[احلى واحد انا]

السلام عليكم

مسيكم الله بالخير

كيفكم؟ شخباركم؟

انا بعلمك سالفتي مع وكالة تويوتا

انا طبعا سويت كل الصيانات في الوكالة (1000-5000) كـم

المشكلة هي يوم وديت سيارتي لصيانة الـ 5 قالولي الهوبات يبيلها خرط

استغربت قلت مو معقولة قلت يلا خرط خرط وخرطوها على الضمان مادفعت ولا شي

وقبل يومين وديتها صيانة الـ 10 وكلمني الموظف وقالي انه الهوبات يبيلها خرط وتنعيم

وتغير الفحمات الأمامية والخلفية !!

الشكوى لله دفعت قيمة البريك بصفة عامة لتجديده 500 ريال سعودي

واليوم انشالله استلم السيارة

وخلاص قررت اني احافظ عليها واستخدمها زين واخفف من شغل القومات

وسلامتكم

[ويلي]

خرط..؟

تدري متى تخرط الهوب..؟

اذا طولت ما غيرت الفحمات الين انتهت الفحمات وقام الحديد الي يمسك الفحمات يسوي حدود بالهوب

اما اذا يقولك شف الهوب ناعم مو خشن

فهذا طبيعي اصلا لو تخرطه اليوم وتلمس الهوب عقب اقل من اسبوع تبي تشوفها ناعم

والله الوكاله ذولا ضحك على هالعالم عيني عينك

الله يرحم ايامك يا الرود يالي الفحمات ما غيرها الا كل 7 الى 8 شهور

والهوب من السنه الى السنه ونص

والحين موترك ما كمل 6 شهور وهوبات وفحمات وخرط..؟

والله لوها بلاش الخرط ما خرطته

[اوريون الرياض]

الله يخرط راسهم وش خرطه تو السيارة ماسوت شي

[حبيب العمر ..::]

وعليكم السلام ..

ممكن تكـون صحيـحـة

لأن الغـالـي قـومـاتـه ما تخلص .. ههههههههههههه ..

شوي شوي على السيارة ..

ويعطيـك العـافيـة ..

[المحب لله]

المشاركة الأصلية كتبت بواسطة اوريون الرياض

الله يخرط راسهم وش خرطه تو السيارة ماسوت شي

هههههههههههههههههههههههههههههه


^^^^^^^

انفجع


----------------------------------------------------------

اخوي احلى واحد

زي ماقالو الاخوان
وين وين تغير الهوبات

س سؤال ؟؟؟؟

قبل ماتودي السياره للوكاله حسيت بشئ

يعني السياره ماتمسك فرامل زيين

او اصوات جهة الهوب

[نقطة بداية]

المشاركة الأصلية كتبت بواسطة احلى واحد انا

وخلاص قررت اني احافظ عليها واستخدمها زين واخفف من شغل القومات

وسلامتكم

يعني تعترف بأنك كنت جامد شوي على الاميرة < عصب
لذا لا تستغربون يا جماعه
طيب ..خف رجلك شوي
بس اللي اعرفه ان الهوبات تنخرط كل 20.000 صح ولا انا غلطان
وما تلاحظون ان عمر الفحمات قصير مو معقول اغير في 15.000 او حتى في 10.000
يمكن بالنسبه لي لاني حنون على الاميره

[&الســيف&]

هذا سبب القومات وترى القومات تعدم السيارة

[الليفر]

اخوي كم دفعت بس عالصيانه حقت الـ 10 آلاف الطبيعيه
انا باقيلي شوي على الـ 10 آلاف ..

وش يسوون وش يغيرون .. ؟

[ميركوري]

ياشباب الله يمسيكم بالخير ...
اود ان اوضح معلومه بسيطه وهي ان السائق هو المسؤول الأول والأخير عن طول مدة صلاحية الفحمات والهوبات وتتمثل بالآتي :
أولاً/ اذا كان السائق يضغط على الفحمات والهوبات بصفه مستمره ومفاجئه فإنها سوف تقل مدة صلاحيتها واستخدامها كمان زي ما قالوا الأخوان القومات اللي مالها داعي تقلل من عمرها ايضاً استعمال الفرامل في المياه :
ثانياً/يجب على السائق ان يعمل حساب الضغط على الفرامل بشكل تدريجي حتى تاخذ الفحمات والهوبات راحتها في التماسك وكذلك اذا كان السائق يتأهب للوقوف عند اشاره او غيره عليه بالضغط على الفرامل بمسافه كافيه هذا مما يزيد عمر السياره وهذا من واقع تجربه ووالله اني صادق في ما اقول حيث كان معي فورد ميركوري 2003 والله ما خرط الهوبات ولا غيرت الفحمات الا بعد سنتين والله على ما اقول شهيد رغم ان الفورد معروفه ما تتعدى اربعه شهور الا لازم تغيرها .... هذا اللي حبيت اوضحه لكم والله يوفق الجميع.... تحياتي...

[العتيبي 511]

ياخوي اش خرط السيارة جديدة وخرطوا الهوبات

[اوريون الشرقية]

انا غيرت الفحمات ب205 بعد الخصم عال25 الف كم وقالوا ان الهبات (والله مااذكر بالضبط الزبدة ان فيها خراب وصلحوها عالضمان) وانا سيارتي ماشية الحين 29 الف كم وقريب صيانة ال30 الف كم ........

ملاحظة: انا قاسي عالبريك ومع ذلك ماغيرته الا على ال25 وبس........

الا اش صار على مشكلة الرجه رصصت؟

[سراب الدمع]

10000كلم خرط وتغيير
انا ولله الحمد دخلتها الوكاله يوم وصلت اربعين الف كلم وطلعت الهوبات سليمه ولله الحمد
مع اني مارحمها
قولوا ماشاء الله

[ملك الذوق]

وعليكم السلام

هاذي الوكاله

كل ما تودي لهم يزودون لك خراب من عندهم وهي اصلا ما فيها شي


بعدين اخوي اذا سارت الفحمات قاضيه يطلع صوت

[ملك الخطوط]

السلام عليكم
اخوي احلى واحد شوي شي على الفرامل على ماقال اخوي ميركوري كلامه عين العقل
الفرامل بالتدريج وتكون بمسافه كافيه الضغط المفاجئ انت ماتحس فيه لكن تاثير سلبي على الفرامل
انا كنت اطير بين الاشارات بالكابرس وافرمل فجاه عند الاشاره
وكنت مبسوط ماني داري الين من قوة الضغط تسرب الزيت من الكليبر على الجنوط وجبت العيد
وترا الصيانه نصابين يسوون من الحبه قبه سيارتي ما دخلتها غير صيانة 1000 كيلو وبعدها على يدي
من 2001 تخيل الحمد لله
تحياتي لكم سويد اس اس

[اوريون الشرقية]

شباب اعتقد ان هبات الاوريون فيها عيب مصنعي خصوصا الدفعة الاولى.........