السلام عليكم و رحمة الله و بركاته
هلا والله اخوي و يعطيك خير الكامري الرياضيه ما شاء الله و يصرف عنك شرها
بالنسبة لاهم الاشياء المتعلقة بالغسيل انصحك بالاتي
1. نصيحة لا تغسلها الا مرة وحدة اسبوعيا في مغسلة ( لا تغسل مكينة )
2. تأكد انهم يغرقونها 100 % بالمويه عشان كل التراب يروح ( التراب يخمش السيارة )
3. استخدام فرشة ناعمة غير قاسية نظيفة ( بالراحة على الهيكل ) عشان لا تتخمش
4. الصابون ( ينصح دائما بصابون ما يكون قوي يعني اي نوع رخيص يؤدي الغرض بعكس الانواع القوية الي تأثر بشكل كبير على الهيكل
5. الجلد او الخرقة الي يستخدمها العامل لازم تكون نظيفة خالية من بقايا التراب عشان التخديش
6. تأكد انك تغسل السيارة وهي بادرة بعيد عن الشمس ( لا تغسلها ابد في الظهر )
7. نصيحة خذها لاي محل تلميع و حماية مثل محلات زيبارت و سولر قارد و غيرها و راح يعمل لك طبقة شمعية ( واكس بروتيكشن ) بعد كذا راح تلاحظ وقت الغسيل انه المويه راح تنزل بشكل دوائر وليست خطوط
8. المواد الكيميائة الي بالمغاسل استخدمها مرة بالشهر لانه تساعد على بقاء اللمعه
9. اثناء السفر لا تحط تغبيرة وانما استخدم صابون اضعف من الفيري و تأكد انك تشيله في زمن قصير
10. اذا قدرت تعمل التجليد الشفاف من زيبارت ب 600 ريال اعمله على الكبوت و الصدام و الشمعات و يطول فوق السنة و ما يأثر ابدا باذن الله
11. مخلفات الطيور ( وانتو بكرامه ) لا تخليها واغسلها بماء فاتر اول باول لانها تؤثر على الدهان
اتمنى اكون افدتك اخوي بس بيني و بينك الاسود مهما عملت يحتاج عناية خاصة واي حكة توضح فيه مثل فك الابواب ( تأكد انك ما توقفها جنب سيارة بشكل قريب لانه لو كان مو منتبه راح يفتح الباب بشكل عشوائي , لا توقف جنب عوائل لان الاطفال الله يحميهم ما ينتبهوا للابواب عند الفتح )
مشكورين قلبو و شادي لثقتكم فيني الي اعتز بيها
اي شيء اخوي الرباب تراني جاهز
دمتم سالمين
المواضيع المتشابهه للموضوع: مو معقول 
