[ابوصالح]

ياجماعة الخير
الاحظ فيه نوعين من الكزس اي اس 300
خليجي وسعودي

سمعت ان السعودي افضل

مالفرق بين النوعين؟ وماالسبب

تحياتي لكم

[حمد المنسم]

الفرق ان الهايلكس موديل 96 احسن يابو صالح

[ابوصالح]

تشوف كذا انت ؟


علمنا اذا هي نكته نضحك

[أبو تركي]

ما فيه فرق وكلها ترا للمعلومية يضمنها عبداللطيف جميل الفرق الخليجية اقل سعر فقط لا غير والي يقول غير كذا الوعد انا وياه عند الوكالة

[ابوصالح]

سٍلمت ياابو تركي ومشكور على مرورك والايضاح

[لكزس]

مافي فرق بين الاثنين في المواصفات ابدااااا

الفرق الوحيد هو الضمان اي السعودي ضمانه عند عبداللطيف اما الخليجي فلا يوجد ضمان له عند عبداللطيف لانها مش مشتراة من عنده

ولذلك اذا حتشتري جديد انصحك من الوكيل اما اذا تبغى مستعمل فعادي جدااا سواء كانت من الوكيل او من الخليج

[أبو تركي]

أخ لكزس ابوي معه لكزس 2002 ls 430 بيبيعها ويشتري 2005 وسأل الوكالة عن الخليجية في كل سيارات لكزس قاله

مدير الفرع حق طريق العليا بالحرف الواحد يشملها الضمان عندنا

ولا تنسى ان عبداللطيف يملك نسبة كبيرة من شركة لكزس

[المتعقب الليلي]

انا متأكد تمام التأكد ان اللكزس الخليجيه ما يشملها الضمان عند الوكاله عبداللطيف
انا بنفسي لما رحت افحص السيارة قال لي المهندس الاردني سيارتك من عنا او من الخليج
قلت لا من عندكم اها بدكاش بدكوش بدكيش لانو لو من الخليج بدك تدفع صيانه لان شنو ما يشملها الضمان عنا
خخخخخخخخخخخخخخ وقسما بالله قال لي كذا يا شباب

[ابوصالح]

ايييييييييييه هيك لكاااااااان


يعطيكم الف عافيه يااخوان لكزس/ابو تركي/متعقب على التوضيح

مشكورين

[أموت باللكزس]

أنا أقولك يا عزيزي أسأل مجرب ولا تسأل طبيب

أنا أشتريت أي أس 300 موديل 2005 خليجية بـ 119.000

يوم كان عبداللطيف جميل يبيعها بـ 128.500 إلى 130.000(أول ما نزل 2005) حسب دلاخة الزبون :d .

وأنا أقولك ما فيه فرق في الضمان لأن ضمان اللكزس دولي ومفتوح
يعني خليجية يابانية أمريكية إن شاء الله من الهند، ضمانها ماشي وغصب على الوكيل من دون رضاه
بس أهم شيء أنك تتابع جدول الصيانة عشان يكون الضمان ساري

لأنك حتى لو طلعت السيارة من عبداللطيف وما تابعت جدول الصيانة، يلتغي الضمان

هناك فرق واحد بين سيارات عبداللطيف والسيارات الأخرى:
عبداللطيف جميل يعطيك صيانة مجانية على 1.000 و 5.000 و10.000كم وهذي تكلفتها كلها ما تتعدى 1.000 ريال

يعني بحسبة بسيطة سيارة خليجية أشتريها بـ 119.000 + 1.000 ريال (صيانة إلى 10.000كم) = 120.000 ريال

ولا آخذ سيارة أبو جميل بـ 128.500 ريال.

طبعاً عند صيانة 15.000 ريال أنت والخليجي كلكم بتدفعون نفس المبلغ.

وأنت أحسبها بنفسك.

تحياتي وآسف على الإطالة

[كـــــامـــــري]

مشكورين على الأفادة بس أقول مافيه أزين من <الكــــامـــــــــري****

[المجازف]

مشكوررررررر

[أبو تركي]

يا شباب كلام اموت في اللكزس صحيح ما فيه فرق ولا تنسون ان عبداللطيف يملك من شركة لكزس نسبة كبيرة جدا

ومثل ماقال اخوي اموت في اللكزس ضمانها دولي

[المسـافر]

مافيه فرق كبير لانه حسب الوكيل