[السنبثاوي]

السلام عليكم و رحمة الله و بركاته

أخواني أنا عندي لاند كروزر VX-R موديل 2003 فل اوبشن

و سؤالي هو أنا سمعت عن شي اسمه الدفلوك و سمعت انه يخلي الاربع تواير يتحركن و يا بعض و يسوي حركه اهتزازيه في الرمله عشان يمشي عدل

بس سؤال هو وين فص الدفلوك و كيف أشغله لأنه في فص تحت فص الاريال أو الانتينه و شاك انه هذا هو فص الديفلوك

و ابغي نصايحكم في استخدام الديفلوك لأنه بعضهم يقولون لا تستخدمه الا للضروره لأنه احتمال يخرب عليك الديفريشن و بعظهم يقولون لا تكسر السكان (الدركسيون) بقوه لأنه راح يؤثر في السياره.. فياريت لو تفيدونا بنصايحكم يا أهل الخبره

و سؤالي الثاني.. هل تواير 900 أظني تسمونها (بواليين) تؤثر على السياره أو تثقل عليها مثلا و هل يؤثر عل هايدروليك السياره؟؟

و دمتم سالمين

تحياتي لكم

[عسكـــــريم]

مكتوب عليه diff lock

[السنبثاوي]

لا مكتوب مرسوم عليه رسمه و في النص فيها علامة اكس

[السنبثاوي]

وينهم خبراء اللاند كروزر معقوله مافي حد يعرف شو هو الفص اللي تكون تحت فتحة المكيف جهة السايق

و عسب اوضحلكم اكثر هو فصين الفص اللي فوق للأنتينه عسب تنزله و ترفعه و الفص الثاني اللي تحته هو اللي ابغي اعرف شو وظيفته...

و ياليت لو بعد تشوفون باجي استفساراتي اذا ما عليكم كلافه

أتريا ردودكم بفارغ الصبر يا اخوان.. اكسبو في اخوكم الاجر

تحياتي

[السنبثاوي]

اخواني وين الردود؟؟؟؟؟؟؟؟؟؟؟؟؟

وين أهل الفززززعه وييين؟؟؟؟؟؟؟؟؟؟

[ولد الاكرام ...]

..اخوي السنبثاوي .. ( السلام عليكم ورحمة الله وبركاتة ) ...

اخوي الزر حق الدف لوك يسار السكان ( الدركسون ) وشكله دائري جنب الازرار حقت مرايات السياره ويكون بالضبت تحت زر الخزان الاحتياطي للبترول ...

الدفرشن لوك ما يشتغل الا لما تشغل الـ 4l الدبل العود ((الثقيل)) وهاذا تستخدمه وقت الحاجه اذا غرست بالسياره او علقت بحفره كبيرة في البر تشغل وضع الدبل في 4l وتشغل زر الدف لوك يغلق الدفرنش الخلفي (( يقفل الكارونة )) وتسير السياره تمشي توايرها ( كفراتها ) الاربع مع بعض وتطلع من تغريستها او حفرتها ..

اما من ناحية تواير الـ900 البوالين هاذي ما تاثر على السياره نهـــــــــــــائيا (((عن طريق تجربة ))) والا تاثر على اي نظام في الاند كروزر لا الهايدروليك والا الدفرنشات والا الرودات والا اي حاجه بالعكس اريح والين للسياره في المطبات تصبح السيارة ارفع في البر واكثر ليونه في الرمال ما تغطس ... واسمحلي اخوي على لأطاله .. واامل اني فدتك بشي اخوي السنبثاوي وفدت اعضاء المنتدى الطيبين ...

[السنبثاوي]

تسلم أخوي الغالي ولد الاكرام على ردك و فعلا كبرت في عيني و ما تقصر و بندعيلك على صلاة الفجر

بس الغالي ما شفت الزر اللي تطريه في المكان اللي ترمس عنه علما بأنه عندي Vxr 2003

فسؤال هو هل لهذا الموديل ديف لوك ولالا؟

و السموحه تعبناكم ويانا

[ولد الاكرام ...]

صحيح له الدف لوك ينزل للسيارات من موديل الثمانينات الى 2007 ...

بس احتمال موترك ما يكون فيه دفلوك تاكد منه هو شكله دائري يسار السكان (الدركسون) تحت زر الخزان الحتياطي ...

(( للعلم في سيارات تنزل بـ دفريشن لوك وسيارات بدون ))

[السنبثاوي]

تسلم الغالي ولد الاكرام و ما قصرت و يعلم الله اني مستحي منك

أنا دورت عالفص اللي تطريه ما حصلته بس شي فص لفت انتباهي و ما أعرف شو شغلته و صورته قلت يمكن بتعرف شو وظفيفته و قلت يمكن يطلع هو نفسه الدفلوك

و هذه هي الصوره:



ياريت لو انته و لا حد من الاخوان يخبرني شو وظيفة الفص هذه و كيف ممكن أستفيد منه و وين استعمله و هل هو للضروره فقط ولا كيف..؟

و السموحه اخواني كثرت من الاسئله

أخوكم
بو الوليد

[ولد الاكرام ...]

هاذي صورة تعشيقة الدبل الـ 4h تستخدمه يكون دفع السيارة رباعي عندك 100 % ويكون احسن اول ما تنزل البر تشغه وهاذا الزر ما يضر السياره نهائيا في البر واول ما تركب الشارع تسكره ..

[السنبثاوي]

يعني أفهم من كلامك انه بديل الديف لوك صح؟
و تسلم عالرد السريع

[ولد الاكرام ...]

لا لا الدف لوك غير غير الدف لوك اذا شغلته يقفل الدفرنش وهاذا زر الدفع الرباعي الاعتيادي ...

[السنبثاوي]

يعني اعتقد السياره غير مجهزه بالديف لوك من الوكاله و ما أعرف شو السبب.. غريبه ولله لأني سمعت انها تفيد في البر

عالعموم الحمدلله على كل حال و مشكور الغالي على ردودك السريعه و ما قصرت

[ولد الاكرام ...]

عزيز وغالي يا الذيب ووووووووو







(( حـــــــــــــــــــــــــــــــــــــــــــــــــ ـــــــــــــــــــاضرين للطيبين ))