[رمان]

محتار هل اشتري افالون 2008
او كامري 2008
يعض الاحيان اقول افالون ولكن الافالون قطع غياره نااار
ودي اعرف راي اصحاب الافالونات كيف القطع معكم فعلا نار او لا
وهل تنصحوني اخذ كامري 2008 لانهم سوف يحسبون حساب اخطاء كامري 2007
والافالون لو ابي اشتري مااقدر الا افالون عادي مو ليمتد الفلوس ماتكفي
وانا محتار الى الحين
خايف من الافالون في قطع الغياروقيمتها اذا بغيت ابيع
والكامري قطع رخيصه ولكن عيبها شبابيه بزود وانا عمري 35 في ناس من اقارب شباب
يقولوا ماتركب عليك وخذ من هذه الكلام
وعيبها في الخطوط انك تسمع صوت الكفرات والماطور
بينما الافالون سفينه
ولكن هل المواصفات العاديه طيبه ودي راي الاخوان الي عندهم افالون عادي
وعندهم كامري يقلون رايهم لي ولكم شكري وتقديري

[مجنون الأفالون]

هلا أخوي رمان

أسعد الله مساك

وكل عام وانت بخير بمناسبة اليوم الوطني

عزيزي بالنسبة لموضوعك

الأفالون العادية وليست اللميتد ... جميلة بصراحة وشكلها حلو ونفس مواصفات الليمتد

اللهم تختلف عن الليمتد بفتحة السقف .. والأنوار السفلية الضبابية ...

لكن الأمور الأخرى ليس هناك إختلاف

وتأتي جلد وكل هذه الأمور

والسيارة حلوه ومريحة بالطريق ومثل ما تفضلت سفينة


اما بالنسبة للكامري


طبعا معروفة الكامري وسيارة غنية عن التعريف براحتها وجمال شكلها وكثرتها بالشوارع دليل على قوتها

وسوقها الماشي ..

وبنفس الوقت مثل ما تفضلت برضو وقلت إنها شبابية .. لكن الأفالون برضو شبابية

وكل السيارات شبابية لأن أكثر السيارات الجديدة تطغى عليها التفصيل الشبابي

لكن ما يعيب إن أي شخص يرغب بشرائها أين كانت الأعمار ... حتى النساء منهم ..



بالنسبة إذا تبغى العائلي ... خذ الأفالون ... عائلية وشبابية .. ومناسبة كل الاعمار

ولا تنسى إن في كتيب المالك في الأفالون ... إن الأفالون في أمريكا ... سيارة رجال الأعمال والشخصيات المعروفة ... وراح اجيب لك صورة لو تحصل الفرصة


والكامري انا معاك إنها شبابية اكثر ماهي عائلية او للأعمار مثل ما قلت 35 والله يعطيك طولة العمر


لكن فكر في الأفالون ... وفكر في التاهو شفروليه ... أو برادو... كلها عائلية وبرضو مناسبة لكل الاعمار


اتمنى إني أفدتك بالموضوع ...

وإذا أي إستفسار أو قائمة أسعار السيارات انا تحت أمرك في كل وقت

دمت بود

احمد

[زعيم الزعماء]

والله يا أخي اول شيء

اقول لك مبارك عليك السياره اللي ودك تشتريها من أي نوع كان

و نصيحتي لك اخي اذا تقدر على قيمة الافالون الليميتد لا تفوتك

و بالنسبه للكامري الجديده ترى ما فيها أي تغيير عدا الاسطبات الخلفيه

فتوكل على الله و خذلك أفالون
( أكبر و أفخم و أرسم )

[فاست كار]

السلام وعليكم ورحمه الله وبركاته

تحيه طيبه وبعد:

اخوي رمان انا ما اخالف اخوي مجنون افالون واقول كفيت ووفيت

وانا اقولك صحيح ان قطع الافالون شوي غاليه بس اللى يبي موتر حلو وفخم يضحي

وانا ابي اقولك سالفت واحد من الشباب مع كامري2007

يقول انه يوم راد من الاردن باتجاه الكويت ولما تعدى الحفر بشوي يقول شفت جلدة كفر جايه صوبه وحاول يتفاداها بس للاسف ما قدر الجلده خرجت من الشاحنه اللى قدامه يقول يوم ضربتني الجلده انخفس االكبوت والدعاميه راحت والليت اللى من صوب السايق يقول دعيت ربي انها ما ضربت الزجاج الامامي وخشت فيني وربك ستر بعدها

عشان كذا انا اقولك انا الكامري الجديد حساسه كثير عكس القديم الجامد
وانا ما ذكرت القصه هذي عشان اخوفك لا والله بس عشان تعرف انها مو جامده

والحريه لك ان تختار لانك انت اللى تبي تسوقها

وحسن لك تستخير قبل كل شىء والله كريم واعلم بالاصح


ويعطيك العافيه

[م.أنس]

ربي يكتبلك اللي فيه الخير يارب ..

ولكن اسأل نفسك .. متى ستحتاج لشراء قطع الغيار .. رغم اني اراها متوسطة السعر ولاتصل الى درجة الغلاء ..

تقريباً كل 40.000 كيلومتر ..

وكلها قطع غيار استهلاكية ..

فإذا كنت تطمح للسيارة الأفضل .. فتحمل فارق السعر البسيط بين قطع الكامري والأفالون .. من أجل السيارة الأفضل .. وتذكر انها ستعيش معك لسنوات ..

فهل تريد ان تستمر معك الكامري لسنوات أو الأفالون ..

الخيار بيدك .. وفقك الله ..

[فله ( افالون )]

السلام عليكم

اولا الله يقوي حكومتنا الرشيده ويكفينا شر العابثين

ثانيا الله يقويك على شراء السياره الي تناسبك ودها افالون اوكامري

والله يكون في عونك

[وااوأفالون]

يإخوي سؤال إيش جاب للكامري عند الإفالون

مع إحترامي للعشاق للكامري

يكفي للكامري + إسترالي أما الإفالون إمريكي يعني + فرق كبير بين سيارتين وفي للنهايه = تويوتا


بس إفالون إفضل بكثير وإسعار قطع للغيار مناسبها للغايه عند بعض للسيارات

[الافق]

نصيحه لوجه الله .. الكامري أفضل من الأفلون ..




تحياتي

[وااوأفالون]

المشاركة الأصلية كتبت بواسطة الافق

نصيحه لوجه الله .. الكامري أفضل من الأفلون ..




تحياتي

أخوي أدينا سبب مقنع مو عشان معاي أفالون بإيش إفضل

[شمعة بلا فتيل]

انا بالنسبه لي ابدا ما احط وجه مقارنه بين الافالون والكامري..

لأن الافالون قمه في الفخامه والرحابه ...وهي غنيه عن التعريف..

وعلى فكره انا مره جرب الكامري ماعليها حليوه...بس انا افضل الافالون..

الله يكتب لك اللي فيه خير سواء أفالون والا كامري "آمين"...وعلى البركه مقدما...والله يطعمك من خيرها ويكفيك شرها...

[عرباوي للابد]

اكيد افالون