[رمان]

محتار هل اشتري افالون 2008
او كامري 2008
يعض الاحيان اقول افالون ولكن الافالون قطع غياره نااار
ودي اعرف راي اصحاب الافالونات كيف القطع معكم فعلا نار او لا
وهل تنصحوني اخذ كامري 2008 لانهم سوف يحسبون حساب اخطاء كامري 2007
والافالون لو ابي اشتري مااقدر الا افالون عادي مو ليمتد الفلوس ماتكفي
وانا محتار الى الحين
خايف من الافالون في قطع الغياروقيمتها اذا بغيت ابيع
والكامري قطع رخيصه ولكن عيبها شبابيه بزود وانا عمري 35 في ناس من اقارب شباب
يقولوا ماتركب عليك وخذ من هذه الكلام
وعيبها في الخطوط انك تسمع صوت الكفرات والماطور
بينما الافالون سفينه
ولكن هل المواصفات العاديه طيبه ودي راي الاخوان الي عندهم افالون عادي
وعندهم كامري يقلون رايهم لي ولكم شكري وتقديري

[أفالون وبس]

اصلا اتوقع بييجي واحد ويقولك تقارن كامري بأفالون ؟

بس انت حبيت تعرف الفروقات والمزايا

شوف كل مازاد المزايا كل ماكان افضل

انا عندي افالون 2006

واخوي الكبير عنده كامري 2007

جربت الكامري

بصراحة احمد ربي ان معي افالون

فخامة + تقنية +رحابة + تصميم + سعة في المقاعد + قوة + رساوة

الكامري رائعة زي الافالون لكن الافالون مزاياها أكثر روعة وراحة في الطريق

وشكل ابرز وأجمل

وبعدين من قاللك ان الافالون قطع غالية

بالعكس معقولة جدا

ايضا لابد ان يهمك بماذا تقدملك السيارة

الافالون ليمتيد :

فيها تدفئة و6 سيديات وزر تشغيل باللمس وقوة مكينة 3,5

الكامري جي ال اكس ( الي اخذها اخوي ) :

الي مع اخوي لافيها تدفئة وحتى السيدي يدخل فيه سيدي واحد بس والسيارة قيادتها ماعليها وحلوة بس انا افضل الافالون

خلاصة الامر مثل ماقلت كل مازادت المزايا كل ماكنت السيارة افضل لك

اصلا حتى اخوي اذا له مشوار خط اعطيه الافالون عشان انها اتوماتيك + وعادي في آن واحد

عكس الكامري لأنه اخذ عادية

وهو الحين ندمان لأنه أخذ كامري وهو كان قادر يأخذ افالون والله


لذا انا انصحك بالافالون

وأحب أن أطمن على كلامي بان صيانتها وقطع غيارها ممتازة في متناول الجميع بشكل ممتااااااااااااااااااااااااااااااز


على العموم بالتوفيق اخوي ويفيدونك شباب الكامري اكثر مني

[أبو الجوهره]

ياخوي مافيه مقارنه

اكيد الافااالون

[رمان]

اتمنى مزيد من الافكار ياااخواني

[أفالون وبس]

^
^^^
^^^^^

زي ايش ؟؟؟؟؟؟؟؟؟؟؟؟؟؟؟

[م.عبدالله]

افلوووووون ورح لاهلك ... ان شا الله نوافذ هندل.. بتكون افضل من الكامري

[ياسر عبد الوهاب]

كامري 2008

[((ابومحمد))]

انا لو يخيروني بين افلون 2005 ولا كامري 2008 اقول افلون 2005 وبقوة

اخوي ما في وجه مقارنه من كل النواحي الافلون افضل من ناحية القوة والفخامه و الرساوه

[أو-ري-يون]

بصراحه الأفالون 2008
فيها فخامه مو طبيعيه
موفق إن شاء الله

[مخاوي لكزس]

افالون ولا تشاور يكفيك ان الكامري على الخط تشق الراس شق

[يزيد الخير]

انا اعارض كل اراء الاخوان

الافالون قريب جدا واتوقع تتغير 2009 شكلا لذلك لاتخذها وتتغير وتدقك الحسوفه

واذا وصلت افالون خذ لكزس اححححححححححححسن وسلاماااااتك

[فصووووووولي]

الافالون وما فيه مقارنة ياخوي الافالون ما شاء الله عليها راسية بالخط وفخامة
انت شف الافالون من داخل وشف الكامري من داخل والله ان تقرف الكامري
انصحك بالافالون حتى قوتها افضل من الكامري ,,

[الرباب]

هونكم هونكم على الكامري حسستوني انها مالها داعي وبعدين مافي مقارنه بين الكامري والافالون الكامري فئة والافالون فئه طبعا يااحبائي الاعزاء كل واحد يمد رجوله على قد لحافه يعني انا لو معايه مبلغ يجيب الافالون اليمتد حشتريها واذا فلوسي على قد الاوريون طبعاالفل كامل بعد الافالون وبعدها الكامري وطبعا هذا كلو انا اتكلم على الفل كامل
والله اعلم

[مودي توب]

انا الحين ندمان على الاوريون اني اشتريتها وبشتري افالون ابيض لؤلؤي وبعد هذه اوريون جراندي وشاشه مالها مثيل وبشتري افالون من امريكا ان شاء الله مافي وجه مقارنه

[الأسد المتوحش]

أفالووووون ولا تشااااااااور

ما فيه وجه مقارنه

[حامدسعد]

اذا انت مشاويرك كثيره ماإلك إلا كامري واذا انت راعي دوام وكشخآت خذ افالون عادي والله يوفقك

[عازف وتر]

يا اخ رمان

بصراحه انا اشوف الافالون تناسبك اكثر حتى لو هي مو فل نظرا لعمرك والعمر كله انشاء الله

سياره اجمل ورزه وتكانه بينما الكامري موتر شكله رياضي

غير كذا الافالون فيه رساوه افضل من الكامري واعتقد ان ماراح يفرق قطع الغيار كثير

اتمنا لك التوفيق في الاختيار

مع احترامي لجميع الشباب الي يملكون كامري..... الكامري سياره ممتازه ماعليها كلام بس انا اشوف الافالون تناسب الاخ رمان اكثر

عازف وتر