[ولد الحاتمي]

كل عام وانتم بخير ومبارك عليكم الشهر الكريم

بصراحه اعجبتني الافلون 2007 بوسعها ورحابتها

عندي بس بعض الاستفسارات عنها

هل الافلون 2007 نفس الـ2006 ؟

اذا كانت نفس الشي وشي هي مواصفاتها الكامله ؟

وشكراًَ لكم مقدماً

[جنوبي افالوني]

ما فيه اي اختلاف الا في موديل 2008 في الوجه الامامي بعض التعديلات وكذلك تغييرات داخليه من الجلد ولون التخشيبه اغمك من الموديل السابق
وبصراحه والله ان موديل 2007 افضل من موديل 2008 من وجهة نظري طبعا ليس لاني امتلك موديل 2007 لا تستعجل قارن بين 2007 و 2008 وقرر
الله يوفق واخواننا المسلمين

[ولد الحاتمي]

بيض الله وجهك اخوي جنوبي

انا افكر اشتري افلون مستعمل طبعاً

وفكرت آخذ موديل 2006 اذا كانت نفس الـ2007 بالضبط عشان يفرق شوي بالسعر

الي فهمته منك انها نفسها بالضبط ؟

طيب كم تتوقع سعر 2006 نضيفه ؟ وهل الافالون انواع ؟

وشكراً ياعسل

[أبو ريان]

تفرق أفالون 2007 عن 2006 بشكل الريموت فقط لا غير

وبالنسبة لأنواع الأفلون فهي نوعان Xl و ليميتد

المواصفات الفارقة بين Xl و الليمتد

جلد + مكيف
فتحة
حساسات أمامي وخلفي (وارد عبداللطيف جميل)
أنوار ضباب أمامية
ستارة خلفية
الجنوط شكلها مختلف
نظام المفتاح الذكي ( البصمة )
تخشيبة

هذا اللي في بالي

[مجنون الأفالون]

بالنسبة للأفالون

موديلات 2006 و2007 نفس الشكل ولا يتغير أي شي .. بس الريموت كونترول مثل ما تفضلوا الشباب

لكن الـ 2006 اذا تبغاها كاش أتوقع تلقاها موجوده ما زالت بأحد فروع تويوتا ويقدر يدبرها لك

وسعرها 96 ألف ... طبعا أنا اتكلم عن الليمتد


اما بالنسبة لمستعمل


موديل 2006 اذا كان ماشي ما بين 40 ألف إلى 70 ألف ... أسعارها تتراوح ما بين 70 ألف إلى 75

اما لو أقل من هالممشى تلقاه نهائي نهائي ...80 ألف وانت طالع

طبعا على حسب نظافة السيارة من الخارج والداخل .. له دور بالطبع


تحياتي لك

[فله ( افالون )]

في ذمتي تيه تلقفها تياك انها نفسها ما بها اختلاف

[ولد الحاتمي]

أبور يان..عز الله انك كفيت ووفيت

الحين عرفت انواع الافلون والي ماراح يشتري ليمتد لاتشتري افلون احسن له لأن الفرق شاسع بصراحه


من القلب... أجمل تحيه لك يا أبو أبو ريـــــان

=-=-=-=-=-=-=-=-=-=-

مجنون الافالون..جيت على الجرح

كنت أبي اعرف الاسعار عشان اضبط اموري وبصراحه ماقصرت عطيتني فكره ممتازه

طبعاً اكيد كنت تتكلم عن اسعار اللمتيد..تكفى اكد لي هالمعلومه

ولنفرض اني حصلت افالون 2006 لؤلؤي نظيف وماشي 55 الف

كم تتوقع تسوى ؟

والافالون بشكل عام تحس انها شبابيه ولا شيّابيه <***** مصطلح جديد ههههه

الف الف شكر ياكريزي اوف افلون

=-=-=-=-=-


فله ( افالون )

في ذمتي تيه تلقفها تياك انك فله

<***** يسمع فيها بس مايعرف يكتبها
شكراً ياقميل

[ابوفيصل]

اخوي ولد الحاتمي الاخوان ما قصرو الله يعطيهم العافية

الفرق بين 2006 و 2007 في شكل الريموت فقط

اهم الفروق بين الليميتد والـ XL هي

من الداخل

1- نظام الدخول والتشغيل الذكي

2- مقاعد جلد

3- فتحة في السقف

4- نظام تبريد وتدفئة المقاعد

5- ستارة خلفية كهربائية

6- نظام التعتيم التلقائي للمرايات الداخلية والجانبية

7- التخشيب

8- بوصلة في المرآة

من الخارج

1- الجنوط

2- كشافات الضباب

3- حساسات امامية وخلفية

4- مصابيح صغيرة بالمرايات الجانبية

هذه اهم الاختلافات اما المكينة والقير نفسه بالضبط

ان شاء الله اكون افتدك اخوي ولد الحاتمي

تحياتي لك

[الأسمـــري ...]

ماشاء الله عليك أبو فيصل ما بقيت شي :d
في بعض الإختلافات دوبني أعرفها

و بالنسبه للأخ ولد الحاتمي
شف السيارتين إذا كانت كلها نضيفه والبدي تمام
و باقي فيها لمعه فخذ 2006 أرخص وزي ما قالو الشباب
ما في فرق
وشكراً

[متعة الإحساس]

السلام عليكم..


انا شخصيا معي أفالون XL وفي اعتقادي الشخصي انها افضل من اليمتد وعمليه اكثر وخراباتها اقل..


وعلى فكره قليل ما تجد افالونXL ..


وهيا صراحه ما تفرق عن اليمتد الا اكسسوارات لا اقل ولا اكثر نفس الشكل والمكينه..


وتقبل مروري......

[أبو ريان]

ولد الحاتمي ...

تحت أمرك في أي وقت يا الغالي

عاشق منصور

حرام عليك يا شيخ .... يكفيك نظام الدخول الذكي (البصمة)، والله يريح بشكل خيالي

ومن ناحية عملية وخرابات .... كلها نفس الشي ونفس الجودة، ومشاكل الأفالون الموجودة حاليا في كل فئاتها

تحياتي لك

[م.أنس]

اتوقع بتحصلها بسعر الـ90.000 ريال

اذا كانت موديل 2006

[شمعة بلا فتيل]

المشاركة الأصلية كتبت بواسطة عاشق منصور

السلام عليكم..


انا شخصيا معي أفالون XL وفي اعتقادي الشخصي انها افضل من اليمتد وعمليه اكثر وخراباتها اقل..


وعلى فكره قليل ما تجد افالونXL ..


وهيا صراحه ما تفرق عن اليمتد الا اكسسوارات لا اقل ولا اكثر نفس الشكل والمكينه..


وتقبل مروري......

اوكي انا معك اخوي بس الاكسسوارات ماهي هينه بيني وبينك احنا ماكبرت الافالون في روسنا الا ..لما شفنا مواصفات اللميتد وهذا الواقع معليش اخوي بس لو اخذنا كل حاجه على حده لقينا في فرق كبيييير...

<*****<وجهة نظره