[الرويلي بن لكزس]

أهلاً

الحين انا نويت اخذ لكزس es الجديد 2008 ...وبصراحه قلت خلني ادخل النت اشوف شي عن السيارة .
ويوم سويت بحث بالقوقل والله ويطلعلي رابط القسم هنا ..المهم اشتركت وقريت عن السيارة وياريتني ماقريت لان خوفتوني منها الي يقول هزه ورجه بعد 120 والي يقول تنسيم هواء والي يقول القير يعني كل المشاكل في قطع اساسية بالسيارة ..لا وحلول الشباب مادري كيف الي يقول رح و لها وزنية طيب بالله عليكم سيارة ابي ادفع عليها 155 الف كاش اطلعها من الوكالة واروح اوديها لهندي يسوي لي وزنية ولا يفكفك فيها ويركب كفرات ...تكفون الفزعة ابي ناس جربت السيارة ومحافظه عليها ...مو ناس من حقين التفحيط يفحط فيها ويقول قيها رجه ....ويشرفني انظم للنادي

[ابـــو عـــاطـف]

والله ما فيها اي شي

اللي يتكلمون عنه الشباب اكثره كماليات وليست اساسيات

الموتر ممتاز وراح تدعي لي وتدعي لكل اعضاء المنتدى

[ذيب سليم]

والله ان الشباب هنا خوفوني مثلك انا كنت ناوي اطلعها بداية رمضان بعرض 50% لكن العرض طلع خرطي بعد ما صرفوا كل السيارات يسوون عرض!!!! قلت اطلع 2008.....وادخل عند الشباب هنا واسمع اشياء كرهتني بالسيارة.... ولا مبالغة مالها داعي انا اشوف انك تتصفح المنتدى زين لاني بصراحة لو الافالون 2008 نزلت بشاشة راح اميل لها من كلام الشباب هنا الشاشه هي نقطة التفوق الاساسية في Esواذا نزلت في الافالون راح تعادل تقريبا Es في التقنية وتزيدالافالون بالفخامة الخارجية اما السقف البانورامي يخوف اكثر مما يطمن واذا ابو جميل مانزل الشاشة في الافالون فان Esهي الخيار الاكيد والله يكتب لنا اللي فيه خير

[حنون القلب]

اخوي الغالي انا جربتها تقريبا الى الان حدود شهر ونص ولكن لم الاحظ اي شي ولله الحمد بل كل يوم اكتشف شي جديد وكل من شافها عندي مدحها من شباب وشياب والله
وانا كنت قبل مثلك كنت خايف من كلام الاعضاء بالمنتدى ولكن انا مرتااااح الحين ولله الحمد
فتوكل على الله وبدون تردد
قولوا ماشاء الله<*****يخاف من العين

[عطيه التاسع]

السلام عليكم

انا مثلك تماما وبصراحة بعد ما أخذتها لي الان شهرين وشوي وللأسف طلع كلام الشباب هنا مو دقيق

السيارة افضل مما توقعت بمراحل والحمدلله

[م.طموح]

توكل على الله ولاتفوتها دام الموديل توه نازل والألوان متوفرة والسيارة ماشاء تبارك الله ممتازة صح فيها بعض العيوب لكن المميزات كثيرة جداً.