملكه العربية السعوديه , ’





وما للحبيب إلا الحب الأولي

نرجع ونقول ما فيه احسن من شمعات الوكاله من ناحية الأمان

الحمد لله اني حفظتها حفظ تام في كرتون الزينون على شان القاهم وقت ما احتاجهم





وهذي الشمعة ركبتها على الفيش مع انه المفروض انك تركبها في الكبس

بعدين تغطيها بالعازل تبعها وتشبك الفيش فيها

لكن المسأله مسألة توضيح فقط





هذي خانة الشمعه في الكبس بعد ما فكينا العازل





وهذا الكرسي الخاص بشمعة الزينون القديمه بعد فكها

الله لا يعيدها لا هي ولا شمعتها





اذا جيت تركب الشمعة اليمنى

تبي تواجه مشكلة أو مضايفه من معيار ماء تنظيف القزازه

تقدر تفكه وترتاح في التركيب





وهذي الشمعه رجعتها لمكانها وبيتها

وغطيتها بالعازل وشبكت فيشها وجاهزه للاستخدام





بعد ما تنتهي من تركيب الشمعة الثانيه

لا تنسى ترجع معيار الماء لمكانه





اما هالزينون الشين مكانه معروف الله يعز الجميع

لآبوووه لآبوو اللي هو تسلبه يا التسلب







في النهايه

اقول خلوكم على شمعات الوكاله ولا تتعبون انفسكم زينون وما زينون

انا صحيح اني ركبته لكن تركيبي والله كله في مصلحه لأني راعي خطوط في الليل

واحتاج اناره قويه

اما مسألة التكشخ فالحمد لله ما تهمني في الأنوار .. احطها في شي ثاني اضمن لي

المهم الكهرباء ما يجيه شي

ما فيه شك انه يوجد شمعات اصليه من اولها الى اخرها

بس عندنا بالسعوديه الحبيبه او بالخليج العربي كله .. صعب تلقى

ما لك الا الطلبيه وعسى

والسلام عليكم

[قنووز]

مشكوووووور وماااتقصر والله اني نااوي اركب زنون بس الضااهر مافيه امل

[اف جي ابها]

مشكور وماقصرت
والزينون ذا ما اطيقه
اذا جا وكاله يجي تمام

[زويــــد]

احمد ربك .... كان صارة لك مصيبه ... الله كفاك الشر.

كل شي الا الكهرباء والبنزين. لا حد يتحرش فيهم. ذولا مصيبه.

الحمدلله انها جاة سليمه.

[اف جي عودي]

ركب زينون جذمار وماراح تندم

[fj metlc]

الحمدلله على سلامتك


تعبت وانا اقولكم الزنون مو كويس حتى على السيارات الي تجي شد بلد

قبل يومين وراي لكزس شمعته اليمين ترمش 2006 430

على شان كذا الي يبي يحسن شوي من لون النور ياخذ سلفيانا جيدة انا مركبها مجرد لون لامحولات ولا زحمة

[fj hussam]

المشاركة الأصلية كتبت بواسطة اف جي عودي

ركب زينون جذمار وماراح تندم

حتى انا مركبه

[إف جي بندر]

يثبت
صراحه موضوع تستحق الشكر والثناء عليه خاصة مع الشرح بالصور الي يحسسك أنك بمطبخ الشيف رمزي

من جد والله شي يزعل أنو تنحرق السيارة بسبت زنون ما يسوى

عاد يثبت الموضوع لتنبيه باقي الأعضاء والأستفادة من التجربه الي مر فيها حبيبنا بو نايف وعدت على خير

الله يطعمك الجنة على الموضوع

[أبو نايف FJ]

حياكم

الحمد لله اللي ستر علينا بس والا كان في خبر كان

مسائل الكهرباء ما ينفع نلعب فيها

انتبهوا

اما جذمار وما حذمار ما اظن اني بركبه لأني غسلت يدي من الزينون كله

ما عدا زينون واحد مواعدني فيه شخص راعي محل قد ركب لي في سيارتي الأولى الألتيما

رهيب بشكل خيالي وما شم ريحة الخراب لا معي ولا مع غيري من اشخاص اعرفهم من خمس سنوات وهم يستخدمون عدته وما خربت

ويضمنها لك ثلاث سنوات مع القطع

شغل متعوب عليه

المشاركة الأصلية كتبت بواسطة fj metlc

الحمدلله على سلامتك


تعبت وانا اقولكم الزنون مو كويس حتى على السيارات الي تجي شد بلد

قبل يومين وراي لكزس شمعته اليمين ترمش 2006 430

على شان كذا الي يبي يحسن شوي من لون النور ياخذ سلفيانا جيدة انا مركبها مجرد لون لامحولات ولا زحمة

هو صحيح الزنون شين والكل يتفق عليه بس احياناً الواحد يجرب القريب عنده

والا انا اصلا عارف هالنوعيه خرطي حتى اللي شريت منه البضاعه قال لي ترا هالنوع ما يتم الا سنه ويخرب

يعني مش خشمك من البدايه

ان شاء الله يجيب خوينا صاحب محل اضواء الزينون النوع اللي قال لي عليه واركبه عنده

وان شاء الله خير

[أبو نايف FJ]

المشاركة الأصلية كتبت بواسطة إف جي بندر صبيا

يثبت
صراحه موضوع تستحق الشكر والثناء عليه خاصة مع الشرح بالصور الي يحسسك أنك بمطبخ الشيف رمزي

من جد والله شي يزعل أنو تنحرق السيارة بسبت زنون ما يسوى

عاد يثبت الموضوع لتنبيه باقي الأعضاء والأستفادة من التجربه الي مر فيها حبيبنا بو نايف وعدت على خير

الله يطعمك الجنة على الموضوع

يا ما للعافيه يا الشيف بندر

عاد تدري ما كان لي نيه اصور ولا فضيت في صكة هالشمس

بس يوم ذكرتك متأذي من القسم نااايم .. قلت لعيونه نصوره ونحط التقرير

وانتبه لا تركب زينون صيني درجه اولى .. .. لا تاكلها خابور مثلي

[إف جي بندر]

المشاركة الأصلية كتبت بواسطة أبو نايف F.J

يا ما للعافيه يا الشيف بندر

عاد تدري ما كان لي نيه اصور ولا فضيت في صكة هالشمس

بس يوم ذكرتك متأذي من القسم نااايم .. قلت لعيونه نصوره ونحط التقرير

وانتبه لا تركب زينون صيني درجه اولى .. .. لا تاكلها خابور مثلي

الله يعافيك يا غالي

والله ما ندري أننا غالين الا لما قلت أنك مصور بعز القايلة

عاد تستحق فوقهم تقييم بالنجوم وكمان بالتقييم العام لعيونك

أحب أضيف معلومة يا بو نايف أنا مركب الزنون الي أنته مركبه الأول وهو أصفر واطي وأزرق عالي وتصدق أني مركبه من يوم خذيت الموتر ولكن الجهاز الي معي أصلي خذيته من 7 سنوات وما جله شي للحين من أيام الكرسيدا 96 الله يحفظها ويحفظ من شراها

وكمان ما صار شي من الي شفته بموضوعك إنما مشي حالك بالإضاءة يعني منظر

[إف جي بندر]

شوف نقاط تقييمك من 221 إلى 233 تستاهل والله

[ابراهيم.1]

الله يعطيك العافيه يابو نايف


تم تقييمك + الشكر + الترقية لجندي اول بالحراسات الامنية ذذ

[أبو نايف FJ]

المشاركة الأصلية كتبت بواسطة إف جي بندر صبيا

الله يعافيك يا غالي

والله ما ندري أننا غالين الا لما قلت أنك مصور بعز القايلة

عاد تستحق فوقهم تقييم بالنجوم وكمان بالتقييم العام لعيونك

أحب أضيف معلومة يا بو نايف أنا مركب الزنون الي أنته مركبه الأول وهو أصفر واطي وأزرق عالي وتصدق أني مركبه من يوم خذيت الموتر ولكن الجهاز الي معي أصلي خذيته من 7 سنوات وما جله شي للحين من أيام الكرسيدا 96 الله يحفظها ويحفظ من شراها

وكمان ما صار شي من الي شفته بموضوعك إنما مشي حالك بالإضاءة يعني منظر

غالين بدون صكة القايله

السبب ترا في كل الامور هذي هي المحاولات الفاشله

اذا جتك محولات اصليه ان شاء الله ما عليك خلاف لأنها هي الأساس وهي المولد الأساس للكهرباء الموصل للشمعه

عاد انت ما شاء الله عليك اخترت محولات الكراسيدا ههههههههههه .. عليك محولات

المشاركة الأصلية كتبت بواسطة إف جي بندر صبيا

شوف نقاط تقييمك من 221 إلى 233 تستاهل والله

اهم شي التميز في الأرقام

المشاركة الأصلية كتبت بواسطة ابراهيم.1

الله يعطيك العافيه يابو نايف


تم تقييمك + الشكر + الترقية لجندي اول بالحراسات الامنية ذذ

حياك يا ابو خليل

عقبالك يا السكيوريتي

[Fj 09]

الله يعطيك العافيه يا ابو نايف ولا تعبت

الزنون بشتى انواعه ما راح يكون مثل شد البلد لازم تواجه بعض المشاكل لكن شخصياً فكرت في زينون الجذمار وواحد من المجربين له يقولي ابعد عنه ولا تفكر فيه ابد لا تعامل زين من الشركه ولا شيء وشلت الفكره من راسي

ثم بعدين فكرت في كبوس الهالوجين مثل اللي ركبها ماجد لانها اسلم شيء وأصليه ما منها خوف واهم شيء انارتها ممتازة وعليها ضمان وهذي تصلح لك يبو نايف في البر وفي الخط

تستاهل احلا تقييم

[أبو نايف FJ]

المشاركة الأصلية كتبت بواسطة Fj 09

الله يعطيك العافيه يا ابو نايف ولا تعبت

الزنون بشتى انواعه ما راح يكون مثل شد البلد لازم تواجه بعض المشاكل لكن شخصياً فكرت في زينون الجذمار وواحد من المجربين له يقولي ابعد عنه ولا تفكر فيه ابد لا تعامل زين من الشركه ولا شيء وشلت الفكره من راسي

ثم بعدين فكرت في كبوس الهالوجين مثل اللي ركبها ماجد لانها اسلم شيء وأصليه ما منها خوف واهم شيء انارتها ممتازة وعليها ضمان وهذي تصلح لك يبو نايف في البر وفي الخط

تستاهل احلا تقييم

حياك ابو سعود

الصدق اليوم النور الأصفر يجيب الهم لا قوه ولا اناره مثل الخلق

الله يصبرني بس

اجل تقولي الهالوجين زين ؟

انا الصدق بصبر لين اشوف خويي راعي محل اضواء الزينون اللي في البديعه اذا تخبره

يقول اني بجيب نوعيه h4 بعد فتره

عاد هو ما شاء الله عليه يعرف يختار وما يجيب الا شي أصلي 100%

اذا جابه ان شاء الله بركبه عنده وارجع للزينون واترك عنك الأصفر اللي يجيب المرض

[FJ-R]

مشكور ع تنبيه اخوي
يعطيك الف عافية

[fj hussam]

المشاركة الأصلية كتبت بواسطة Fj 09

الله يعطيك العافيه يا ابو نايف ولا تعبت

الزنون بشتى انواعه ما راح يكون مثل شد البلد لازم تواجه بعض المشاكل لكن شخصياً فكرت في زينون الجذمار وواحد من المجربين له يقولي ابعد عنه ولا تفكر فيه ابد لا تعامل زين من الشركه ولا شيء وشلت الفكره من راسي

ثم بعدين فكرت في كبوس الهالوجين مثل اللي ركبها ماجد لانها اسلم شيء وأصليه ما منها خوف واهم شيء انارتها ممتازة وعليها ضمان وهذي تصلح لك يبو نايف في البر وفي الخط

تستاهل احلا تقييم

حتى انا موسوس من الزنون و كل كم يوم افك الكبوت واتقحص
اخي بالنسبه لجذمار تعاملهم جدا محترم وفيه تفاعل لما تراسلهم عن مشكله
و بالنسبه للزنون حقهم في ناس مركبينه ولهم اكثر من سنه ونص بدون مشاكل
ما اقول انه 100 100 يعني في ايام رمش معاي بس لسه اشوفه احسن من اللي في السوق بكثير

[A-M-A]

يعطيك العاااااافيه والزينون ما فيه خير

[أبو لولوه]

المعذره يا أبو نايف توي اشوف الموضوع

تسناهل الشكر والتقييم ياغالي ... على هالمعلومات ... وصدق زويد الكهرباء والبنزين لا تقرب صوبهم .. الله يستر علينا جميع