[روح الـبلانـكـو]

السلام عليكم

شخباركم يا عشاق الأوريون.؟

عندي بعض الاستفسارات أتمنى تلاقي التجاوب معكم

بغيت أسالكم وش أفضل أوريون أو الهوندا أكورد 2007.؟

وش المميزات الي تتميز فيها الأوريون عن الأكورد .. وش المميزات الي في الأكورد غير موجوده بالأوريون.؟

لأني كنت جازم أشتري هوندا أكورد بس فيه ناس يمدحون لي الأوريون !!

عشان كذا قلت اصبر وافكر فيها !!

بس ما أدري أحس سعرها مبالغ فيه ولا لا .؟ .. ولا الغالي سعره فيه !! :d

عشان كذا أتمنى تطروحون آرائكم حول الأوريون و الأكورد وما مميزاتها ولا عيوبها وبالأخير من الأفضل بينهم بدون تحيز !!

تحيتي للجميع

[هٍـآيـوٍمآ ( آلمٍـطيـًرٍيُِ )]

الاميـــرهـ وبســ

تكــفي انهــا من تويوتا

[ملك الأميرة]

أنا أقول انتظر الأكورد 2008 بتنزل هاليومين ويمكن تعجبك
اما فكره انك بتاخذ أكورد 2007 و2008 متغيره بالكامل فاسمح لي اقولك خذ أوريون لانها بتقعد معك كم سنه وشكلها توه جديد اما الاكورد 2007 فما احد مطالعك لانها بتجي قديمه

[رمزي الكنج]

الاكورد 2007 حلوه ما اختلفنا في هالشي بس الكلام انها هوندا وقطع الغيار شي خيالي فيها


بينما الفرق في الاوريون تويوتا وتكد معاك وقطع غيارها نسبيا في السعر افضل من الهوندا


والهوندا 2008 مختلفه كليا وانا متأكد ان سعرها راح يكون قريب جدا من سعر الاوريون لان فيها مميزات قريبه من مميزات الاوريون هذا اللي عندي وانشاء الله اكون ما اتحيزت في شي برضوا تبقى ( وجهة نظر )

[بلحروووز]

يأسفني اني اقولك انو الاوريون 2007 منتهية عند عبداللطيف جميل لاني حاجز وحدة ودقو عليا وقالولي انتهت ال 2007 وعليك انك تنتظر ال 2008 بعد العيد وما راح يتغير شي فيها

وبالنسبة للاكورد سيارة ممتازة بس العين ما تعلى عن الحاجب واسمع كلامي وانتظر الاوريون 2008 مثلي

ويكفي زي ما قالوا الشباب انها من تويوتا وتمسك سعرها

وتقبل مروري

[شادي س س]

وعليكم السلام هلا اخوي
بالنسبة للالشياء اللي تتميز فيها الهوندا عن الاوريون :

1- راسية و التحكم فيها ممتاز وماسكه في الارض .

2- اقتصادية مرة في البنزين .

3- تكد وتعيش اكثر من التويوتا .

4- مكيف ممتاز والاوريون كذلك .

5- قاسية في الطريق ( غير مريحة ) .

6- قطع غيار غالية نار .

نجي لللاوريون :

1- فخمة (المفتاح الذكي + مثبت سرعة + مسجل 6 سيديات Mp3 + تحكم اوتو في الانوار الامامية ) .

2- محرك 6 سلندر +6 تبديلات ( تسلرع وقوة ما هي طبيعية ) .

3- مريحة وناعمة بشكل ما تتصور .

4- قطع غيار ارخص من الهوندا كثير .

5- سعر ممتاز عند البيع .

ذكرتلك الاشياء الرئيسية و انشاء الله اني مانسيت شيء , ورأيي انك تنتظر الهوندا 2008 و الرأي الاول والاخير لك .
اتمنى اني افدتك وتقبل تحياتي .

[أبو الجوهره]

خلك على التويوتا عطي الله

قطع غيار في كل ديره وبسعر مناسب فوق هذا سياره تمشيك اكثر عمر ان شاء الله

مع ان الهوندا قويه وحلوه بس بس تظل التويوتا افضل و اجمل

[نوف]

اوريون وبـــــــــــــــــــــــــس مالك الاهيفا اقصد تويوتا لك ولزمان اخوكم ابو نوف

[ميركوري]

ياجماعه والله ما فيه مقارنه بين الأوريون والأكورد الأوريون افضل بكثير بشهادة واحد من الشباب معاه 2007 اكورد يقول كرهت الهوندا بعد ما ركبت معاك و2008 مغيرين شكلها مو بحلوه زي الأوريون ودخلت في راسه الأوريون وشكله جاد بالحيل بيقلب على الأوريون.... يعني ما جبت الكلام من عندي والله من عند راعي اكورد... وش تبون بعد ذا الكلام,,,, تحياتي...

[إحساس خالد]

الاكورد يعيبها انها ضيقه (حجمها بين الكامري والكورلا)

الاكورد يباني 100%

مسجل الاكورد مستحيل ينسررررررررررق والشنطه مؤمنه ... وفيها نظام سرقه من بلدها

( ابو هاشم ) مالعب بالمواصفات .. السياره تتحمل بشكل فضيع

--------

الاوريون فرخ طياره ... مع الجنب تشبيه الكامري (2003-2006) ... سهل السرقه

( واسأل شباب الرياض اللي معاهم اوريون)

--------

عموما انت زين ما اخترت ..

بس لو انا منك سراحه اطق لي افالون ( افخم )

[أبو زعانف]

شوف انا ما أعرف الأكورد لكن بقولك أشياء عن الأوريون يمكن غايبه عن ذهنك

أهم مميزات الأوريون :-
تورينق وجراندي

العزم الجبار (القومه)
المسجل يشغل mp3 دايركت
شمعات هايد ( شبيها بالزنون )
غمازات عالمرايا الجانبيه
ستاره كهربائيه خلفيه
نظام القير المتطور ( 6 تعشيقات )

أما الجراندي زي اللي عندي

أحلى شي العداد 3d

والمفتاح الذكي ( التشغيل وفتح الباب بالبصمه )

والتخشيبه

والمكيف المنفصل ( الراكب درجة حراره مختلفه عن السائق )

مفاتيح على الطاره للتحكم بالمسجل

وكذلك الشاشه الصغيره اللي بالطبلون تعرض معلومات عن الرحله
وإذا أحد الأبواب مفتوحه والشنطه أيضا والكثير من التنبيهات



ومتأكد 100% إني نسيت بعض مميزاتها الأخرى


أتمنى إني أكون أفتك ,,,,,,,

[روح الـبلانـكـو]

يعطيكم ألف عافيه عالردود

وشكلي أبعقلها وأتوكل وأخذ الأمــيــرهـ

يأسفني اني اقولك انو الاوريون 2007 منتهية عند عبداللطيف جميل لاني حاجز وحدة ودقو عليا وقالولي انتهت ال 2007 وعليك انك تنتظر ال 2008 بعد العيد وما راح يتغير شي فيها

قبل شوي كنت بالوكاله الي بالرياض يقول عندهم أوريون 2007 والـ 2008 بتنزل بعد العيد

بس مشكلته ماهي معروضه عندهم لأني رحت أبشوفها بس قالوا يمكن كم يوم ويرجعون يعرضونها لآنه على قولته مافي مكان نحطها !!

[اوريون الرياض]

انا طالع من الهوندا للاوريون وبصراحة راي

لامقارنة

قطع الغيار
الراحة
بصراحة انا بعت الهوندا بسبب قطع الغيار صار لي حادث بسيط وحرقني حرق بالاسعار حتى بعد الاصلاح

ونصيحة استخر يالغالي وتوكل على الله اوريون ميزتها ان شكلها جديد هذي نصيحتي او تنتظر على الطبيعة الهوندا

مع اني كرهت الهوندا في مكينتها ياخي مزعجة تقول دباب
تحياتي

[أبو الجوهره]

المشاركة الأصلية كتبت بواسطة إحساس خالد

الاكورد يعيبها انها ضيقه (حجمها بين الكامري والكورلا)

الاكورد يباني 100%

مسجل الاكورد مستحيل ينسررررررررررق والشنطه مؤمنه ... وفيها نظام سرقه من بلدها

( ابو هاشم ) مالعب بالمواصفات .. السياره تتحمل بشكل فضيع

--------

الاوريون فرخ طياره ... مع الجنب تشبيه الكامري (2003-2006) ... سهل السرقه

( واسأل شباب الرياض اللي معاهم اوريون)

--------

عموما انت زين ما اخترت ..

بس لو انا منك سراحه اطق لي افالون ( افخم )

اذا على التايمن حق الشنطه الاريون والكامري من موديل 2002 فيها تامين

اما على قولت افالون افخم انا معك في هالنقطه والفرق مو كثير وتستاهل الافالون سعرها

بس تظل التويوتا افضل من الهوندا بمراحل