[ميركوري]

مرحبا اخواني الأعضاء : انا واعوذ بالله من كلمة انا يوم طلعت موتري من الوكاله لاحظت ان الدركسيون عندي مايل شوي يسار ولما اوزنه تحذف السياره شوي يمين ابي الحل من الحبايب وهل صار لأحد الشي ذا وش الإجراء اللي اتخذه :شاكراً لكم حسن المساعده..... تحياتي,,,,

[شادي س س]

هلا اخوي مريكوري

بالنسبة لميلة الدركسون والحذفة طبيعية جدا اغلب السيارات تجي كذا
والحل ما راح تلقاه عند الوكالة ........فيه كذا واحد من الشباب طرحه هذي المشكله وما حصل نتيجة عندهم

وديها لمحل يكون عنده ميزان الكتروني و راح يضبطها لك بالملي..

اتمنى اني افدتك وتقبل تحياتي

[ميركوري]

الله يعطيك الف عافيه اخوي على الإفاده والله لا يحرمنا مشاركاتكم ... عز الله اني متردد اني ادخلها الوكاله علشان هالموضوع ... تحياتي

[اوريون الرياض]

اطلع بها الوكالة او ميزان معروف

[ميركوري]

مالي الا ميزان المجد بالرياض اذا جت عطلة العيد والله يعين ومشكور اوريون الرياض...

[اوريون الرياض]

اقول ادخل الوكالة افضل لك يخوي عليها ضمان وترتاح نفسك ليه ماعندكم وكيل في الغربية

[آيروني!]

أنا عندي نفس الشيء ..

ووديتها للوكالة ونفس الشيء ..

أفكر من جد أطلع بها لميزان إلكتروني ..

[ابوفيصل]

هذه مشكلة وزنية ونصيحة مثل ما قالولك الشباب وخر عن ميزان الوكالة

انا كانت عندي مسحية في الكفرات وقلتلهم يسو للسيارة وزن اذرعة ولا في فايدة

ورجعت لمهندس الوكالة وقالي بنفسه ان ميزانهم تعبان

وعطاني اسم محل في الخبر بحكم اني من الخبر قال ميزانهم ممتاز واحدث من ميزان الوكالة

[كريتشر]

السلام عليكم
اخوي ميركوري كلام ابو فيصل 100%
واحد من اخوياي معه اوريون عنده نفس مشكلتك بالضبط ولما راح للوكاله قال المهندس نفس الكلام الي قاله ابو فيصل .
نصيحتي ودها لميزان العضيب بالرياض والله اني ناسي هو ب 100 ولا 200 ضمان شهر (العضيب-اليرموك-المجد) راعيهم واحد بس العضيب هو الاقدم.
اتمنى لك التوفيق

[ميركوري]

آيروني وابوفيصل وكريتشر الله يعطيكم الف عافيه وان شاء الله اوديها لميزان الكتروني وبالرياض ان شاء الله (( الله يخلي المجد على الذمه))) تحياتي للجميع,,,