[(ابوبدر)]

تعريف الشريطي ..
كائن حي من بني البشر لا ينتسب الى جهه معينة من الجنسية فهو شامل ويتكاثر في منطقة الخليج ..



الشريطي هو رجل نصاب محتال لا يخاف الله وأحيان تجدهم مجموعات تتكون من ثلاثة إلى أربعة أشخاص لا تجد خامس بينهم , يتجمهر في مدخل المعارض أو على سيارة بائع للعب على بعض الناس الذي جاء لبيع سيارته أما لحاجة أو لتغيير سيارته ...




( 1 )

دائماً تجد الشريطي يخفي عن العالم أنه شريطي فمرة تجده ( حاسر ) ومرة لابس ( طاقية ) ومرة ( نظارة سوداء ) ومرة ( جنتل ) وهكذا , وإذا جاء يسوم منك السيارة يقول لك أنا مو شريطي أنا جاي من الحفر ( حفر الباطن ) أو من القصيم وتحصله دائماً يسب ربعه الشريطية ويقول يلعبون على العالم وما يخافون الله ( يبعد الشبهه عن نفسه )
( 2 )

في بعض الأحيان تجد الشريطي معه ولد صغير ( أبنه ) حتى يبعد الشبهة عن نفسه , كأنه جاي يدور سيارة لولده وهو شريطي محتال ..

( 3 )

ودائماً يبخس ثمن السيارة حتى لو كانت جديدة وينزل سعر السيارة إلى أبخس الأثمان _ يعني _ سيارتك تسوي في السوق 70 ألف أول ما يسوم يقول لك _ 48 ألف _ ومن بعدها يسوم بسعر أعلى , وأحيانا لم يقرب من سعر السيارة يعني 62 أو 63 والسيارة سعرها _ 70 ألف _ تشوف الشريطي يرمي عليك العربون ويطلبك بنخوة عربية , أو تشوف ثلاثة أذناب _ شريطية _ معاه يقولون لك ( تراها قيمة طيبة والله ) ومن هذا الكلام ..

( 4 )

تجد الشريطي يحاول يركب السيارة أو يقول لك أنزل بسوقها وهذا ( غلط ) لأن ما يركب السيارة أو يحاول يسوقها الإ اللي أعطى سعر يعجب صاحب الحلال أو فرق سعر السيارة عن سومة وقبل صاحب الحلال بالسعر اللي عطاه الشريطي ولا تنسى أن الشريطي المفروض ما يركب السيارة الإ تكون أخذت عربون _ أقل شي 500 ريال _ وبعضهم محتال ونصب يقول لك ما عندي عربون ..!! هذا لا تخليه يحرك السيارة أطرده

( 5 )

بعضهم يتفقون شريطية أثنين عليك حتى يعرفون حدك في السيارة يعني أنت دخل السوق ووصلت السومة 64 ألف ولم تعجبك السومة يقولك الشريطية كم حدك , لا تقول له كم حدك قول لك أنت سوم عشان _ تكفشه _ يعني لو فرق وقال 65ألف تقدر تقولهم عطني عربونك وكذا يكون أرتبط معاك وتحصل دائماً مكالمات جوال بينهم ( مثل الحرامية ) .

( 6 )


دائماً حاول أنك ما توضح السعر اللي أنت تبيه وترضى بالسومة الأولى _ في أول مرة تجي المعارض لبيع نفس السيارة _ لان الشريطية يعرفون شكل السيارة لو جيت مرة ثانية ويعرفون أنك مضطر للبيع وينزلون سعرها لأن يخبرون بعضهم بعض فتحصل الشريطي أول ما يسألك عن السومة يوقف بعيد ويدق جوال يستفسر .

( 7 )

لا تخلي شريطي يجرب السيارة أو يركب مكان السائق الإ والعربون في جيبك لا يلعب عليك ويقولك دقيقة ولا شوي ولا روح للمعرض الفلاني ثواني والإ يركب معاك يقول أمش شوي في السيارة الإ والعربون معك عشان ما يدخل إلى معرض تابع لهم ويجتمعون عليك أربعة والإ خمسة شريطية يضيعون وقتك في السوم الفاسد , يعني السيارة قبل 10 دقايق أنسامت بـ 65 يقولون لك هاه راحت بالــ 60 ألف ...!!! أنتبه .

( 8 )
لا تعطي حدك في السيارة دائماً وأصر على كلمة ( سوم ) للشريطي حتى لو كانت السيارة مسيومة قول له أفرق السوم لأنه بعضهم يقولك والله فيه رجال موصيني على نفس الموتر ويبي يعرف سعره عشان أخلص معاك , وبكذا يعرف حدك ويصير تعميم عن حدك وبعدها الكل ينزلك ألف وألفين من حدك في السوم .


( 9 )

- لا تعطيهم رقم جوالك الإ اللي ( صامل منهم ) لأنهم أنذال يأخذ رقم جوالك يدق عليك دقة وحدة عشان إذا ما بعت السيارة تتصل عليه وتقول له أنت اللي سمت سيارتي بهذا المبلغ خلاص ببيع يروح ينزلك 4 ألاف ولا خمسة ألاف

( 10 )

لا تقول لشريطي عن سيارتك أن فيها كذا وكذا وأتركه يكشف السيارة وإذا سألك عن شي قول له الموتر قدامك , لأن هذه طريقة تعاملهم ما يعلمك إذا في السيارة صدمات , أو تخبيط أو غيرها الإ إذا كنت واثق من سيارتك ..

وفي الاخير الشريطي ليس فقط في السيارات بل في كل مكان فيه بيع وشراء كل شي ,,,

هذه المعلومات منقوله ومن كان لدية تعريف اخر واضافة لا يبخل علينا للفائدة ....



(( معذرة على الاطالة ))

تقبل الله منا ومنكم الصيام والقيام ...

[امبراطور الهدد]

كلامك سليم 100%

ومشكور وما قصرت

[الهدف]

بارك الله فيك

وفيت وأكفيت

[علي بن عايض]

صح لسانك و مشكور على الكلام الواقعي و الصحيح
تسلم ايديك على المجهود الطيب
بالتوفيق

[الدوحه-قطر]

كلامك كله صح

مشكووووور

[الهايم وهو نايم]

سلمت وماقصرت وهذي حالهم نصب وحلف على الناس والله لايبارك فيهم

[الهارب]

تــســلــم يــمــنــاك أخـــوي (( أبو بدر ))

وكــلامــك صحيح 100 %

تـقــبل مـروري

[دقات قلب]

يعطيك العافية


أجمل تحية

[باسل العنزي]

وهناك اضافه جديده

وهي مع الاسف استخدام الدين بأطاله اللحيه

ويقسم لك بأغلظ الايمان

تحياتي

[الحـسـن]

نعوذ بالله، هؤلاء هم المنافقون بجدارة.. أهكذا يحصل هذا في أرض الجزيرة العربية. الويل لهم.

[صادق الإحساس]

كلامك عين العقل

[(ابوبدر)]

المشاركة الأصلية كتبت بواسطة امبراطور الهدد

كلامك سليم 100%

ومشكور وما قصرت

الشكر موصول لك مشرفنا العزيز لتعقيبك على الموضوع ,,,,
بارك الله فيك ,,,,

[(ابوبدر)]

المشاركة الأصلية كتبت بواسطة الهدف

بارك الله فيك

وفيت وأكفيت

تسلم والله يعطيك العافية والف شكر لزيارتك الموضوع ,,,,
وفقك الله ,,,

[(ابوبدر)]

المشاركة الأصلية كتبت بواسطة علي بن عايض

صح لسانك و مشكور على الكلام الواقعي و الصحيح
تسلم ايديك على المجهود الطيب
بالتوفيق

ومن قال ياعلي ,,,,

والف شكر لك وماقصرت والله يوفقك ...

[(ابوبدر)]

المشاركة الأصلية كتبت بواسطة الدوحه-قطر

كلامك كله صح

مشكووووور

هلا باخوي الدوحة ,, الف شكر لمرورك وزيارتك الموضوع ,,, بارك الله فيك ,,,,

[اسير الذكرى]

ينقل للمنتدى العام

[(ابوبدر)]

المشاركة الأصلية كتبت بواسطة الهايم وهو نايم

سلمت وماقصرت وهذي حالهم نصب وحلف على الناس والله لايبارك فيهم

هلا اخوي الهايم .. وبالفعل فيه ناس مايعرفونهم ويذهبون ضحية لهم ,,,
كل الشكر لك والله يوفقك ,,,,