[إي إس ستات]

الأخوة الأعزاء
أتمنى إنكم تقرأون الموضوع هذا وأنتم بأتم صحة وعافية

سؤال بسيط عن غبار المينا والتلصيقات اللي على السيارة...... هل تضر البوية لو خليتها فترة (أشهر يعني) أو لا؟

وما رأيكم أحلى شكل بغبار المينا والتلصيقات أو مغسولة ونظيفة. شخصياً أحبها بالغبار بس خايف تضر البوية !!!!!!!!!!! علماً أن سيارتي هي إي إس 350 بيضاء لؤلؤي

[مستر لكزس]

اغسلها وارتااااااااااااااااح
شكلها مغسولة أحلى
خاصة اللؤلؤي عشان تبين لمعته

[راعي الإي اس]

الغبار المينا مايضر بالسياره

على راحتك ودك تغسلها اغسلها وماودك بكيفك


على راحتك

تحياتي :

[مشمش]

عالبركه الموتر الله يطعم خيرها ويكفيك شرها

خالها شهر وغسلها ازين لك لأنك في المستقبل منت حاط

عليها جلايد ولا انت تتغبرها

علشان ماتتحسف عقب ولا ترى اللكزس احلى شكل مغسوله

وتقبل مروري

[ابو داحم]

لو تغسلها أفضل ياخي لأن ماشاء الله معك لكزس مش هايلكس ولاكامري تركب عليها الرشة

[شيخ البانوراما]

كح كح كح والله كح كح يا انت كح قديم

ذكرتني بأيام 1406 ، تغبيره عاد....

عموماً يقولون اذا جلست فتره وضربتها الشمس تضر البويه وتسبب بهتان اللمعه

الله يعطيك خيرها ويكفيك شرها

[لكــــزس]

معك كامري انت؟؟؟؟؟؟؟؟؟

اكيييييييييييييييد غسلها..

[لكزس اماراتي]

عليك بالغسيل ..

[حياة_التميز]

اخوي على البركه ان شاء الله يعطيك خيرها و يصرف عنك شرها

راح اقول رائي و لا تزعل مني ( لله في خلقه شوون ) تغبيرة و لصق ؟؟؟؟ استغرب من الناس الي يتركونها على السيارة واقول في نفسي من جد لولا اختلاف الاذواق لبارت السلع ويش حلاتها بدون لصق و على فكرة يضر السيارة اللصق الي عليها ولازم تشيله اول ما تستلمها بس انتبه عدل وانت تشيله لانه قد يسبب بهتان او حتى تقشير للبويه لو ترك لفترة طويله في الشمس اثناء الشحن


انا شخصيا شرطت عليهم ما يتركون اي لصق او غبار على السيارة و حتى الاكياس قطعتها عندهم و اكتشفت فوق هذا كله ان اللصق ترك اثر على البوية و طبعا خليتهم يضربون البوية على الواجهه كاملة و على حسابهم و بضمان اللمعه سنة

[ابـــو عـــاطـف]

غسلها

ولا ترى يحقدون عليك واخاف يصكونك بعين ماشية (( 5.000.000 ))

الله يعطيك خيرها ويكفيك شرهااااا

[هاكرزتويو]

اتمنا انك تغسلها وكل يوم .......... يعطيك خيره ويكفيك شره

[إي إس ستات]

المشاركة الأصلية كتبت بواسطة شيخ الكورلا

كح كح كح والله كح كح يا انت كح قديم

ذكرتني بأيام 1406 ، تغبيره عاد....

عموماً يقولون اذا جلست فتره وضربتها الشمس تضر البويه وتسبب بهتان اللمعه

الله يعطيك خيرها ويكفيك شرها

حلو هالتعليق
الحقيقة إنكم معكم حق ،،،،،،،،، وألف شكر على المرور..... بعد ماقريت ردودكم رحت وقشعت اللصقات وغسلتها والله طلعت أحلى بواجد (فاتنة) ولله الحمد.................. شكراً مليون
ترى سالفة التغبيرة واللصقات عشان طفّــــــة الجديد.............:d
تحياتي للجميع

[محمــــــــــد]

انا اشوف انك تغسل السياره احسن لك واضمن لك
واشوف انك شاري لكزس مو كامري ولا هايلكس
وابغاك تقولي رايك يعجبك لما تشوف سيارتك مغبره وعليكا ستكرات الوكاله؟؟؟

[إي إس ستات]

أخوي محمد
أشكرك على الرد
والحقيقة الحقيقة، كل مرة أجي أركب السيارة وعليها غبار ستكرات أحس إنها جديدة. ولكن لفترة بسيطة وبعدين ودي أشوفها مغسولة
عموماً غسلتها وطلع شكلها أفضل بكثير

[بندر بن سرور]

الله يبارك لك فيها وتوكل على الله ولاتخاف الله حافظها

قل وكرر دائما " استودعتك الله الذي لاتضيع ودائعه"

انصحك تفكها في وقت الظهر عشان الشمس حاره وويكون الضمغ سايح

وتقبل تحياتي