[سماوي]

السلام عليكم ورحمة الله وبركاته
اخواني انا قررت اشتري كامري 2005 جي ال قير اوتوماتيك من الوكالة بس محتار بين لونين البحري والفضي وشرايكم وش آخذ لون مع ذكر السبب
وتحياتي لكم

[برادو وبس]

بحري والله يبارك لك فيها
بس لو تصبر لـ2006

[جنون السرعة]

المشاركة الأصلية كتبت بواسطة برادو وبس

بحري والله يبارك لك فيها
بس لو تصبر لـ2006

أتفق مع أخي في أنه يستحب أنك تصبر لـــ2006 .

[التيما و بس]

والله تبي رايي انا الفضي والكل له ذوق..والله يبارك لك فيها مقدماً

[سماوي]

تسلمون
بس ما فرق بين 2006 و2005 وبعدين 2006 اغلى من 2005 مع العلم اني ما عندي خلفية عن اسعار 2006
وبارك الله فيكم وما قصرتم

[راعي.الكامري]

عندي لك لون احسن خذ اسود لكن انتبه هالون يغبر على طول بس كانك محتار بين الفضي والبحري
خذ بحري لينه مافيه مثله
وبعدين مرغوب

[سماوي]

شكرا اخوي راعي الكامري
وبانتظار ردود البقية

[ابوصالح]

اخي الغالي

موديل 2005 فيه عيوب بالمكينه وهو فيه فتحه هواء يدخل داخله المكينه والغبار ممايعجل بتلفها ,, لذلك انصحك مع نصيحه الاخوه بالتروي الى موديل 2006

[أبو حنين]

اخوي سماوي خذ اللون السماوي وتوكل على الله وبالنسبه للعيوب ماسمعت اى عيب في هالمديل ويمكن يكون عليه عروض بعد 15 رمضان

[سماوي]

خلاص ابشركم
شريت جمس انفوي موديل 2002 لونه ذهبي
بصراحة الكامري ما تصلح للبر وانا راعي كشتات وتمشيات والواحد لازم يشتري له سيارة له وللزمن
وشاكر لكم على ردودكم وبارك الله فيكم

[جاك العلم]

مبرووك سماوي
أخوي أبو صالح وش الكلام اللي تقول من قاله لك ؟؟؟؟

[الشوكي]

السلام عليكم

بصراحه انا كنت ناوي اشتري كامري 2005 او 2006لاكن بعد التعليقات الي قريتها عن وجود عيوب فيها
شكلي هونت
وش تنصحوني فيه ياجماعه الخير اخوكم محتار