[عاشق_الياباني]

السلام عليكم ورحمة الله وبركاته


يا شباب انا ملاحظ انه في حركات جديدة طاحوا فيها الشباب بمدينة الرياض مادري عن بقية المدن تدرون وشي كل واحد يحط رقم من ثلاث خانات او رمز ويلزقه على الزجاج الخلفي للسيارة ويدل على قبيلته. مثلا انا شفت 511 يعني عتيبي F16 شمري. وش رائيكم بهالحركات وهل شفتم رموز اخرى. ارجوا من الاعضاء المناقشة الجادة والتفاعل المعهود

[مودي توب]

انا شوفت واحده في الجبيل واحده 505 تدل على القحطاني على ما اعتقد

[اسير الذكرى]

عندنا في المدينة المنورة لسى ما وصلت

لي عوده والتعليق على الموضوع

[ويلي]

على اي اساس 511 عتيبي
و f16 شمري

يعني وشلون تنقرى او وش اصل تسميتها

او وشلون ابفهم لو ابشوف رموز ثانيه ان هذي معنتها هيك ولا هيكا

[علي بن عايض]

و الله انا شفت اكثر من سيارة قبل فترة بس للأسف ما دريت وش معناها
حتى عندنا في ( صنعاء ) في سيارات سعودية لبعض الشباب عليها نفس الارقام المرمزة و ما عرفت ايش يعني بالحركات هذه ؟؟
مشكوووووور اخوي ( عاشق يباني ) على الموضوع
و اتمنى احد يفهمنا ايش معنى هذه الارقام و الرموز الغريبة اللي يسوونها الشباب على سياراتهم

[بنت الخران]

الله يسلمكم

ويسلم غاليكم

الارقام والمسميات عندنا من سنوات

هي عباره عن مجموعه لها اسمنها الخاص

مثل قرووب ktm

مثل قرووب البازوكا

وهذي عادة تكون فى التجمعات للسباقات او للتخيم او للمناسبات

او للتعريف بصاحب السياره

[دقات قلب]

شايفها بالقصيم

وللحن ما عرفنا شنو المقصود فيها

أجمل تحية

[وااوأفالون]

تسلم أخوي على للموضوع

[امبراطور الهدد]

07 من جيزان او بالاصح من الجنوب

[عاشق_الياباني]

هلا بالشباب، شكرا لكل من عقب على الموضوع
عموما الارقام والرموز هاذي مادري كيف اخترعت لكن اكيد كلكم لاحظتوا انتشارها وخصوصا عند المراهقين

وجبتلكم الان رموز جديدة، يالله كل واحد يشوف قبيلته ويعرف رمزها علشان فيه اختبار بكره

السبعان 911
العجمان 711
العنوز 500
الشمامره 555
الحروب 111
القحاطين 505
الدواسر 502
بني تميم 811
المطران 305

[& ابو فارس &]

111


الصراحة رقم مميز

ولايهونون الرجال

[الله يعين]

عاشق الياباني ،،،

اخوي قالوها من زماان ( الفاضي يعمل قاضي )

والي ماعنده لاشغل ولا مشغله يسوي هالحركات ،،،

اطفال مراهقـين عندهم احساس وشعور بالنقص بس مسكين مو عارف شلون يعبر عنه ،،،

هذي الله يسلمك يدلون فيها ع انتمائهم القبلي ونسو او تناسو ان الاسلام نهي عن العصبيه القبليـه

وانها من مظاهر وعادات الجاهلـيه ،،،

الفخر يكون بالإسلام وبالمعاشره الحسنه وبالكلمه الطيبـه ،،،

ولا ترا كلن يعرف اصلـه مو محتاج يحط له كلمه بالقزاز ولا بالسياره ولا بجدران الشوارع ،،،

تحياتي لك اكيييييييييد وعسي الله يفكنا من هالمراهقين الاطفال شوهو المنظر العام والله ،،،

[عاشق_الياباني]

المشاركة الأصلية كتبت بواسطة الله يعين

عاشق الياباني ،،،

اخوي قالوها من زماان ( الفاضي يعمل قاضي )

والي ماعنده لاشغل ولا مشغله يسوي هالحركات ،،،

اطفال مراهقـين عندهم احساس وشعور بالنقص بس مسكين مو عارف شلون يعبر عنه ،،،

هذي الله يسلمك يدلون فيها ع انتمائهم القبلي ونسو او تناسو ان الاسلام نهي عن العصبيه القبليـه

وانها من مظاهر وعادات الجاهلـيه ،،،

الفخر يكون بالإسلام وبالمعاشره الحسنه وبالكلمه الطيبـه ،،،

ولا ترا كلن يعرف اصلـه مو محتاج يحط له كلمه بالقزاز ولا بالسياره ولا بجدران الشوارع ،،،

تحياتي لك اكيييييييييد وعسي الله يفكنا من هالمراهقين الاطفال شوهو المنظر العام والله ،،،

شكرا على التعقيب وكلامك صحيح 100%.

جاء في البخاري أن رجلان من المهاجرين والأنصار تشاجرا فَقَالَ الأَنْصَارِىُّ يَا لَلأَنْصَارِ . وَقَالَ الْمُهَاجِرِ يَا لَلْمُهَاجِرِينَ فَسَمِعَ ذَاكَ رَسُولُ اللَّه صلى الله عليه وسلم فَقَالَ مَا بَالُ دَعْوَى جَاهِلِيَّةٍ قَالُوا يَا رَسُولَ اللَّهِ كَسَعَ رَجُلٌ مِنَ الْمُهَاجِرِينَ رَجُلاً مِنَ الأَنْصَارِ .فَقَالَ دَعُوهَا فَإِنَّهَا مُنْتِنَةٌ.

[ابودايخ]

502 تعني بالدواسر
505 تعني بالقحاطين
511 تعني بعتيبه
707 تعني الغمود

[حامدسعد]

عاشق الياباني أشكرك اخوي على الطرح المميز


وللشباب الي يسألون عن أصل هاذي الأرقام

الارقام هاذي من اول كانو يستخدمونها وسم للبل لكن ماكانت بهاذي الطريقه
مثل وسم العتبان كان ...معقلين ودايره.... لكن حولوها الشباب 511 وبقية القبائل هكذا


وشكراً....

[حياة_التميز]

انا صراحة اكره بصفة عامة اي ملصق يعلق على السيارة ما عدا كلمة ما شاء الله تبارك الله لانه العين حق غير كذا كلام فاضي الي حاط لي صورة كاسترو و الي حاط شعار مقاتلة حربية و الي حاط ارقام الله يعلم بيها تحس السيارة صارت لوحة اعلانات من كثرة الملصقات و الاعلانات و الدعاية واكثر شيء اشوفه حائل , الطائف , عرعر , ......... و مدن اخرى و كمان جدة بويز برضه انواع الملصقات

الفاضي يعمل قاضي