السلام عليكم ,,
كيفكم اخواني ,,
انشاء الله الكل بخير
انا عارف ومتأكد 100% انكم مشتاقين لي ! 
وانا بعد مشتاقلكم ,, بس وش نسوي الاشغال ذبحتنا 
نوخش الموزوع دوغري ,,
==========================
قبل كم يوم رحت عند خالي بفطر عنده ,, طبعاً بالدلوعه بتعتي فوفو ( الافالون )
المهم يوم جيت برجع لبيتنا ,,
فتحت باب السياره ,, طبعاً كل شي سليم ميه ميه ,,
ركبت السياره ,, وضغطت الفرامل ,, اللمبه الخضراء حقت زر التشغيل ماشتغلت قلت بصوت عالي (( هلا هلا )) وقمت اصفق بيديني 
واضغط زر تشغيل السيااره ,, السياره ماشتغلت ؟ هه ,, شسالفه ؟
واشغل الأنوار الأماميه ,, بشوف يمكن البطاريه ضعيفه ؟
النور عالي وكل شي سليم ميه ميه ,,
وطلعت المشكله من بطارية ريموت السياره انعن خشمه بلا ,,
واتمرمط مرمطه الله لايوريكم ,,
وكلها على سالفة بطاريه كبر اظفر اصبعي ,,
===================================
طيب لو اني مثلن مثلن مسافر وموقف ارتاح,, والسياره ماشتغلت بالخط وش السوات ؟
يعني معقوله ,, افضل واكبر شركة بالعالم تصنع السيارات ,, ماطرت في بالها هالمشكله ؟
صراحه شي يقهر ,, وفوق كل هذا ,, البطاريه حقت الريموت عجزت احصلها ؟
دورت في كل محل مالقيتها
دورت في الاسواق الي حولنا
ودورت بالبطحاء ودورت بعماير الراجحي ,, ودورت بكل مكان وماحصلتها ,,
ماحصلتها الا عند عقارية العليا , وبعد يومين من التعب والغثاء لحد ماحصلتها ,, واخر حبتين 
لازم يشوفون حل مع هالمشكله الكبيره 
نصيحه للي مايحب الانتظار والمرمطه ,, يروح يبحث عن هالبطاريه
ويشتري له ثنتين ويحطها بدرج السياره ولاسمح الله صار شي ماشيات ,,
الاحتياط واااااااااااااجب ,, يا جماعه الخير ,,
مقاس بطارية الريموت :
16 - 32
مع العلم ان الي متوفر بالاسواق ,, مقاس 16 - 20
وهذا المقاس مايركب على الريموت بالضبط ,,
تشوفونه يهتز ,, ومره يشغل السياره ومره مايشغلها ,,
يعني على حسب المزاج
اذا كان مروق يشغل السياره
واذا الاخلاق زفت ,, مايشغلها
لأنه نحيف ,, ويهتز داخل الريموت ,,
المفتاح الذكي حسبي الله عليه وعلى الي اخترعه ,, 
الله يكون في العون ..
..
