السلام عليكم يا اخواني
اليوم طلعت من البيت ولقيت قزاز سيارتي مكسر ومسروقه الاستبنه (الاسبير) الكفر الاحتياطي المهم والسياره منبشه من الى والحمد لله ان الشاشه ما انسرقت
هذا الشي الوحيد الي كان مخوفني من الاوريون مع العلم ان الوكاله الزفت حسبي الله عليهم ماحطوا في السيارة انذار لا في السياحي ولا في الفل يعني عاجزين يحطون فيها انذار انا شخصياً دافع في موتري 88000ريال ونهايتها مافيه انذار المشكله ان الموتر لسى ماكمل 5000 كيلو لكن ان شاء الله مع تشييك ال 5000 والله لا اطلع ريحتهم .
المهم يا اخواني كل واحد (ما عنده موقف داخل بيته) يفك الاستبنه او يقفل الشنطه بالمفتاح ولا يخلي اي شي هام بالسياره لاني يوم جبت الشرطه اليوم قال لي ان هذي ثالث سياره اوريون تنسرق اليوم ويقولي انها لعبة الحرامية هالايام لكن ما اقول الا حسبي الله ونعم الوكيل في رمضان يسرقون .
-------------
اخواني آمل منكم الافادة عن افضل جهاز انذار موجود في السوق انا واحد من اخوياي قال لي انه في جهاز ينبهك اذا صار اي شي لسيارتك على الجوال ولا ادري هل هذا صحيح ولا لا ووين ممكن احصله
ياليت تساعدوني يا اخوان لحل هذي المشكله.
الله يستر على مواترنا ومواتركم.
-----------
قيمة زجاجة السائق(الي انكسرت عندي) اخذتها من السالم للزجاج الي بالرياض بــ 250 ريال.
قيمة الاستبنه جنط حديد مو كروم جديد بـــ 80 ريال وكفر مستخدم ب 40 ريال
