[أف جي كروزر]

السلام عليكم ورحمة الله..

أنا بس أبي اعرف ليه الوكيل يدشن ويعلن وهو مايملك الكمية اللي تكفي الطلب!!

صار لي الآن أسبوعين حاجز من عند الوكيل عبداللطيف جميل وإلى الآن يقولون ماوصل شي؟

وفي المعارض موجود بسعر 125000 ريال (غير كامل المواصفات بدون هزاز)

والفل أوبشن 130000 ريال علما أن الوكيل أعلن ان الاسعار 103000 ريال للأول

و 111000 ريال للفل أوبشن

يعني المعارض زادوا مايقارب الـ 20000 ريال !!

ياليت أحد الأخوان يفيدنا متى إحتمال الوكيل يجيب الدفعة الأولى ؟؟؟؟؟

[عاشق الدبل]

الصبر جميل

[أف جي كروزر]

صدقت اخووووي

[شرق]

عساها خيرة, انا كنت مسوي مشاكل مع الوكالة عشان اخذ كابرس واخروني شهر ونص وخلال هذي الفترة استخرت وصرفت النظر.

[راعي شاص]

انتظر الوكالة واترك عنك الحرامية .. الله يكفينا شر جشعهم ..


تحياتي ..

[حامدسعد]

اففففف زياده عشرين الف يخوي انتظر لين بعد العيد لأنك لو اشتريته الحين ماتقدر تنهي اجراءات المرور


خير لك يارجـــآل

[ابوفيصل]

نفس اللعبة لا زال يمارسها عصابة من موظفيين واداريين تويوتا مع الاسف

عند نزول الافالون بشكلها الجديد عام 2005 كان سعرها 110 عند الوكيل وكان لابد من الانتظار شهرين وثلاث حتى يوصلك الدور

وكانت موجودة في المعارض بسعر اعلى اذكر وقتها احد الاعضاء ويبدو بل اكيد كان صاحب معرض

اعلن عن توفرها لديه بسعر 125 الف واللؤلؤي بـ 130 الف

والان عادو لنفس الاسلوب مع الكروزر FJ

والله يكون في عونك يا مواطن

[بنت الخران]

نفس الشي عندنا فى الامارات

والله يعين الجميع

[استرجاعها]

انشاء الله توصل السياره

[الأسد المتوحش]

والله الوكالة يقولوا متوفر 2008 انا كلمتهم في جدة

وكان سعره تقريباً 110000 للفل أوبشن يزيد ألف أو ينقص ألف

وبصراجه سيارة جبارة أقوى من الهمر بكلام ممن علموا مايسمى Test drive

[كامري الزياد]

اقول هو ترا كان نازل قبل سنه زي الى شراه سامي الجابر

وكان غالي ذاك الوقت<*****<اجل من يصدق ان 3في معرض العربه

وليه هو بالذات

يقولون ناس انه كان غالي سابقا لانه خليجي مايجي للسعوديه

[أف جي كروزر]

هلا اخوي

انا من 15 رمضان حاجز من ابوجميل والى يومك ماوصل شي

[شكمان ابوكنداسه]

كل تاخيره فيها خيره
وترى المعارض يمكن ماتلقى عندهم نفس المواصفات الي في الوكاله

وترى المعارض سوقهم يمشي على السيارات المستعمله

[هوند أكورد]

كأنه ربع قديم

[ابوصالح]

يااخوان لحد يحجز من فرع واحد هذا امر
الامر الثاني اعرف واحد بالمبيعات يقول الحجز بالنسبه للاف جي كلام فاضي وفي ناس قبل رمضان حاجزه ولاوصلها شي وناس حاجزه من يومين وصلها وبالسعر الاول الي هو 99 الف بعدها رفعت الوكاله الاسعار ل 103 الف اما بالنسبه للمعارض مثل ماقال ابو فيصل فهذه الامور الي تحصل من الوكالات وعدم توفر سيارات من نوعيه كافيه هو فرصه مناسبه يقتاتون عليها
لكن فرع العليا زباله لحد يقول خف يمكن يوصلني قبل واحد حاجز من رمضان ولاوصله شي لللان وواحد ثاني من ربعي حجز من اسبوع بالفرع الرئيسي ووصله وبقيمه 103

[رمــــــاد]

قال و احد من الاخوان ان الصبر جميل انا اشهد انه جميل

[كورولالا وبس]

أخوي طيب ليش ماتشوف البازعي احتمال تحصل عنده