[جبل الريان]

السلام عليكم
ممكن احد يعرفني بالقطع الغير اصلية التي يركبها عبد اللطيف جميل في اللاندكروزر والفرق بينها ووارد البريمي

ودمتم سالمين

[جبل الريان]

ما احد يرد............
انا سمعت ان المسجل والمكيف يقوم بتركيبهن عبد اللطيف جميل هنا لكن هل في قطع اخرى

[قاعد الحالي]

والله يا الحبيب انا ما اظن انه يركب قطع غيار مو اصليه ، ولكن هو يركب اقل المواصفات علشان تطلع اقل التكلفه فقط واما بالنسبة للمكيف انا سمعت ولكن لما سأل واحد مدير كبير اعرفه في تويوتا قام ضحك علي وقالي من الي بيلعب عليك ، اصلا كيف تكون مطابقة للمواصفات والمقاييس وهي بدون مكيف

[ابو البواسل]

اخوي جبل الريان

القطع اللى تركب على السيارة في جدة عبارة عن اكسسوارات وراح اكتبلك بالظبط القطع اللى حطوها للـ gxr رقم 3 موديل 2007 وصناعة هالقطع يا ماليزي او تايوان

من الخارج
الشريط الذي يوضع على السيارة باللون الاحمر ويختلف عن الخليجي ذو اللون الذهبي
لصقات او تكسية لاسفل السيارة فوق الدعسات الجانبية لونها اغمق من الخليجي وتدرجها مختلف
دعسات جانبية وتختلف عن الخليجي
كشافات ضباب
جناح خلفي
حساسات خلفية عددها اربع بخلاف البريمي عددها 2
لمبة إشارة على المرايا الجانبية ، غير موجود في البريمي

من داخل السيارة

مسجل السيارة بشريط كاسيت و سي دي واحد مع ريموت
تخشيبة السيارة من الداخل مع تخشيبة الدركسون
بلو توث
جهاز انذار ضد السرقه
جهاز قياس ضغط الكفرات ، غير موجود في البريمي

وغير ما ذكر اعلاه من مكيف وزنون وخلافه فمن تركيب المصنع ، يعنى اخوي المسألة مسألة اكسسوار

[المعلــــم]

المفتاح
الخليجي يجي مفتاحين ريموت ومفتاح عادي

السعودي مفتاح ريموت و الباقي عادي _(تبي ثاني ادفع فلوووووس زيادة )

هذا الوضع قبل فترة حوالي 8 شهور مادري الحين.............

الحق يقال ابو جميل زين الحركات هذا والشيء هذا لصالح المستهلك لأن
الفرق مهو بسيط بالسعر

شيء ثاني الجنوط الخليجي 17 بينما السعودي 16 و مهب ياباني لكن ممتاز
ورح اسأل عن الفرق بالسعر للكفرات 17 و 16

[ابو البواسل]

يمكن اخوي المعلم

بس انا سيارتي ثلاث مفاتيح 2 ريموت وواحد عادي وشاريها من 5 شهور تقريبا

بالنسبة للجنوط موديل 2007 تجي الـ 16 على الفئة رقم واحد من الـ gxr
اما رقم 2 وانت طالع فتجي جنوط 17 نفس الخليجي وهي افضل بكثير من الـ 16
حسب ما سمعته من كذا واحد في صيانة تويوتا ان الـ 16 لو فكوها وغيروا مكانها في السيارة ما تضبط وتعمل رجه في السيارة ،

بالنسبة للسعر اخوي فيه فرق كبير في السعر ، السعودي ارخص

[جبل الريان]

الف شكر لك يا ابو البواسل وكذلك المعلم والله ما قصرتوا وتحياتي
واذا في فروق اخرى لا تبخلوا على اخوانكم في المنتدى يا بقية الاعضاء

[المعلــــم]

اخوي ابو البواسل ........
فعلآ السعودي أرخص لو قارن على مستوى gxr1 بين السعودي و الخليجي
نجد ان :
1 - الشبك فية فرق الف ريال
2- انوار السفلية (الخليجي ياباني و السعودي تايلندي ) اكيد فية فرق
3- الخط الجانبي
4-المسجل ( الخليجي ياباني و السعودي مادري وشو ) اكيد فية فرق
5- الجنوط (الخليجي 17 و السعودي 16 ) السعودي أرخص
والكفر الواحد (16) يفرق عن الخليجي (17 ) اتوقع حول 100ريال
وانت عندك 5 كفرات
لكن المحركات نفسة ما تغيرت
هذا الي بالي الحين
بعد كل هذا ماتبي السعودي يكون ارخص!!!!!!!!!!!!!!