[هاي بريدة]

السلام عليكم يا أعضاء المنتدى الحــلوين : حبيت استفسر عن البنزين الي يستعمل للأميـره (اوريون) لأني حتى الآن اعبي بنزين 91 وسيارتي ماشيه تقريبا 18000وقالوا لي زملااي غلطان لأنه يأثر على السيارة من ناحية المحركات ويقلل عزم السيارة هل هذا صحيح الكلام واذا كان صحيح هل يظر السيارة اذا بدلت البنزين من 91 الى 95 وشكــــــــرا ياأروع اصدقاء في المنتدى فديتكم كل ابووووكم

[حي القلب]

اخي الكريم هاي بريدة انا اذا اجي للسعودية اعبي ممتاز 91 و الـ 91 ما يضر الفرق بس في نسبة الاكتين و اذا تلاحظ في كتيب السيارة تقدر تعبي 91 كاقل نسبة اكتين و اذا حاب اتبدل الى 95 ما يضر محرك السيارة
في دعاية في الـ mbc يقول ان 91 ممتاز و 95 ممتاز بس راح تدفع اكثر و لا راح يزيد من اداء المحرك

[اوريون الشرقية]

بالضبط^^

انا ماشيه معاي 30الف كم واستعملت 95 في ال1000كم الاولى وبعد صيانة الالف ماستعملت الا ال91 وماشية زي الفل......

[احلى واحد انا]

السلام عليكم

انا بصراحة من اول ماطلعت الموتر من الوكالة وانا اعبيه 95 ولا عمري جربت ولا فكرت اعبيه 91

لانه بنظري انا سيارة 6 سلندر وقوية وعزم مادري اتوقع مايصلح تعبيها 91

احس انه يقلل من عزم الموتر ويخرب الماكينة بعد فترة

ترا الكلام اللي اقوله احساس بس مادري هو صح ولا غلط

بس من ناحيتي ماعبي إلا 95

[ابوسعود@]

انا انصحك تعبي 95 لان مكينتها قريبه من الافالون والافالون تتعبا 95
وشكرا

[هاي بريدة]

حي القلب ... اوريون الشرقية ..... احلى واحد انا ...... ابو سعود .......
كم اسعدتموني بردودكم الرائعه واشكركم على المرورو بس ماعليش اخوي احلى واحد انت حيرتني باحساسك اتمنى احصل ردود اكثر واكثررررررررررررررررر حتى اتأكد اكثر واكثرررررررر

[هم الليل]

انا ما اعبي الا من 95 من اول ماطلعت السياره ... انا سمعت من بعض الزملاء يقولون ان 91 يستهلك بسرعه اكثر من 95 يعني صبه رده عبي من 95 وريح راسك وبعدين اتوقع ان عزم السياره افضل مع
الـ 95 ..... توقعات لا اكثر ولا اقل وبالتوفيق اخوي

[العتيبي 511]

اخوي انا من ناحيتي اعبي 95 ولا افكر يوم من الايام اعبي 91

[><><]

عب 95 لن انا كنت في الوكاله او سالت المهندس عن نوع البنزين فقال لي عب 95

افضل لك

[المسـافر]

المناسب لها 95

و أي نوع غيره إحتمال يسبب لك ضرر بالماكينه

[عبدالله بن تميم]

الأخ الميكانيكي الخبير قال كلها واحد

لكن بصراحه انا ارتاح لل95 كراحه نفسيه فقط ولا بغيت الجد ما فرقت 8 ريال عن الفل

تحياتي ويعذرني الأخ العزيز الميكانيكي أني رديت نيابه عنه لكني متابع للمنُتدى وبالذات للخبراء هنا

تحياتي للجميع والله يعطيك خيرها ويكفيك شرها

[أبو عذاري]

أخي هاي بريدة

الفرق 15 هللة بين 95 و 91 يعني في السبعين لتر فرق عشرة ريال ونص
يعني إذا عبيت 4 مرات في الشهر الفرق 42 ريال
يعني في السنة تقريبا 504 ريال.

يعني إعتبرها صيانة سنوية للأميرة بسعر 504 ريال تحافظ على حساساتها. وبعدين نسبة الرصاص أعلى في 91 وأكيد له تأثير حتى لو بعد فترة.

أخوك أبوعذاري

[هاي بريدة]

هم الليل .... العتيبي 511 .....********>*****<*****.........المسافر ......... عبدالله بن تميم........ ابو عذاري........
شرفتموني بردودكم وإقناعكم الرائع دمتم والى الأمـــــام لكن اطمح من الردود الكثير والكثير..........

[اوريون جده]

انا اقول عبي 95 لانه يحترق بسرعه اكثر من 91


لانه اناقبل الاوريون كان معايا فرد يوم اعبي 95 السياره فرق كبير عن 91 في وخاصه عند القومه