[معلم شاورما]

ااااااه من المقارنة بين المرسيدس و اللكزس

طبعا انا رايح اقول راي بدون تعصب
لم تصنع و لن تصنع سيارة كاملة المواصفات و خالية من العيوب

من الناحية الخارجية : المرسيدس من اروع السيارات من حيث التصميم ( راي شخصي ) و تجمع بين الشكل الرسمي و الرياضي اما اللكزس فتصميمها يميل الى الرسمية أكثر ( يعني اذا كنت تبغى الرزة و السمعة بين الناس فالمرسيدس أفضل ) و لاننس ان شكل المرسيدس يتغير كل 8 سنوات تقريبا ( يعني تحلل السيارة ) ويكون التغيير في السيارة بشكل كامل ( يعني ان التقنيات الموجودة في المرسيدس دائما ما تكون مبتكرة و الشركات الأخرى تسعى الى اقتباس الأفكار منها ) و اما اللكزس ان كل 3 سنوات يتغير التصميم ( في ناس تحب التغيير ) و تتطور بكل ما هو جديد من التقنية ( التطور يكون بشكل سريع يعني عند ظهور اي تقنية جديدة تجدها في الموديل الجديد للكزس )

من الناحية الداخلية : تصميم الديكور الداخلي للمرسيدس بسيط و رائع و المواد المستخدمة في صناعة الديكور افضل بكثير من اللكزس و الدليل المراتب في اللكزس بعد مرور اكثر من 4 سنوات يتغير اللون و تظهر التشققات و هذا الشئ لا تلاحظه في المرسيدس ( انا اعتبر الديكور الداخلي قناعة شخصية تختلف من شخص الى اخر )

من ناحية الأمان و الرساوة فالمرسيدس متفوقة بشكل كبير عن اللكزس ( هذا الكلام ما يختلف عليه اثنين )
من ناحية العملانية : صحيح ان المرسيدس عملية و لكن الحق يقال اللكزس اكثر عملانية

اما من ناحية السعر : المرسيدس بصراحة سعرها مرتفع و عند اعادة البيع تفقد نسبة كبيرة من سعرها
اما اللكزس سعرها يعتبر عادل بالنسبة للمواصفات التي تملكها و عند اعادة البيع ( تجيبلك سعر مرة حلو )
بانوراما S500 سعرها حوالي 490000 ريال
و اللكزس Ls460 سعرها حوالي 340000 ريال
و الله فرق في السعر و هذا يحسب لصالح اللكزس ( جودة عالية بسعر مناسب )

اما من ناحيتي املك مرسيدس S320 موديل 98 و الحمد لله السيارة زي العسل ما اشتكيت منها و اسعار قطع الغيار جدا مناسبة بس بنزين و زيت و سواقتها من ابدع مايكون


اما اذا نويت اشتري سيارة جديدة رايح اختار اللكزس بسبب السعر و المواصفات الممتازة
اما اذا تيسرت الحالة المادية رايح اختار بدون شك مرسيدس

[طرمان]

الظاهر حرارتك ترتفع بسرعه مثل البي ام

عساه عاجبك الطبلون البرتقالي...

احسهم غلطوا فيه اول مره واستحوا يغيرونه


تراي امزح يا خوك

وهاقد اختلط الحابل بالنــابل واصبح من يجرؤ ومن لايجرؤ

يتكلم ويتحدث ويشتم بالسيارات الألمانيه وعلى رأسها BMW

وهذا من اضرار العولمه ،، الصاحي والمجنون يهرج ،،

عزيزي شيخ البانوراما ،، ماهذا الكلام هداك الله ،،

لماذا استخدمت اساليب الطفوله في ردك المتواضع ،، الذي يعكس شخصيتك

احسهم غلطوا فيه اول مره واستحوا يغيرونه

هههههههههههههههههههههههههههههههههههههههههه

ياخي بالله وش ارد عليك ،، وش أقول الحين ،، طعب افهمك وصعب تفهم ،، ردك جدا بايخ ،،

لاتزعل مني أرجوك ،، حنا في الأول وفي الأخير اخوان ،، وعلى قول سلطان الجلاوي

(( مايزعل من الحق رجال ))

للمعلوميه ياخوي عندنا لكزسين ولله الحمد ،، وانا أعرف اللكزس اكثر منك ،،

اعرف انها سياره عمليه وتخدمك وتصبر معاك وعيش ولا تطلب منك شي ،،

لكن ياعزيزي رغم كل هالمواصفات بلكزس وعندما تقود تلك السمفونيه BMW

صدقني راح تطيح اللكزس بعينك وان ماطاحت بتقول ماحدني عليك الا الزمن

انا معي BMW وعندما اتكلم عن السيارتين أتكلم بمفهوميه تامه وواضحه وتجربه واقعيه ،،

وليس كما تتكلمون انتم كقولكم

(( انا من رائي ،، انا اشوف اللكزس ،، اللكزس احسن لانها تصبر ،، اللكزس فازت بسيارة 2007 ))

وغيرها من الردود السطحيه اللتي لاتحتوي على مضمون جوهري يوصلك لمبتغاك ويوصلك لهدف المعرف

الذي تريد الوصول اليه ،،

اتمنى ان تبتعدو عن الردود الساذجه ،، وان كنت تريدون المقارنه ،، اتمنى ان تكون بين شخصين

لهم الخبره الكامله والواضحه في كلا السيارتين ،، وانا مستعد للمقارنه بين السيارتين ومستعد لفتح باب الحوار

والمناقشه مع شخص جدير بأن يكون ذو خبره ومطلع على مواصفات BMW ولكزس

حتى تكون هناك معادله واضحه كي يستطيع كل فرد ان يبدي وجهة نظري مع بعض تجارب السيارتين

ومواصفاتها ،،

مو يجيني واحد معو افالون ولا كامري ولا التيما ويقول اللكزس افخم

ولا يكتب لي كم كلمه ،، ولو تسأله وتقول اللكزس فيها نظام i-Drive ولا نظام

Active Steering وقسم تلقاه مايعرف الا مثبت السرعه ويمكن مايعرف يستخدمه



<*****< يقول يارب يفهمون



تشكراتي ، ، ،

[شيخ البانوراما]

المشاركة الأصلية كتبت بواسطة طرمان

[color=darkgreen]وهاقد اختلط الحابل بالنــابل واصبح من يجرؤ ومن لايجرؤ

بي ام بي ام بي ام ، بي ام بي ام بي ام بي ام بي ام ، بي ام بي ام

بي ام بي ام بي ام ، بي ام بي ام

بي ام بي ام بي ام و بي ام وبي ام (بي ام بي ام)

بي ام .. الخ الخ
تشكراتي ، ، ،

.



ماشالله عليك اخ " طرمان " قاعد تكتب مقال شديد اللهجه في جريده عن التسيب في الدوائر الحكوميه ...ما بقى الا تقول قصيده "حابل ونابل وتجرؤ" ( يا عيني يا عيني )

ترى ماحد تكلم على البي ام غيرك انت جيت وحشرته بدون أي مقدمات ما ادري وش هدفك بس تراه احتسب تسلل..

وحاب اعرف كيف حكمت انك اعرف مني باللكزس وانت حتى سيارتك ماهي لكزس !! وانشالله اذا الله اراد بتعرف خبرتي باللكزس من وين جت

وحقيقةً لست ارى أي علاقه بين العولمه وبين ان " الصاحي والمجنون يهرج "

ما عليه انا متأكد ان دورانكم في الورش انت و البي ام مأثر على نفسيتك حبتين ...

انا متفهم شعورك
... سياره عمرها اقل من 20 سنه اقتطعت شريحه كبيره من سوق السيارت الفخمه ومن منافسين لهم عقود وهم متصدرين مبيعات السيارات الفخمه وبكل سهوله تدخل لتسحب البساط من تحت البعض ( ويقع على وجهه )

انت تطلب رأي ناس متخصصين في السياراتين وعندهم خلفيه كامله عن مواصفاتهم

هذي عندك المجلات المتخصصه اللي عطت اللكزس جوائز كثيره ما ملوا عينك ، اجل من بيملى عينك.. رأيك السديد

اما عن الاسلوب اللي تسميه طفولي فأقولك عيب
لو تلاحظ انا ما تهجمت عليك شخصياً مثل ما فعلت انت في ما تعتبره " رد " والله عيب،،،

انت في منتدى محترم والاسلوب هذا ما يتناسب والمكان حاول تستوعب الشئ هذا.
وكون انك ترى ردود الاعضاء " سطحيه وساذجه " ورأيك انت هو اللي ما بعده فهذي مشكلتك وحاول تحلها والا بتتعب في هالدنيا...

وبعدين الله يصلحك اسلوبك في النقاش اكثر من رائع ومصطلحاتك منتقاه بدقه " ردك جداً بايخ "

...وش تحكم على واحد يناقش بهالاسلوب

وخالص التهاني على المعرض اللي تقول عندكم ( لكزسين وبي ام ) اقول الحمدلله والشكر ، نتمنى لك التوفيق

كلمه في اذنك ...

البرميل الاجوف يصدر صوتاً اكثر من الممتلئ

.

[طرمان]

هلا والله ومرحبا بشيخ البانوراما ،، يالله ان تحيه وتبقيه ،، ارحب ،، هات خشمك

شبلاك وانا اخوك لايكون زعلت ،، هذا مثل اللي يقول مزحه بلدحه ماقلت شي يزعل ابد ،،

لكن الحقيقه تجرح في بعض الاحيان وهالشي شفته في ردك ،، ولا ماسمعت الجلاوي يوم يقول

(( مايزعل من الحق رجال )) <*****< امتحن العالم بالجلاوي حقوو

طيب طيب طيب طيب ،، راح اعقب على ردك وباختصر في الرد ان شاء الله ،،

وحقيقةً لست ارى أي علاقه بين العولمه وبين ان " الصاحي والمجنون يهرج "

صدقني ياخوي لو صلاح الدين الايوبي رحمه الله عاش في زمننا هذا لوجد الكثير من الشتم والقيل والقال ،،

ان شاء الله وضحت مسألة العولمه بالنسبه لك ،، ووضحت الصوره والفكره ،،

يعني الان اي واحد يسب وينتقد ويشتم ولا احدن بداري عن احد ،، مير كل طير يشبع بمخلابه

الموضوع يتكلم عن السيارات الألمانيه شلون تقول وش دخلك وش حشرك ،،

يقالك BMW استرالي

هذي عندك المجلات المتخصصه اللي عطت اللكزس جوائز كثيره ما ملوا عينك

على فكره ،، ترى حتى الكابرس حصد على جوائز كثيره وحصل

على سيارة العام

وحتى الكامري حصلت على اكثر مبيعات لعام 2007 ،،

يعني انتبه وانا أخوك لاتخطي وتغرك الجوائز ،،

اجل من بيملى عينك.. رأيك السديد

هههههههههههههههههههههههههه

أتمنى ان تقرأ ردي جيدا وتتمصحه وتمعن التفكير فيه قبل النظر

اخوي شيخ البانوراما ،، قال وش كثر حكي البدو قال ترديده

يعني الى الان لم أجد الزبده في ردودكم ولم أجد القناعه التامه ،،

رز لي موضوع عن اللكزس ومواصفاته من الألف الى الياء

وانا اوعدك بموضوع يتكلم عن ال بي ام من الالف الى الياء

وازيدك بعد واقولك وش عليه تفوقت البي ام على اللكزس

وش الشي اللي تفوقت فيه اللكزس على البي ام

وبكذا نكون وصلنا لهدف مميز ولفكره رائعه احسن من الهذره

كلام كثير مافي كويس

وحنا اولا واخيرا اخوان والمنتديات ماوجدت الا للتسليه والاستفاده

تشكراتي ، ، ،

[شيخ البانوراما]

المشاركة الأصلية كتبت بواسطة طرمان

هلا والله ومرحبا بشيخ البانوراما ،، يالله ان تحيه وتبقيه ،، ارحب ،، ....

هات خشمك


تشكراتي ، ، ،

.

المشاركة الأصلية كتبت بواسطة شيخ البانوراما

عداك العيب اخوي اسير السوبرا

بس اللي يبي يقتنع بيقتنع واللي ما يبي لو تجيب له كل مواصفات المرسيدس ( البي ام ) و تحطها في اللكزس وتزيد عليه (كما هو حاصل الآن) ما اقتنع !!

يعني بالعربي المسئله شخصيه وليست مواصفات ...

عموماً اللي يبي يناقش يكون منطقي ....

وللعلم فأن المستقبل للكزس والمرسيدس و( البي ام ) بيظل كما هو وستذكرون كلامي

بارك الله فيك اخوي اسير السوبرا

والى الأمام يا لكزس


.

المشاركة الأصلية كتبت بواسطة شيخ البانوراما

.




اولاً السلام عليكم ورحمة الله وبركاته


فيه ناس تتشبث برأيها حتى لو كانت كل الاثباتات تقول عكس كلامهم لأنه يحسب ان الناس تعيب فيه شخصياً

يعتي لو جابوا المرسيدس ( البي ام ) وحطوا عليها شعار لكزس بيقول مهيب زينه بدون ما يفكر ...

وبعدين الواحد يشتري سياره يسوقها مهوب يمشي فيها 240 !!!

وانا اتحدى اي سياره يصير لها حادث وهو يمشي بسرعه جنونيه وما يجيه شئ، لو انها مدرعه ...

لأن فيه قوانين فيزياء ما تفرق بين مرسيدس و "ياباني" ولما اقول المستقبل اقصد ان السياره فيها كل المواصفات المطلوبه وفوقها عمليه مهوب مثل الالماني وبصراحه اكثر من واحد يسب في الالماني لأنه جرب "الياباني" قبلها يعني بالعربي كل واحد واللي تعود عليه


وفيه واقعه تحصل يومياً تأكد لك كلامي " اللكزس هي المستقبل "

كل السيارات الفخمه اول ما تشتريها تطيح 30 % اقل شئ الا اللكزس وش السر ...

ومثل ما ذكر احد الاخوان اللكزس اللي في السوق من اكثر من 5 سنوات تكاليف صيانتها اقل من المرسيدس والبي ام والاودي موديل السنه !!

حتى الملياردير مهما وصل من بذخ ما يحب انه يخسر وسياره صيانتها في السنه حوالي 30000 ريال لها اسم واحد (( خساره ))


لا تفهم ان الموضوع موجه لك شخصياً ولكن هذا هو واقع الحال ...


.

المشاركة الأصلية كتبت بواسطة شيخ البانوراما

.





اتذكر جلست مره مع احد الاخوان وهو رجل كبير في السن ومالك لوكالة سيارات ويتعامل مع النوعين الامريكي والياباني...

قاللي " انا اتذكر يوم الناس ( يقصد بالناس الامريكان لأنه كان يدرس في امريكا) كانوا يضحكون على الياباني ويستهينون فيه والآن اصبحوا يقلدونهم في بعض الامور " انتهى

هذا ان دل فهو على قوة التقنية اليابانيه واكتساحها الاسواق ،

وكذلك لو تلاحظ الحاله اللي صار فيها الامريكان يوم جت اللكزس سحبوا على كل السيارات اللي كانت سيارات التشخيص عندهم (الكادلك ، المرسيدس ، الجاغوار وغيرها ) لأنهم ناس يلقطونها وهي طايره "للأسف" وعمليين جداً يوم لقوا كل المواصفات المطلوبه في هالسياره وسعرها اقل بما يقارب 40 % وش حدهم ياخذون الاغلى..


انت لو طول عمرك تشرب شاهي عادي وفجأه عطوك شاهي اخضر بتقول وش ذا الطعم البايخ ولكن حول العالم فيه ملايين يقدرون هذا الطعم ، ما نطلب انك تغير بالعكس نقولك بالتوفيق هذا ذوقك بس انك تطلع الناس هذي كلها غلط وتقول الشاهي الاخضر لايمكن يصل لمستوى الاحمر الخ الخ ...

هذا اللي يبي له اعادة نظر

الله يهدي الجميع لما يحبه ويرضاه ،،،

.

سبحان الله الردود هي نفسها ما تتغير ، وين ايام اللبيب بالاشاره يفهم...

..الا صحيح كنت ابسئلك عن السيمفونيه اللي تقول عليها .. هي تشبه اصوات وطقطقت الورش في الصناعيه ...

وحتى الآن ما فيه اي رابط بين العولمه وحرية الرأي ...

وبين وبينك لا عاد ترد ... قمت تدخل صلاح الدين الايوبي اخاف تدخل واحد ثاني برضه والموضوع يكبر

وان كان بعد كل اضافات وردود الاعضاء اللي تراهم ( سطحيه وساذجه ) ما قدرت انك ترى ما يرونه فالشكوى لله

قد يكون البي ام فيه مواصفات ( ولا يتميز بها لوحده ) ولكن هل تستاهل انك تدفع عليه صيانه في السنه قيمة سياره جديده !!


فكر بعمق بس لا تنام علينا ...

.

[بعدين]

السلام عليكم و رحمةالله وبركاته واما بعد

اللهم لا اعتراض على كلامك عن لكزس

بس تعال شوفيه الالماني انت يوم اتروح تشتري السياره تطلب موصفات خاصه بس نسيت اهم شيء
وهوه السلامه الالماني متفوق في مواصفات السلامه و اتحدى الياباني ان يتعدى اختبار اليورو 5 في
مواصفات السلامه.

على العموم موصفات الياباني يورو 4 .

بس انا استخدم الالماني من 7 سنوات ما شتكيت من شيء بس مره وحده من الطوارق كنت في رحله
extrem comping في استرليا في الجبال و اتحدي اللكزس يدخل في المنطقه بدون ما يطيح الجير
بس الياباني له ناسها والالماني له ناسها بسانا عندي اف جي والله ماعليها كلام سيارة صح اف رود بس
انا اول مره اخذ ياباني بس حلوالياباني .

I like extrem offroad (Drive Before You Dir(

[بعدين]

يا شيخ البانوراما لا تحاول ان اللكزس تتحدى الالماني واقول بعد التويوتا عموماّ كم سيارة تبيع في السنة الياباني
اولا-الفلكس واجن في 2004 باعت من فئةالطوارق في امريكا 250000 سيارة اكثر من اللكزس بي 200000 سيارة بس تقدر تقول الهوندا احسن من التويوتا لا طبعاّ بس الهوندا جابت اعلى استفتاء في السعر والصيانه والاعطال 9,8 من 10 هل تقدر تقول احسن من الالمني و الياباني و الايطالي و السويدي لا
وتقول ان الالماني ينزل اكثر من 30% من سعره ما بختلف معاك بس مش الكل واحد البورش كايين
ينزل فقط بعد ما تشتريه 5% و اللكزس 20% والله يشهد عليه
اقول سعر اللكزس 245000 و البورش كايين S 280000 اي واحد تختار و البورش كايين حمار مكده

[مجنون الأفالون]

<***** توقع انه داخل موضوع نكت


الألماني وعزمه وقوته وتحمله وهداوته والأمان القوي اللي فيه وين راح الله يرضى عليكم ...؟؟


لحد يزعل وخاصة أخونا شيخ الكورولا ...انا أشوف رده شوي متعصب وأحسه رابط على راسه وهو يرد ههههههههههههههههه لا تزعل وعلى قولة طرمان هات خشمك ....


حبيبي انا مجرب للسيارتين ... ويعلم الله والله على ما أقول شهيد ... مو دفاعاً للألماني ...


انا أول سيارة ركبتها وصارت ملك لي في عام 1998 ميلادي ..

وكانت من نوع مرسيدس بنز SEL300 موديل 87 .

وإنتم تعرفون الندم شين وصعب أنك تبلعه .. ولا فات الفوت ما عاد ينفع الصوت .!

والله العظيم وربي يشهد .. إلى يومكم هذا ندمان وأشد الندم إني بعتها .. ولما بعتها كان في عام 2003

لأني كنت مغتر بسيارة ثانية .. مع أن كانت المرسيدس معي مريحتني لأبعد الحدود .. لكن حبي للامريكي الميركوري .

السيارة اللي كانت معي .. كانك قاعد تسوق سيارة مصفحه من القوة وكان في أحد يشدك للمراتب وتحس تقدر تتحكم بالسيارة

بعتها واشتريت فورد وبعت الفورد وإشتريت لكزس هههههههههههههههههههه

إشتريت لكزس موديل 2000 طبعا أقوى فئة اللي هي 400 إل إس

إقسم بالله كرهت الياباني كله ..إزعاج وعدم رساوة .. ياخي مراتبها تحسها بلاستيك لما تجلس عليها

ما أحس براحة نهائيا ..ما إستمرت معي شهرين وبعتها وإشتريت أفالون التي ما زالت معي ,. وأعتبرها للآن مقلب من السفلة شركة عبداللطيف .. والكل يعرف مشاكلي بقسم الأفالون لو يبغى أحد يشوفها .


يا عشاق اللكزس ...

لا أنكر أبدا اللكزس حلو وجميل وشكله رائع بصراحة وخاصة الموديلات الجديدة ..

انا أقصد من 2004 وانت طالع ..

لكن خلونا نترك الجمال والشكل ونروح للمهم .. الماكينة والأمان والراحة


هل تقارن اللكزس بالمرسيدس أو السمفونية البي أم دبليو ( خلنا نقول فيجول لعيون طرمان *_& ) هل تقارنها بالأمان فيها ؟
(( وين راح التنسيم وين راحت الرجه وين راحت مشكلة المرايات الجانبية اللي طول الوقت تسولفون عنها بالمنتدى ))

وربي أضحك من قلبي على الموضوع ههههههههههههههه والله صعبة المقارنة


الألماني وين راح الامان والمراتب الهلوز اللي اخترعتها بشكلها .. وراحت لكزس تقلدها


هل تعلمون المراتب المخرمة واللي متدارجة عند الناس ( الهلوز ) موجودة بالمرسيدس اللي كانت معي ههههههههههه

واللكزس جابتها بالموديلات 2001 ال اس

هل تعلمون أن أول شركة حصلت على النسخة البانورامية كانت مرسيدس والبي ام ( أرجوا من أصحاب الياباني عدم تشغيل مخه بالنقطة هذي لأن ما راح يفهمها )

السقف البانورامي اللي فرحانين فيه أصحاب الكامري المطور (ES 350).. ليس سقف بانورامي وانما فتحتين سقف

البانوراما : تواجدت في موديل 2001 مرسيدس سبورت الفئة E350 اتوقع وكانت سقف زجاجي كامل وشفاف .. مو فتحتين

البانوراما : تواجدت في البي ام دبليو ( الذئب المرتدي ثياب حمل وديع ) الفئة الخامسة M5 واللي ما خلت أحد بحالها وعطته درس بالسرعة.. الحين للمعلومية برنامج بقناة قير ون .. ال M5 بيخلونها 900 حصان يا حلوين هههههههه ارحم يا مشلم ..


تبريد وتسخين المراتب : كانت موجوده في الشبح من عام 94 ميلادي ..

انوار الزينون : موجوده بالبي ام دبليو من عام 1996 ميلادي

مسح الإصطبات الامامية : موجودة بنظامي المرسيدس والبي ام دبليو.

تحريك الأنوار .عالي وسفلي .. توكم تخترعونها هههههه وحطوها بالكورولا؟؟ ينقالهم تقنية عادية ههههههههه



وفي بعضهم يقول يكفي اذا إشتريت الياباني وتبي تبيعه تلقى سعره

ياخي انا أشيل هم وانا راح أشتري سيارة .. لا بعتها ألقى سعر

انا أشتري سيارة عشان تعيش معاي مو عشان انتظر اليوم اللي أبيع السيارة

والمشكلة هنا طبع المعارض ؟؟؟ شافوا الكامري مشى سوقها والناس رغبتها.. حسبت كل تويوتا كذا .. وهذا قمة الغباء ؟


ممكن أسئله لأصحاب الخردة اليابانية :

السؤال الاول :

لما نشوف رؤساء العالم وعصابات العالم من مافيا ومن هالكلام .. تتوقع يركبون لكزس ...؟ والا وش رايك انا أتوقع ان عصابات المافيا يركبون كامري بدون طيس ؟ (( كل سياراتهم بي ام دبليو ومرسيدس ))

لما نشوف الملك والأمراء الله يطولنا بعمرهم يا رب آل سعود .. في احد يركب لكزس .. كلهم رنج روفر وبي ام ومرسيدس حتى قديم لأنه يعرف وش يركب وش يقتني ؟



السؤال الثاني :

هل يا صاحب اللكزس ما تخجل من نفسك لما تشوف كل اللي راكبه مجرد خرده مقلدة وماخذين كل هالأمور من الألماني .؟؟


السؤال الثالث : هل تستطيع المشي بسرعة 240 كيلو دون الخوف من الطريق ؟؟

ياخي يكفي البي ام دبليو لا انفقع الكفر .. ويمكن اخوي طرمان يعرف اكثر مني هالميزة .

أتوقع تمشي والكفر منسم السيارة لمسافر 14 كيلو دون تأثر الجنط والهوب ..


السؤال الرابع :

كيف تقارن سيارة عمرها قليل بسيارة لها العمر الطويل والخبرة الكافية بمجال السوق .؟؟


السؤال الخامس :

ممكن تفسرلي وتقولي طلع لي سيارة بالشارع من 90 وانت طالع ياباني للحين شغال


السؤال السادس :

اقعد مع نفسك زين وفكر مليا بالأمر على قولة المسلسلات المكسيكية .. وهل تحس انك بكامل قواك العقلية لما تقول

الياباني أفضل من الألماني



النية قريبة إن شاء الله بشراء بي ام دبليو الفئة الخامسة بإذن الله .. لأن الياباني ما عاد له مكانة عندي بصراحة

اخوكم / أحمد

[طرمان]

بعدين ههههههههههههههههه وقسم ردك رهيب

شيخ الكورلا مدري البانوراما ،، ارسى لك على موتر عشان نرد عليك

ياحبيبي شفيك انت نكلمك في الياباني والالماني تروح تدخل الأمريكي ،،

وتقول غالبية الشعب الامريكي سحب على سياراتهم وفضل السيارات اليابانيه ،،

انت وسعت نطاق الحوار وكثرت علينا النقاط اللي نتكلم عنها وتبي تشتتنا ،، ولا انت اساسا مشتت

نحن نتكلم عن افضلية السيارتين BMW & لكزس

وش نبي بالشعب الامريكي ،، وايضا وش نبي بالشعب السعودي ،،

الظاهر انك ماستوعبت الموضوع زين ،،

هي تشبه اصوات وطقطقت الورش في الصناعيه ...

هههههههههههههههههههههههههههههههههههههههههههههههههه هه

الظاهر انك نسيت ياخوي ان الـ بي ام الان لديها ميزه جميله وهي ضمان على المكينه والجربكس

لمدة ثلاث سنوات ،، وهذا امر طبيعي ،،

لكن الشي المميز في سيارات بي ام الجديده هو

نظام الخدمه المجانيه لمدة خمس سنوات ،، كل شي على الضمان ويصلحونه لك مجانا لو خرب اي شي

وتغير الزيت والاقمشه والفرامل مجانا

بييييييي ام بيييييييييي ام اوهـ اوهـ

وعلى فكره ياحبيبي شيخ الكورلا

شف نظام Park Assist في الـ BMW والتطور اللي فيه ،، وش افضل

Park Assist تبع ال بي ام ولا لكزس

http://www.youtube.com/watch?v=KfUBTOTp2Fw

وشف شلون تستطيع التحكم بها عن بعد عن طريق الريموت كنترول

اللكزس الله لايهينك انثبر بالسياره

معلومه اتمنى تحطها باذنك ،،

حنا نتكلم عن السيارتين كمواصفات ،، وكفخامه وكأداء ،،

لاحظ اني ماتطرقت لرساوة الموتر وعزله للهواء وقوة المكينه الخ الخ الخ

تشكراتي ، ، ،

[بعدين]

للمواصفات بين اللكزس و المرسيدس و البي ام دبليو و الزبده يعني من الاخر

http://www.edmunds.com/apps/nvc/edmu...op=3&tab=print

[مجنون الأفالون]

وخيم السكوت أجواء الخردة اليابانية

دايم يتحدون الألماني وليتهم يطلعون بنتيجه

من كل عقلهم يتحدون الألماني ؟؟؟