الحقيقه يا شباب انا من الناس اللي يحافظ على الموتر ويواليه واتابعه بشكل دوري وانا متأكد اني باكون اعرف فيه من الوكاله من حيث المشاكل واسبابها لأني انا اللي استخدم السياره واحتك فيه بشكل يومي.
وبصراحه اذا الواحد تابع السياره اول بأول وغير القطع الاستهلاكيه وشيك بشكل دوري على الزيوت ما يحتاج انه يوديها للوكاله للتشييك لأن السبب زال ..
بس لأن البعض يبي ان الموتر يكون تحت اشراف الوكاله جا في بالي فكره وهي ان الواحد يصير يغير القطع الاصليه في ورش محترمه ومن ثم اذا راح للوكاله لنقل في تشييك ال 20000 وكان موعد تغيير قطع قيمتها 800 ريال و شغل الوكاله 500 ريال يصير يشتريها من برا بـ 450 و شغل يد 200 ( في الورش الخارجيه) وبعدين اذا راح الوكاله يبلغهم انه مغير ومصلح عشان ما يحسبونها عليه كعادتهم ( فك وركب جديد يا بلاش ) وفي نفس الوقت يكون ابرى ذمته وخلى الوكاله يعاينون الموتر ولا كلف على نفسه بمبالغ مالها داعي من الاساس
انا هذي فكرتي ولا ادري اذا كانت تناسب او فيها ملاحظات..
وعشان الواحد يكون على بينه ياليت الشباب اللي معهم الـ 2007 يبلغونا بتكاليف الصيانه الدوريه يعني يذكر لنا كل صيانه عداد الكيلو القطع المغيره وتكلفة الصيانه .
افيدونا بارك الله فيكم
.
اقتراح بخصوص الصيانه ونبي رايكم ==**** اكتبوا رايكم لا تقولونه للشاشه :) 
