[الـــراقـــي]

ياشباب اول شي مبارك عليكم الشهر

ثاني شي انا معي افالون 2007 ليمتد لؤلؤي وماشيه 2000 كيلو وشوي
مركب لها تظليل عازل سولار جارد + بلاستيك حمايه للوجيه وشغلات خفيفه كلفتني حوالي 5000 ريال
السؤال لو بغيت ابيعها كم بتجيبلي مع العلم اني اخذتها قبل شهرين بـ 116500
ورحت هالاسبوع الوكاله ببدلها بلكزس قالو ياخذونها بحوالي 94 الف صراحه نزلوا فيها واجد


وانا محتار وابي رايكم لو ببيعها برا كم بتجيبلي لاني لو وديتها المعارض تعرفون الشريطيه كيف بيحطموني بقيمتها

[احمد المالكي]

اولا مبارك علينا وعليك الشهر اخوي

ثانيا افالون 2008 على الابواب بس الحمد لله ما تغير واجد بالشكل تغير خفيف بالواجهية وحاجات بسيطة حسب ما شفت بمنتدى افالون

من خلال خبرتي بالمعارض والفرفرة اذا موترك نظيف ما جاه حكات ان شاء الله يبي يجيب لك 105 الى 110 بعدين لاتنسى ان لون الموتر ما شاء الله مرغوب والله يوفقك بالبيعة اللي تطيب خاطرك

[الـــراقـــي]

الله يعطيك العافيه اخوي والموتر والله جديد والحمدلله ماجاته حكات ولا شي وللحين باكياس الوكاله

ودامه يجيب فوق الـ 100 فشكلي بتوكل على الله وببيع

[خلصت الأسامي]

والله إذا تبي رايي لا تبيع

ما أمداك توك شاريها

إلا إذا أنت شايف عليها شيء مثل فيه شيء تشوفه مهم ولا حصلته فيها أنا معك بيع. بس ما شاء الله الموتر ما ينباع هذا المفروض تضيفه في دفترالعائلة هههههههههه

وإذا عزمت تبيع وصلت السعر اللي بتبيع فيه ياليت تكلمني عشان أنا ممكن أفرق السومة

[الـــراقـــي]

والله يااخوي السياره روعه بس شيئين قاهريني فيها
شاشه النفيقشن مو موجوده وناقصها مشغل الـ mp3

وبيني وبينك انا خاطري في اللكزس ES يقولون 2008 راح ينزل بانوراما يعني التنده كلها زجاج بيطلع روعه
وابشر متى وصلت للسعر الي ابيه بعطيك خبر

مع العلم اني في الشرقيه _ الاحساء

[<^العاني^>]

عزيزي لين صملت بالبيعه عطني خبر وانا من الرياض وماعندي مشكله اني اجيك للحسا باذن الله

لكن شوف امورك وعطني خبر ,... وشكراً لك

تحياتي
مشعل

[ابودايخ]

95 الف
لان 2008 في الطريق

[م.عبدالله]

شيك على الخاص يا راقي

[الخبرة]

96 الف
صاااااااااااااااااااااافي
0555150026
محمد