[إي إس ستات]

السلام عليكم ورحمة الله
ألف شكر للقائمين على المنتدى الرائع الذي أعطاني المعلومات التي شجعتني على امتلاك الرائعة Es 350الحمد لله الآن لها معي أسبوع وكل شيء تمام.

عندي سؤال مهم و مقلقني: الوكالة قالو لي إمش فيها 300 كيلو فقط بسرعة 100، يعني لاتتعدى هالسرعة، وبعدين تقدر تسرع فيها على كيفك. الحقيقة أنا أضطريت وسافرت فيها بعد ماكملت 350 كيلو وأسرعت فيها إلى 160 ك/س . هل تعتقدون إنه يضر السيارة أو لا؟؟؟؟؟
أرجو الإفادة

[مستر لكزس]

إن شاء الله مايضر

بس الأفضل تنتظر للـ 1000 كيلو

تحياتي

[راعي الإي اس]

لا اخوي انشاء الله ماعليها ضرر

لكن احسن اذا دست فيها يمكن يطلع فيها خلل او مشكله يمديك ترجع الوكاله على الضمان

الله يطعمك خيرها وكفيك شرها

تحياتي :

[إي إس ستات]

ألف شكر ياشباب، على فكرة رقم اللوحة 666 حركتات

[ابو كيموو]

والله شوف أخوي فترة التمرين 1000 كيلو بس مايمنع انك تسرع على السيارة لاكن الافضل انك تمشي على النظام وانشالله سيارتك مافيها شي بس لاتعودها
ههههههههههههههه

تحياتي

[لكزس غير]

واللي مطلع جيب لكزس 470 قبل اسبوعين وتمرينه على 160 و 170 وش تقولون ...

ودعسه وحده بعد لمدة 5 ساعات تقريبا ...

ياعالم والله التمرين اذا ماشديت على السيارة فيه راح يموت عزمها ..

تحياتي لكم

[ابو كيموو]

أخوي لكزس غير انا معاك انه في وقت التمرين لازم تسرع عشان عزم الموتر وانا مجرب الكلام هذا في عام 2002 وقتها كنت مطلع سيارة جديدة ومن الوكالة على الدائري امشي 160 و 140 وبعت السيارة وكان عزمها قوي ماشالله عليها لاكن الى بيحافظ على السيارة انصحه انه يمشي على كلام الوكالة افضل

تحياتي

[طالب المنال]

طيب بالنسبة للمكيف متى نقدر نشغله بعد الالف ولا قبل

الوكاله يقولو بعد 600 كيلو

[إي إس ستات]

أنا سألتهم وقالو لي، المكيف عادي تشغله على طول نو بروبلم................. الظاهر إن الوكالة معطيني سيارة مديرهم مدربه!!! والمكيف عادي تشغله !!!! مابقى غير يقولون لي لا تفتح الدرج ترى فيه أغراض المدير الشخصية !!!!!!!!!!!!!!!!!!!!!!!! الحقيقة تعاملهم ممتاز وراقي .............

[مجردانسان]

انا عمري ما مشيت على سرعة 140 كيلو من يوم شريت السيارة في شيء يعني في سيارتي لاني ما اسرع انا شايب وما احب السرعه مره

[الحيمود]

1000 1000 1000 1000 مبروك 1000 1000 1000 1000
1000 1000 1000مبروك مبروك 1000 1000 1000
1000 1000 مبروك مبروك مبروك 1000 1000
1000 مبروك مبروك مبروك مبروك 1000
مبروك مبروك مبروك مبروك مبروك
1000 مبروك مبروك مبروك مبروك 1000
1000 1000 مبروك مبروك مبروك 1000 1000
1000 1000 1000مبروك مبروك 1000 1000 1000
1000 1000 1000 1000 مبروك 1000 1000 1000 1000

[رياضي]

مبروووووووك اخوي إي إس ستات

يعطيك خيرها ويكفيك شرها

عموما الى اعرفة ان المهم في فترة التمرين انا عداد دوران المحرك لا يتعدا 4 (بالنسبة للسرعة حدود140 او اكثر) وغير كذا نصيح بسيطة مرة ان أفضل تمرين داخل المدينة وليس في الطرق السريعة كما هو سائد في عرف الجميع. والسبب ان تكرار نقل الحركة بالقير و اختلاف دورات المحرك هو التمرين المطلوب للسيارة

[خبرة سيارات]

يا عزيزي المصنع يقول أهم شيئ الضغط لا يوصل 4 حتى تكمل 2000 كم الأولى فقط لا غير.

تحياتي ,,,

[الحزيمي]

أخوي إي إس ستات

الله يبارك لك ويعطيك خيرها ويكفيك شرها

بالنسبة للتمرين ما عندك مشكلة ..... تمرينك ارحم من غيرك

[ماي لكزس]

انا لي تجربة مع اي اس 300 موديل 2000
اول ما طلعتها شغلت المكيف ومشيت فيها 120 وفي سفر
والسيارة ما شاء الله خدمت معي لمدة 4 سنوات وما بعتها الا للتغير فقط

وشكرا

[عنود الصيد]

افيدوا يالشباب في هذا الموضوع

[(غير مسجل)]

فترة التمرين مهمه لأي سيارة...

طبعا الكل يعرف ان محرك السيارة مصنوع من معادن (حديد، المنيوم,,, الخ).. هذه المعادن تحتك بعضها ببعض... هذه الاحتكاكات تسبب خدوش بسيطه اذا كان المحرك جديد... هذه الخدوش تسبب حديد ناعم جدا يسمى (برادة الحديد)... برادة الحديد قد تدخل الى اماكن غير مرغوب فيها (بين السلندر والجدار...الخ) و قد يقلل العمر الافتراضي للمحرك...

اذا كانت السيارة جديدة، تكون هذه الاحتكاكات اكثر من السيارات المستخدمه... مع الوقت، هذه الاحتكاكات تقل بشكل كبير و يكاد تنسى (لكنه لن يتوقف طيله حياة عمر المحرك)...

براده الحديد يمكن مشاهدتها في معظم السيارات الحديثه حيث يوجد مغناطيس في برغي (صامولة) تغيير الزيت او يكون المغناطيس في الداخل (لا يمكن مشاهدته)...

هذه صوره لبرغي فيه مغناطيس... لاحظوا الصورة على اليسار قبل التنظيف...

[ابووابراهيم]

الف مبروك اخوي على الموتر والله يعطيك من خيره ويكفيك شره
اخوي الحيمود مهب كانها نجمة اسرائيل
خخخخخخ