[سوسو المحبه]

هاى شباب عندى موضوع اشوى مسوى زحمه وابى استشيركم فيه

انا بطلع البانوراما عن طريق البتك الاهلى الان الراتب عندهم


لكن اعطونى قصدى غاااالى وشى رايك


الدفعه الاولى 30 الف

القسط الشهرى 2742 ريال

الدفعه الاخير 40 الف

اوو

الدفعه الاولى 40 الف

القسط الشهرى 2435 ريال

الدفعه الاخير 40 الف


بصراحه القسط عاااااااااااالى لونه 2200 ماعندى مشكله

وشى رايكم بالموضوع ؟؟؟

[المستقبل الماضي]

المشاركة الأصلية كتبت بواسطة سوسو المحبه

هاى شباب عندى موضوع اشوى مسوى زحمه وابى استشيركم فيه

انا بطلع البانوراما عن طريق البتك الاهلى الان الراتب عندهم


لكن اعطونى قصدى غاااالى وشى رايك


الدفعه الاولى 30 الف

القسط الشهرى 2742 ريال

الدفعه الاخير 40 الف

اوو

الدفعه الاولى 40 الف

القسط الشهرى 2435 ريال

الدفعه الاخير 40 الف


بصراحه القسط عاااااااااااالى لونه 2200 ماعندى مشكله

وشى رايكم بالموضوع ؟؟؟

انا اشوف انك تزيد الدفعة الأولى على قد ماتقدر عشان تقلل القسط والفوائد اللي ياخذونها منك

[راعي الإي اس]

طيب اخوي القسط لكم شهر 48 ولا 60

[مستر لكزس]

طيب على كم شهر؟؟

[بإختصار لكزس]

مثل ماقال اخوي المستقبل الماضي

تزيد الدفعة الاولى اشوي عشان القسط ينزل

تقبل مروري..

[موبايلي]

أنا أوراقي عند الراجحي نظام ألتأجير


دفعه أولى 16000


وأقساط 4100



على أربع سنوات

[سوسو المحبه]

القسط على خمس سنوات

60 شهرا

[روح الوفــا]

والله يالغالي انا اشوف انك تاخذ قرض احسن لك

من تاخذ نظام التأجير المنتهي بالتمليك

الراجحي لما سألتهم عن معدل الفائده حق التأجير

قالي اذا حسابك عندنا بيكون 8.25

واذا ماعندك حساب بيكون 9.25

طبعا احسب حسابك كل مازادت السنوات كل ماانضربت الفائده بعدد السنوات

بالسنه الاولى بياخذون عليك 8 وربع

بالسنة الثانيه بياخذون 16 ونص وهلما جرى


بينما لو تاخذ قرض بتطلع لك نسبة الفائده اقل

--------------------


بالنسبة للاهلي قالي موظفين الشركات الكبيرة مثل ارامكو الفائده 5.75

اما بالنسبة لموظفين البنوك لهم نسبة اقل 4 فقط

بينما العساكر اتوقع ياخذون عليهم 7



فـ نصيحتي لك اخوي .. شوف البنوك الثانيه وسأل عن معدل الفائده


وسبق اني كلمت شركة التأجير للتقسيط بس نسبتهم عاليه حيل قالي بناخذ منك 11 بالمية

[ولد السفير]

السلام عليكم

انا مع الاخ روح الوفا


خذ قرض وادفع ثمن السيارة .. اما تاخذها منهم بنظام التأجير بتكون الفوائد عااالية

انت لو تحسبها بتطلع لك فروق بالاف ..لانه النسبة تنضرب في عدد السنواات ..


فكر فيها عدل ..


تحياتي لك

[مستر لكزس]

بياخذون فايدة منك تقريبا ألف 70
خذ تورق اسلامي افضل لك
مايزيد عن 5%

[شمس الاصيل]

طيب القرض مايجي معه تأمين شامل

على السيارة ( تأمين حتى نهاية العقد )

[روح الوفــا]

انا اليوم عند عبداللطيف جميل

طبعا سعر السياره كاش 160 الف

وحسب لي الاقساط وحددت له دفعه اولى 32.300 ريال

طلع القسط بـ 3200 ريال شهريا لمدة 47 شهر مو 48

والدفعه الاخيره قالي 47.955 وبرضو قالي اذا ماتقدر

تدفعها بعدين باامكانك تقسطه على سنه


طبعا النسبة ياخذون 7% لتويوتا

وياخذون 4 % للتأمين

يعني يطلع التأمين على السياره بالسنة 6,400 ريال

وبالنسبة للتأمين يقول لاقدر الله وصار حادث تدفع 1000 ريال

مع اني اخبرها 500 مادري شاللي خلاها 100

طيب اخوي شمس الاصيل خذ لك قرض بنسبة تتراوح من 4 الى 7
حسب وظيفتك وحسب سياسة البنك وامن على السياره وبرضو بتطلع لك اوفر


والاهم من كل هذا السياره بااسمك مايحتاج كل ثلاث شهور تفويض

وازيدك من الشعر بيت قالي اذا البحرين عادي تروح

بس اذا دول الخليج الثانيه لازم تجيب كفيل بعدها نعطيك تفويض

[شمس الاصيل]

لكن اخوي روح الوفــا

اذا امنت عند شركة راح يحسبون علي

السنة الواحدة تقريبا 5300 ريال

وبعدين ما اعتقد ان التأمين الشامل

عند شركة تأمين ( حلال شرعاً )