[وقنان]

الأخوة الكرام أول مشاركة لي ولاتحرموني من آرائكم وخبرتكم
بحكم معرفتكم ماشاء الله عليكم بالأفالون حسب ما شفت بهالمنتدى العزيز
أنا محتار بين الأفالون 2007 أو المرسيدس أبوعيون 2004 أو 2005 وأسعارها حسب المواصفات بين ال100 وال120 ألف ريال
الا غراء ان الأفالون بتصير جديدة عكس المرسيدس ولكم تحياتي

[بورغد]

افالون ولاتنظر للمرسيدس والا صدقني بتتعب

[عبدالله الجبلي]

السلام عليكم

يعطيك العافيه اخوي

انا بقولك شغله ابو عيون مرسيدس قديمة شوي وشكلها لين الحين ماتغير نفس ماكانت

ام الالفون تغير شكلها وهي اضمن من المرسيدس

لا سمح الله ودعمت في المرسيدس والله تكلف عليك 5000 الف تصليحهاا
ام الافلون حدها 1500 دينار يعني ارخص

وانت رايح مع الشخطات

يعني كل شيء لزم تجيب له مضمون وانصحك في الافلون وهي اضخم

لا تنسة انه الافلون تتحدي المرسيدس و Bam

تحياتي للجميع..

مادري عاد صح الbam او غلط لووول

[ميتم الروح]

عن تجربة شخصية مع سيارة الوالد مرسيدس E240 موديل 2004 ،

بصراحة الموتر ما عليه أي كلام ،
مواصفات .. و شكل قوي .. و مكينة قوية ..
و ثبات و رساوة خيالية ...
بصراحة ما حصلت له أي سلبيات !

بس في نقطة وحدة عزيزي ،
قبل يومين بس ..
الوالد انكسرت عنده المراية مالت الباب اليمين ،
فقط المرايا.. يعني الكفر مالها صاحي ..
كلفت المرايا وحدها بـ 1500 ريال !! تخيل ،،

و الصيانة الدورية جداً غالية ،،

إذا تقدر على المصاريف ..
خذ مرسيدس ،
و اذا تبي ترتاح في الدفع .. أفالون أفضل ،،

صدقني المرسيدس يتعب .. البيزات تخلص كلها ! و هو ما يخلص ،،


أخيراً !
فئة الـ E ... هي فئة خاصة جداً لمرسيدس ،
كلنا يعرف بإن هالفئة تدوم أطول من أي فئة ثانية للمرسيدس ،،
مشاكلها أقل .. و راحتها أكبر ..
و مواصفات و مميزات ألمانية ما عليها أي كلام ،،

!!
بس تحمل سعر الصيانة و الspare parts !!

[المعاناه]

افالون وانت مغمض

[بنت الخران]

وبزيد من الشعر بيت


المرسيدس الفئه E

بتتغير شكلها فى المديل الجديد

والافالون صيانتها رخيصه جدا مع العقد


استخير ربك وتوكل على الله


ومبرووك عليك الافالون مقدما

[حياة_التميز]

والله اخوي مكينة الافالون

اما بريستيج و شكل و فخامة ابو عيون بحري والاجر على الله


واحد من الربع معاه ابو عيون لون بحري 2005 ما شاء الله تبارك الله و مثل ما قال لك اخوي متيم الروح الفئة E خاصة و مدللة في المرسيدس

على فكرة فياجرا مستعمل 350 موديل 2004 نظيف في حدود 120 الف و اعرف واحد اخذ وحدة لون ابيض كيت 600 ب 120 بمواصفات خاصة جدا ما شاء الله تبارك الله و اسمها في الاخير فياجرا بس ربنا يعينك على الصيانه و قطع الغيار ( بس التشليح ما خلى شيء كله موجود و بتراب الفوس )

[مجنون الأفالون]

أخوي وقنان أسعد الله مساك


الإخوان كفو ووفو بصراحة وما قصروا بكلامهم وكل واحد عطاك من الأخير


الأفالون : سيارة إقتصادية ... قطع غيارها جدا عادية ولا تقارن بقطع غيار السيارة البافارية المرسيدس

المرسيدس : انا معاك سيارة لا يعلى عليها ... يكفي من إسمها تخوف .. ويكفي إنها من الأصول الألمانية

البافارية .


لكن لو تلاحظ إنك كتبت 2004 أو 2005 مرسيدس . وأفالون 2007 أو يمكن تحط براسك 2008

يعني شوف الموديلات فرق كبير ... وإنت بعصر السيارات الجديده .. ولك تميز خاص

المرسيدس مشكلته لو فتح فمه ... قالك عطني ... مثل النار تقولك عطني حطب

الأفالون سيارة حلوه ومريحة ووسيعة بفارق كبير عن المرسيدس

والله لو الجفالي مسك سيارتك ما راح يفكها لك إلى أقل سعر 2000 ريال وانت مغمض

لو مهما كانت فئتها ..

أطلت عليك بالكلام ..

لكن أبحث عن المضمون .. وإبحث عن ما بعد الإستعمال ووقت البيعة .. إبحث عن الموديلات الجديده

ولا ترجع للخلف ...


اخوك

احمد

[فاست كار]

السلام وعليكم ورحمه الله وبركاته

تحيه وبعد:

انا ما راح ازيد عن الشباب الشباب كفوا ووفوا

النصيحه اذا تقدر على مصاريف المرسيدس انصحك فيها

اما اذا ما تقدر تتحمل وصعبه شوي انصحك في الافالون

والمرسيدس= الافالون في الفخامه والتطور
وعلى قولت الشبااب الافالون راح تضمن انك ما تغير سيارتك لمدة طويله ولذلك لان القصه جديدة
والمرسيدس من 2003 ما تغيرت وممكن بكره تتغير

ونصيحه اخيره انك تستخير في ذلك

والله يعطيكم العافيه على ارائكم

[زعيم الزعماء]

اذا تبي مرسيدس خذلك فياجرا 320 لارج من 2001 الى 2003 او 350 اس موديل 2004
و الا خذلك افالون 2008 اذا نزلت فيها تعديلات بسيطه

[وااوأفالون]

ولا إخوي يكفيك إنك بتإخذ الإفالون عداد 00000000
أما للمرسيدس هايكون مستعمل وحرام تدفع 120ألف في للمستعمل
أدفع في للجديد ورايح نفسك


والله يوفقك وألف مبروك مقدما على للسياره

[أبي أفالون]

من رايي يالغالي كانك تقدر على المرسيدس ومصايبة خذه وتوكل على الله ولاتاخذه إلا وأنت مشيك عليه من

صدام لصدام وإذا أخذته محد راح يسألك أصلن موترك مستعمل ولا جديد بس زي ماقلت لك يبيلك تتحمل

مصايبة يعني (( دلللللع سيااااارتك ))

[م.أنس]

فلنكن واقعيين ..

المرسيدس أفضل عزيزي ..

ولكن بشرط أن تكون مستعد للدفع ..

[وقنان]

والله يا اخوان انكم فتحتوا عيوني على أشياء كثيرة وكفيتو ووفيتوا
وخصوصا سالفة الصيانه وكل شوي رح
للوكالة وتعال من الوكالة وانا الصراحة انسان عجاز ومالي خلق
والله لايهينكم وفعلا ماخاب من استشار

[م.أنس]

شكراً اخي وقنان .. وما وضع المنتدى الى من أجل ( ماخاب من استشار )

الله يوفقك

[فله ( افالون )]

اقول توكل على الله وخذلك افالون

[باد مان]

اخوي انا رايي الافلون لانه المرسيدس مكيفه تعبان مو نفس قوة الياباني والمرسيدس قطع غياره نار