[لتيد]

بسم الله الرحمن الرحيم

انا من عشاق اللاند كروزر بل انه اكثر سياره شريتها ولكن تفاجئت بخبل اعتبره قاتل للاد كروزر وهو ان الفئه الثمانيه سلينر ((vxr)) لن ياتي منه قير عايدي والقير العايدي هو مطلب عشاق اللاند الكروزر الحقيقيين اللذين لا يكتفون بالسير به في الصحاري بل الجبال الشاهقه هي هدفهم وهذا ما اثبتت التجارب عدم استطاعة القير التماتيك القيام به

استخدمت جيب لكسز في ابها في بعض المنحدرات الصعبه وصراحه اعتبرتها نوعا من الاتحار بصحبه القير التماتيك واختفت المتعه الحقيقيه في قيادة الجيوب وهي القير العايدي


املي كبير ان تكون مواصفات اخوتنا في اليمن تراعي هذا الشي وان يكون لديهم في اكس ار قير عايدي وان فعلوا فسيتوجه الكثير والكثير اليهم لان الخليجي عامة لا ياتي الا تماتيك فقط

شكرا لكم

[استندر مزيون]

مشكور اخوي عالخبر .. بس من وين يبت هالخبر ؟؟؟؟؟؟؟؟
وماظن ان تيوتا تكون بهالغباء وتخسر الاف الزباين ومحبين اللند وتنزل جير تماتيك بس

[ولد الاكرام ...]

... السلام عليكم ورحمة الله وبركاتة ...

اخوي ليتد الفي اكس ار كلامك سليم مب نازل جير عادي لكن بينزل جي اكس ار 8 سلندر جير عادي يعني نفس الشي اللي يبي جير عادي 8 سلندر ياخذ جي اكس ار يعني مافي مشاكل والله يوفق الجميع ...

[استندر مزيون]

اخوي ولد الاكرام الجي اكي والفي اكس 2008 الي تتكلم عنهم نفس المكينه (8 سلندر)بس المواصفات غير صح؟؟؟

[انا عزوز]

اللي اعرفه ان الvxr 2008 توب ترونيك (اوتو+عادي) فطبيعي راح يكون فيه عادي

[استرجاعها]

Vxr راح يكون تبترونيك

نقس ال2003-2006 يعني قير عادي+تماتيك Super Ect transmission
لكن القير راح يكون مجدد و احدث
تحياتي

[جيب لكزس]

لالالا مستحيل ..

القير العادي مطلب رئيسي في الفكسار

[التوهم]

بل عكس العادي حق جي اكس اوووو جي ستندر اما الفي اكس ار تماتيك احسن واريح

[لتيد]

اخي ولد الاكارم

ان الخبر هذا صحيح

((((((( السلام عليكم ورحمة الله وبركاتة ...

اخوي ليتد الفي اكس ار كلامك سليم مب نازل جير عادي لكن بينزل جي اكس ار 8 سلندر جير عادي يعني نفس الشي اللي يبي جير عادي 8 سلندر ياخذ جي اكس ار يعني مافي مشاكل والله يوفق الجميع )))))


فعز الله انه احلى خبر انه يكون فيه 8 سلندر قير عايدي حتى لو هو جي بدون اكس او ار


اخواني الافاضل

القير التوب ترونك كويس ولكن للي في المدينه او البر ((الصحراء )) ولكن الي يروح اماكن وعرهمثل الجبال والمنحدرات فان القير التوب ترونك يكون خطير وانا مجربه في الجيب اللكسز والرنج

وثانيا في سواقة القير العايدي متعه يعشقها الكثير من الناس ولايرضون بغيرها مهما كانت التقنيه البديله


انا عزوز

فيه فرق شاسع وكبير بين القير العادي المعروف وبين القير العايدي الي في التوب ترونك يعني لو فظت البطاريه كيف بتشغل لاسياره بالتوب ترونك العايدي ؟؟؟ ما فيه امل

عموما الكريم ولد الاكرام اسال الله ا يكون كلامك صحيح لاني ما استغني عن اللاند كروزر ولو ما فيه عايدي طبيعي باخذ سياره ثانيه

[ولد الاكرام ...]

... السلام عليكم ورحمة الله وبركاتة ...

لا لا ابشرك بينزل جير عادي .. 8 سلندر .. انا سالت عنه لاني انا من عشاق الv8 الجير العادي ..

انا من يومين في وكاله التضامن معرض من معارض عبدالله عبد الغني وعطاني المواصفات ..

اللكزس مكينته 5700 سي سي وتقريبا سعره من 290 الى 310 تقريبا . وبينزل شهر 2 سنة 2008 ...
الـVX-R مكينتة 4700 سي سي 288 حصان بنظام vvt-i وسعره تقريبا من 230 الى 250 وما ينزل الا جير اتماتيك ...
الـ GX-R مكينته 8 سلندر 4700 سي سي 288 حصان منه جير اتماتيك ومنه جير عادي وسعره تقريبا من 190 الى 210 ..
الـGX مكينتة 6 سلندر 4500 سي سي 265 حصان ......................................
الـG مكينتة 6 سلندر 4500 سي سي 265 حصان ويكون بابة الخلفي باب لكزس ( شنطه ) ومنة سبير تحت وسبير علاق ومنه جير عادي وجير اتماتيك ...

واامل اني عطيتكم معلومات مفيده والسموحه على الاطاله ...

[لتيد]

يا شيخ بيض الله وجهك ورفع الله قدرك في الدنيا والاخره

عز الله انك جبت خبر يستاهل دعوه لك في هذا اليوم الجمعه وسط رمضان

ياخوي والله كان ظايق صدري من جد ولله الحمد والشكر على هذه البشاره الطيبه وهذي اللقطه هديه لك

http://www.youtube.com/watch?v=M2skj1Rb_b4

http://www.youtube.com/watch?v=DS9oas6nXLk