[حي القلب]

السلام عليكم انا جربت طريقة فصل التراكشن الموجودة في منتدى الافلون ظبطت معاي اليوم و انفصل التراكشن و دعست كامل تمت السيارة تهتز من القوة بس المشكلة ان السيارة انطفت و شغلتها مرة ثانية و انطفت و الثالثة نفس الشي و ما انصح اي احد يفصل التراكشن بكره باتصل للوكاله علشان اشوفو المصيبة اللي صارت ابي اعرف اذا احد فصل التراكشن اذا صارت له مشكله ولا لا و السموحة على التطويل

[الــمــجــروووح]

والله ياسيدي انا عني مفصلته ووصلت معاي الا 235 ومفصلت معاي وبصراحه من السرعه خفت وهديت

لكن انت فصلتها بنفسك ولا رحت لحد لايكون لعبلك فيها

[حي القلب]

هلا اخوي المجروووح لا طبقت الطريقة الموجودة في منتدى الافلون اللي تدوس بريك و تسحب هند بريك وووو موجودة في منتدى الافلون و مثبتة

[المكيانيكي]

الله يهديكم بس
قلنا لكم ونصحناكم بس محد يسمع لا تعبثون بالسيارات باشياء مالها داعي التراكشن عشان ماتدور بوش الكفرات اذا قامت السيارة بسرعة(يعني ما تفحط) وهذي ميزة مو عيب عشان تفصله ولا له علاقة لا بقوة السيارة ولا شي ولا له علاقة بسرعتها
استيشيرونا اذا تبغون تصلحون شي قبل ما تسوونه وبنعلمك بالصح ولا رايح نغشكم بشي
والسيارات الجديدة فيها كمبيوتر كل شي محسوب مو لعبة وكل شي موصل بهالكمبيوتر

[حي القلب]

شكرا لك اخي الميكانيكي اليوم اتصلت بالوكالة و ما قصرو طرشو لي سطحة و شالوها
لما شغلو السيارة اشتغلت و طلع فيها ان انبوب الفلوميتر منفتح من قوة الاهتزاز و ركبوه

[دقات قلب]

اوف

قوية والله

يالله سلامات وما تشوف شر

[حي القلب]

الشر ما يصيبك يا قلبو

[ملك الغوص]

الله ستر ديرو بالكم
اشحلاته التريكشن
اخوي ميكانيكي التريكشن يقتل فزت السياره من الصفر

[اوريون الرياض]

الحمد لله على لاسلامة وكيف يشلونها على الضمان يعني ولا كيف واخي الميكانيكي الله يجزاك خير الجزاء على ماتقدمه لاخوانك . بعدين ترى فاقدك مالك شوفه في msn

[حي القلب]

المشاركة الأصلية كتبت بواسطة ملك الغوص

الله ستر ديرو بالكم
اشحلاته التريكشن
اخوي ميكانيكي التريكشن يقتل فزت السياره من الصفر

تسلم اخوي ملك الغوص
صح كلامك ان التراكشن يذبح قومة السيارة
بالسابق كانت الافالون تفز في القومه عن الاوريون بسبب التراكشن لانه الافالون ما فيهه تراكشن xl بعد فصل التراكشن ماشاء الله القومة للاوريون

[حي القلب]

المشاركة الأصلية كتبت بواسطة اوريون الرياض

الحمد لله على لاسلامة وكيف يشلونها على الضمان يعني ولا كيف واخي الميكانيكي الله يجزاك خير الجزاء على ماتقدمه لاخوانك . بعدين ترى فاقدك مالك شوفه في msn

الله يسلمك اخوي اوريون الرياض
نعم يشلونها على الضمان

[ي ي ص]

أقول شباب طيب والش الحل في فكت الفاصل

[عازف وتر]

السلام عليكم

شباب انا صراحه جدا مستغرب من شي....

انتوا تشترون سياره فخمه وعائليه وتقعدون تتسابقون فيها وتقارنوها مع سيارات ثانيه بمستوا قوتها.....

اذا انتوا ياشباب راعيين سرعه وريس ليش ماتشترون لكم سبورت؟؟؟؟؟ على الاقل السبورت معد للسرعات العاليه والتجاوزات ونظام البريكات معدوده لتحمل سرعه.... بينما هالسيارات لزم تعطيها حقها فهي فخمه...

اسف للاطاله بس قهرتوني هههههههههههههههههه

اخوكم عازف وتر

[نسكافيه]

المشاركة الأصلية كتبت بواسطة ملك الغوص

اخوي ميكانيكي التريكشن يقتل فزت السياره من الصفر

يسلم كيبوردك هههههههههههههههههههههههههههه

بس يا شباب على قولة الرجال (انبوب الفلوميتر)

وشو هذا؟؟؟؟؟؟؟؟؟؟؟

[فلاان]

الحمــد لله ما صار فيها شي كبيــر

واخوي الميكانيكي الله يخليكم ان شاء الله ويحفظكم ما تقصرون

[حمادة(تويو)]

الحمد لله أخوي جات بسيطه وقرصة إذن زي مايقولون

تحياااااااااااتي