[لكــــزس]

السلام عليكم .........



هذا الموضوع يكون للمناقشه عن الوكلاء..


فيه ناس تقول عبداللطيف جميل افضل وفي ناس تقول البازعي..


انا اقول البازعي افضل!!!!



يوم كنت ابشتري es 2007 رحت للبازعي وسالتهم عن السياره ومواصفاتها..وسالته الفرق بين عبداللطيف جميل والبازعي..

قالي ان المسجل حق عبداللطيف جميل ياخذ 4 سيدي بس.. البازعي ياخذ 6 سيدي..

الخشب حق عبداللطيف جميل غير الخشب حق البازعي.. (( تختلف الخامه حقته))

عبداللطيف جميل ب 149500 البازعي 149000 .. فرق 500 ريال.

نشوف ارائكم.......

[البانداس]

يمكن يكون
ا لبازعي افضل من ناحية التخشيبة على حسب كلامك مع اني ماشفتها والسعر
بس هل تتوقع نفس صيانة عبداللطيف
هناااااااااااااااااااااااااااااااااااااااااااااا السؤال

[بإختصار لكزس]

طيب موجود معرض البازعي بالدمام

ولازم حجز يعني زي عبداللطيف جميل توصل بعد شهرين؟

[الحزيمي]

بالنسبة للمواصفات ...... مافيه اي فرق (لكزس هي لكزس)

ابوجميل يعطيك تشييك 1000 و 5000 و 10000 مجاني بس ما أدري عن البازعي

بالنسبة للظمان .... ظمان لكزس دولي

[ابو بكري]

يا عزيزي الفاضل .......

انت لا تنظر وقت شراء السيارة انظر الوقت اللي بعدها من ناحية الصيانة والتشييك اللي كل فترة المجاني ...الخ
كيف يكون السيدي حقها 4 وكل اللي اخذوا من عبداللطيف جميل 6 سيديات ؟!!!!!!!!!!!!!

[ابـــو عـــاطـف]

عبداللطيف (( 6 )) سيديات وليس (( 4 ))

[ولد الأمير]

اخوي لكزس

الصراحه سألت كثير في هذا الموضوع

من ناحية المواصفات للكزس Es350 عبداللطيف جميل موجود Dvd اما البازعي لايوجد

لأن سيارات البازعي خليجي النوع الثاني اللي هو شاشه بدون Dvd

والصيانه لاتقارن صيانة عبداللطيف جميل بـ البازعي

والباقي نفس المواصفات

[ابو كيموو]

من غير شك عبداللطيف جميل افضل وبعدين ياحبي الكزس هو الكزس مافي اي تغير في التخشيبة ولا السيديات الي يقول لك كذا اعرف انه نصااااااااااب

تحياتي

[كامري مجنونة]

عبداللطيف جميل أكيد أفضل

وبلاش كلام الشريطية والمهايطة حقتهم

خليك على عبداللطيف أضمن

ويعني جات على 500 ريال فرق

نصاب

معروف في البازعي السيارات أغلى

إلي يبغى يشتري ونيت ياخذ من البازعي

مو تاخذ لكزس من عنده

[مبتكر]

هههههههههههههههههههههههههههههههه قويــة من البازعي نصب عينك عينك ..

اجل طلع لكزس أبو جميل ياخذ بس 4 سيديات هههههههههههههه حلوه ..

شوف وانا اخوك خرابيط الشريطية وكذبهم المعهود مبين وواضح ومادري كيف تسأل موزع وليس وكيل رسمي لتويوتا عن سيارات تويوتا !!

والا عاد الخشب يعني أفضل من أبو جميل ههههههههه ليه خشب سيارات البازعي جاي من وين من شجر البلوط والا السنديان ههههههههههه

ياعم كلهم واحد ومافيه فرق بينهم وأحب أقولك أبو جميل مايعترف بالضمان الدولي حق لكزس ..
انت مشتري سياره من أبوي جميل حياك الله عندك 3 صيانات مجانية بدون أجور عمل لكن قطع الغيار والزيت عليك ..

ولو مشتريها من البازعي مسموح تجيبها عند أبو جميل مايمنع وهذا المقصود بضمان لكزس الدولي أنه أبو جميل مايرفض أي سيارة مو من عنده لكن أجور العمل محسوبة عليك ومافيه شي مجاني ,, والمجاني اللي أعطوك هو أنهم أستقبلوا سيارتك بصدر رحب فقط لاغير ..


أبو جميل أفضل بلا منازع لكنه أفضل السيئين لأنه الوكيل الحصري من شركة تويوتا الام نفسها ..

[لكــــزس]

المشاركة الأصلية كتبت بواسطة كامري مجنونة

عبداللطيف جميل أكيد أفضل

وبلاش كلام الشريطية والمهايطة حقتهم

خليك على عبداللطيف أضمن

ويعني جات على 500 ريال فرق

نصاب

معروف في البازعي السيارات أغلى

إلي يبغى يشتري ونيت ياخذ من البازعي

مو تاخذ لكزس من عنده

موضوع قدييييييييييييييييييييييييييييييييييييييييييييييم

يا شباب انا كنت محتار قبل ما اشتري سيارتي بين البازعي وابو جميل..

وشريتها من ابو جميل واكتشفت ان المصري الي قالي المعلومات هذي ( الخشب مغير+اربع اسطوانات) اكبر نصاااااااااااااااااااااااااااب بالدنيا..

لاني شفت 2007 عند ابو جميل ولقيتها 6 سيديات .. والخشب هو نفسه ( هو قالي دقق زين بالخشب وراح تعرف الفرق) دققت اكثر من 100000مره وما فيه فرق..

والي اكدلي ان المصري اكبر نصاب..
شفت واحد يسال عن الكامري فل كامل..وساله عن الفرق بين ابو جميل والبازعي ..قاله المصري:ان الكامري الي عند عبداللطيف جميل ما فيها شاشه والبازعي فيها شاشه!!!!!!

وازيدك .. بعد ما شريت سيارتي بـ(شهرين) رحت اسال عن قيمتها عند البازعي تدرون وش قالي؟؟؟؟؟

السياره توها ما نزلت عندنا!!!!!!! (( اقصد البانوراما))

[اموت بالكزس]

ياجماعة مثل هالمواضيع تخلى الواحد فى حيره وهذى راح تخرب سمعه المنتدا اللى عنده كلام متاكد منه يذكره والا خير منه السكوت