[ابو بكري]

السلام عليكم ورحنة الله وركاته

مسيتم وصبحتم بخير ونور ورضى وعافية يارب

كيفكم يا عشاق اللكزس وبالأخص الـجي اس ( ماتنلامون)

يا جماعة الخير انا حجزت لكزس ES350 موديل 2008 من عبداللطيف هذا الكلام قبل شهر وعلى كلامهم انها راح توصل برمضان ورجت لهم قبل اسبوع وقالوا انها وصلت بس باقي التشييك عليها من هيئة المواصفات والمقاييس ...إلخ

فأنا سألت الموظف المصون عن موديلات 2007 هل عليها عرض ؟

قال: نعم كلها عليها عرض انك تدفع نصف القيمة السيارة والباقي تقسيط بدون فوائد !!!
فشدني العرض ودارت براسي اني احول على الجي اس 300 واشتريها منهم وكالة فهل تنصحوني اني اخذها واغير رأيي عن الـ ES350 موديل 2008 بحكم انها مميزة 2008 لانها بانوراما فقط !!!

هذا اللي حبيت اخذ رأيكم ونصيحتكم وش اخذ ES350 ولا GS300 كلها طبعا وكالة بس يفرق الموديل

عطوني القرار الاخير يا شباب لاني شفت اني الجي اس 2008 عليها تغيرات حلوة من ناحية الشبك والمرايات والإسطبات وانا باخذ 2007

................................

سؤال : ماهي انواع الجي اس 2008 ( فــئاتهــا ) ؟

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,

أسف يا شباب ع الإطالة أرجوكم رجاء تفيدوني بالموضوع وابي الكل يشارك ما ابي بس زوار بدون ردود وتكفون يا اصحاب الجي اس عطوني رايكم بالموتر ووش عيوبه ( لا قدر الله ) ......

[لكزس للأبــد]

كنت واقع في نفس الحيرة ..gs300 أفضل بعدة مراحل...حقيقة انصحك بالـgs300 ...لكن لاحظت في موقع لكزس العالمي أن جميع موديلات 2008 نزلت الا gs وانا كلمت الوكالة اكثر من مرة وقالوا انه ما راح يكون في تغيير في موديلات 2008 يالنسبة للـgs ..ولكن ايضاً ما تقدر تضمن كلام الوكالة لانهم ناس ودها تبيع...لذلك رائيي انك تصبر مثلي لانه في اخبار ان الـgs بتنزل 460 بدل 430 و350 بدل300 ..هذا اللي عندي واتمنى انك وجدت الفائدة وهذا موقع لكزس http://www.lexus.com./...تحياتي

[ابو بكري]

حبيبي لكزس للابد .....اول شي كيفك ؟

رأيك احترمه واحطه اول اولوياتي صراحة لكن تغيرت الجي اس من ناحية الشبك والاسطبات والمرايات بصراحة كلها خيالة وحاب اصحح لك ان الجي اس 450 بدل 430 مو 460 لكن بالنسبة للـجي اس 300 ماراح تتغير الى 350 لانهم يقولوا ان البنزين مو متوافق مع اللي عندنا (تصريفه غبية).... لكن بيني وبينك انا اميل للجي اس اكثر من الاي اس وكان من اول ودي فيها لكن الميزانية ماتسمح لكن بعرضهم هذا حبيت اني احول عليها ووانت جيت وماقصرت لكن ما يمنع ان الاعضاء يعطونا رأيهم واسف ع الاطالة

[فهد الحقباني]

انا أرشح الجي اس ....... لأنها دفرنس خلفي مع أن الأي اس أقوى وشكلها يمشي معك سنين أكثر . عيب الجي اس في نظري انها راح يتغير شكلها بعد سنتين تقريبا ... والله يوفقك ويباركلك

[لكزس للأبــد]

عزيزي ابوبكري...تحية عطرة ...وجدت هذا الاعلان في احد مواقع المتخصصة بالسيارات وهذا نصه:

2008 Lexus GS 460 and GS 350 details
09/03/07, 10:16am, EDT


Lexus has released preliminary details on its 2008 GS sedan. The automaker has added a new model to the lineup — the GS 460. As the name suggests, power will come from the same 4.6 liter V8 found in the LS. However, the GS will not receive the same direct injection system that the LS uses, resulting in a slight power loss.


The new GS460 will deliver 342 horsepower and 339 lb-ft of torque, good for a 0-60 time of 5.4 seconds and a top speed of 149 mph. An eight-speed automatic carried over from the LS should deliver enough performance and enough smoothness to meet the needs of a variety of GS demographics.

ويفيد الخبر بأن لكزس قررت طرح gs460 لعام 2008 بنفس محرك الـls460 ولكن بقوة اقل حيث قوة المحرك 342 حصان..انتهى الخبر . هذا بالنسبة للسوق الامريكي لسنة 2008 ..لكن السؤال هل ستطرح في السوق السعودية لعام 2008؟؟

تحياتي،،

[ابو بكري]

هههههههههههههههههههههههه

لكزس للأبد ............. آسف يالذيب

لكن انا دخلت موقع لكزس العالمي ولقيت الجي اس 450 وفكرتها هي نفسها 2008 لكن استغربت من كلام المنتدى انه راح يكون جي اس 460 وانت من ضمنهم وفكرتهم غلطانين بالفئة لكن طلعت كلها موجودة الثنتين لكن 460 طلعت 2008....... عموما لكزس للأبد يعطيك العافية وماقصرت حبيبي

[ابو بكري]

فهد الحقباني

يعطيك العافية على وجهة نظرك.... لكن الجي اس يقولوا انها راح تتغير على موديل 2010 اظاهر

والاي اس ماهي بطالة صراحة قوية خاصة البانوراما الان محليها واجد

مشكور وماقصرت يالغالي ع المشاركة

[ثموووري]

المشاركة الأصلية كتبت بواسطة ابو بكري

فهد الحقباني

يعطيك العافية على وجهة نظرك.... لكن الجي اس يقولوا انها راح تتغير على موديل 2010 اظاهر

والاي اس ماهي بطالة صراحة قوية خاصة البانوراما الان محليها واجد

مشكور وماقصرت يالغالي ع المشاركة

هلا اخوي اب بكري واضح من ردودك انك ودك بي ES اخوي استخر وشف وش يكتب لك ربك لكن اخوي اذا كان عذرك على بيتغير شكله بعد سنه او سنتين اجل اقولك بتتعب ومنت شاري شي اذا كنت بتلاحق كل موديل ...جي اس حلوه وانا توني حاجز وحده بس 430 وهذي اخر وحده بالمملكه كنت بصبر يوم رحت لهم كانت بطير مني بس الحمد الله خذيتها وبتطلع بكره .اخوي اذا كنت محتار بين 300 و 350 فانا اقول خذ 350 صح دفع امامي بس اقوي من 300 "بس شكل جي اس احلى من 350" والES البانوراما محليها مرررره اذا ركبتها تحس انها واسعه مرررررره بس اذا كان دراهمك واجده زودها وخذ 430 ...ولا تقول باخذ 300 وبعدلها لين 430 فأنا مانصحك لانك بتاثر بمكينه السياره وحتى لو احد من اخوياك سوها من 2005 بيشوف ان العزم تغير ويضعف من عمر المكينه ...بس نصيحه لاتلاحق التغيرات بالموديل شف المواصفات بالموتر شي خيالي والله حتى الجي اس 2004 عليها طلب من الناس وغاليه بعد اجل جي اس 2004 ب80 الف نصيحه استخر والحق اشتر واسف على الاطاله ...............شكـــرا

[هاكرزتويو]

نصيحتي لك يابعد قلبوا انك تاخذ GSوالله يشد معك و وموتر معلية كلام.

[هاكرزتويو]

نصيحتي لك يابعد قلبوا انك تاخذ GSوالله يشد معك و وموتر معلية كلام.

[ابو بكري]

تسلم لي ثمووووووري

ع النصايح الحلوة .... لكن حبيت اسالك اشلون يضعف من عوم السيارة ممكن توضح لي لا هنت ؟؟

وابشرك انا حجزت الـ 300 وهذا اللي اقدر عليه مايمديني ع الــ 430

والله يعطيك من خيرها ويكفيك من شرها .... حبيت اسالك وش اخترت لون ؟؟

[ابو بكري]

هاكرز تويو

تسلم ع النصيحة يعطيك العافية حبيب قلبي

[ثموووري]

اخترت لون ثلجي ومافيه الا ذي السياره بالوكاله كلهن طارن

ومبرووك مقدما على جي اس 300 راح تنبسط منه كثيييير بس لنفرض انك ودك تغير جنوطها مع الكفرات !كم بتكلف من الوكاله ؟اخبر ان ماخانتني الذاكره واحد من الشباب يقول بتكلف 9 الالف ...
شف كم سعر جي اس300 2007 +9الالف "لو افترضنا صحيح" وسعر جي اس430 وكاله 2007 مع التخفيض 203 الف ...
وعلى فكره طارت علي سياره لقطه جي اس 430 نفس اللون كانت مع شايب وجابها لمعارض النسيم وحطها ماشيه 10 الالف جابها وحطها وشرى بي ام من نفس المعرض قال هذي شبابيه ماتصلح لي بعمري المهم انسيمت 175 قلت ابستخير ورحت للوالد وقلت له خلاص باخذها ب180 الف رحت من بكره للمعرض مالقيتها وتخنقني العبره هع هع وشوي ولا في شخصين راكبينها حقدت قلت بيوسخون السياره وشوي قعدت انتظر لين مايروحون واخرتها خذوها ب180 الف نفس السعر اللي ابيها على طول حجزوها لانهم من الشرقيه وبيطلعون عليها للشرقيه موب مكتوبه لي استخرت وماصارت من نصيبي الله يحفظ اللي اخذها ويعطيه خيرها ويكفيه شرها ورحت الوكاله وحجزت اخر وحده ...

ولا تاخذ 2005 او2006 لانه فيه اختلاف عن 2007 من ناحيه النيفيقشين والسيستم واحد مطلع جي اس 2006 جا بيسويه زي 2007 من الوكاله قالو بيكلف 13000

وعجبني كلام وولد شايب يوم قال " كل قوة مكينة لها قير يناسبها وجتوط وكفرات تتناسب مع حجمها والله اعلم "وهذا كلام واحد من الشباب دراسته وتخصص ميكانيكا ومع مرور السنوات بتشوف الضعف بالعزم لان كل مكينه لها عمر افتراضي واذا زاد الشي عن حده انقلب ضده يعني راح تقصر من عمر السياره
وان كان وددك ب430 رح دور في المعارض اذا ماحصلت عندك هذا اللي حاجزه ماراحت
اسف على الاطاله ...مشكوووور

[ابو بكري]

تسلم لي حبيبي ثمووووووري ع الرد الرائع

لكن حط في بالك اني راح اخذها بعرضها 50% اذا انك تعرفه اللي تدفع نص قيمة السيارة والباقي اقساط من دون فوائد..........
لكن انشاء الله انها تحصل لي والوكالة رافعين ضغطي قسم بالله لكن نقول يارب يارب اني اتوفق بلون مناسب......... دعواتك حبيبي

[ثموووري]

الله يرزقك انشاء الله ...وعرضهم حلو مره حرام يتفوت..

بالتوفيق يارب

[ابو بكري]

آميييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييين

[روح الوفــا]

اخوي .. جرب حط نفس الموضوع بقسم الـ ES

بتلاقي الردود تقولك خذ لك Es وكلن عنده ولاء لموترة

اناكنت حاط بمنتدى ثاني استشيرهم في الاودي A6 واللكزس ES

مافي الا اثنين قالوا لي خذ لكزس والباقي كلهم اودي

ليش .. .؟ لاني حاط الوضوع بقسم السيارات الاوروبية

مع العلم ان اللكزس مواصفاتها اكثر من الاودي


عموما اخوي .. انا عجبني رد احد الاخوان شوف ميولك لمين وسووه وماعليك من احد .. والاول والاخير ترى الموتر لك

ولو علي كان خذت GS مع العلم اني بااذن الله بعد العيد

بااخذ الـ ES لان الميزانيه ماتسمح

وكل عام وانت بخير