[ويلي]

السلام عليكم

يا اخوان محد عنده خبر عن الاوريون 2008 متى بينزل..؟

والله العظيم انها طالت

لين قمت افكر بمواتر ثانيه

يعني انا ناوي على الاوريون من تاريخ تسجيلي بالمنتدى هذا

بس جاني الموظف وقال لا على اسبوعين ثلاثه تنزل

مرت الاسبوعين ثلاثه

قالي عى نهاية رجب

خلص رجب وشعبان

قالي في بداية رمضان

وهالحين رمضان يبي ينتصف والاوريون ما تزلت

حتى ما قمت اسأله

وسألت موظف مصري وحاب العيد

قالي مش حتنزل الا بعد عيد الاضحى ..؟

لان السياره ما نزلتش الا في شهر 3 ميلادي

معقوله يا اخوان

انا لو اضمن كلامه وانه مهوب بس يبي يصرف السيارات الي بالمستودع كان الليله الموتر بالقراج عندي

لكن

الكلام مو هنا

الكلام ان سعر 2007 هو نفس من اول ما نزلت

ويطيح عنك حدود 2500 اذا تبي بدون عازل


يعني انا والي شرى الموتر من اول ما نزل سوا

والشي ذا ما يرضيني خاصه لو اشريها همن عقب اسبوع او اسبوعين القى 2008 قاعده تتمخطر بالشوارع

والفرق بيني وبينها الف او الف وخمس ميه

بالله الي عنده خبر اكيد يعلمنا

[حياة_التميز]

والله كلامك يقهر اخوي ويلي بس من جد اشوف انك تنتظر لانه بصراحة اللون الجديد ل 2008 ممتاز ما شاء الله

بس ما قلت لي مخطط على تورينج او جراندي و بعدين ما انصحك في الكوول لايت غالي على الفاضي لاحق على التظليل وانا ادلك وقتها باذن الله

تقبل مروري ( و لا تنسى لقائنا مع كريتشر في نوفمبر باذن الله )

[ويلي]

والله يا حياة انا الود انهم ينزلون الفئه الوسط

الي تشغيل لمس ومكيف لمس بدون جناح ولا فتحه (زي الي نازله بالكويت)

لكن جراندي بـ 98 احسه كثير مره

لان فيه مواصفات انا ما ارغبها

مثل الفتحه والجلد والجناح

لكن في حالة ما نزلت الفئه الوسط راح اخذ تورينج ولون ابيض

الا اذا اللون الجديد طلع في الطبيعه حلو زي بالاعلانات

ومو بعيده اذا طولوها بعد العيد يجي يوم تقفل معاي واروح اشريها 2007 بلا 2008 بلا 2100 بلا هم خخخخ

*******************
باذن الله راح نلتقي

بس نوفمبر وش يوافق خخخ..؟

حنا ناس للحين شغالين بالهجري

او ميلادي بالرقم بس يعني اعرف اننا الحين بشهر 9 بس ايش اسمه مدري

[العتيبي عبووود]

شهر 11 ان شاء الله

[ويلي]

واليوم 22\9

يعني باقي شهر و10 ايام


يعني في بداية ذو القعده

خخخ يعني حول كلام ذا المصري

[مناهي]

اخوي خذ الخبر الاكيد بعد 6 اسابيع لان موديل 2007 نزل في القعده واكيد بينزل الموديل الجديد في نفس التوقيتوهذا كلام واحد من الشركه

[حياة_التميز]

ويلي يا غلاي ( ابيض ملك بس انتظر اللون الغريي احسه فلة ما شاء الله )

بالنسبة للسعر 98 صح انه كثير بس تراني اعرف واحد ينزل اكثر من كذا بس لا تتوقع فرق كبير انت بس كلمني لو بغيت


و مثل ما قالوا لك الشباب ذو القعدة باذن الله نازل الرياض ( لو ما غير كلامه رئيسي و خلاني اورح للدورة التدريبة )

بانتظارك يا 2008

[نقطة بداية]

يا اخوان انا كنت في الرياض قبل اقل من شهر وسألت الموظف في الشركه قال لي
بالحرف الواحد ال 2008 بتنزل في شهر 11 ميلادي ان شاء الله
..
ويلي شكلك هونت من الاف جي ؟
و انا في الجامعه اليوم شفت واحد اسود اول مره اشوفه على الطبيعة بس و الله روعه وهيبه وخطير .
..
لكن تدري احسن يوم انك رجعت للأميرة وقاعد تنتظر 2008 لانها تستاهل وانت تستاهل ... الله يقويك.
بالتوفيق..

[الــمــجــروووح]

والله وانا اخوك طلع 2007 انا قالو لي زيك واحد رمضان بتنزل كل سيارات 2008وجاء واحد رمضان منزل الا اليارس والحمد لله معاي 2007 شريتها بعد متاكدت ان 2008 شكلها مطوله والشي الثاني والاهم انو شكلها مراح يتغير ايش بيسون يعني بيحطون تخشيبه للدركسون روح لابولهب في مكه حط دركسون نيكل خليها 2009توكل على الله وطلع 2007

[ويلي]

مناهي
دام الاراء اتفقت على ذو القعده حنا بنتظارك يا ذو القعده او شهر 11

***************
حياة التميز

حنا بنتظارك في اي وقت في اي مكان


************

نقطة بداية

خخخخ شكلك ما شفت القصه الى نهايتها وعرفت كيف اني اخترت الاميره

******

المجروح

يخوي دامها 6 اسابيع ما عاد الا خير

وهه السعر الان نفس سعر اول ما نزلت ريال واحد ما نزل


نزودها الف ريال وناخذ 2008

[ويلي]

آخر هرطقات موظفين عبداللطيف

راح تنزل نهاية شهر رمضان

لكن مو عارفين اذا اللون الي في الدعايه راح ينزل ولا لا
وحتى مو عارفين اذا فيه موصفات او اكسسوارات جديده ولا لا

[بلحروووز]

السلام عليكم ,,,v
v
v
v
v
v
v
v
v

كيف الشباب واحوال الاميرة معكم

المهم خلينا ندخل بالموضوع

انا في اليوم 13 من رمضان الموافق 25 من شهر سبتمبر الساعة 2 ظهرا

كنت بوكالة عبداللطيف جميل بمدينة بريدة الواقعة بالقصيم في وسط المملكة تقريبا والتي تبعد عن الرياض مسافة 320 كم تقريبا <*****< مدرس جغرافيا الاخ

المهم اني سألتو عن الاوريون 2008 وعن سعرها وموعد الوصول وغيرها

وكان الجواب كالتالي

الاوريون 2008 سوف تنزل بالسعودية بعد شهر واحد من الان وحيكون سعرها اغلى بفرق الف او الفين ريال كحد اقصى ولن تتغير شكلها ابدا في هذا الموديل

هذا جواب استشاري المبيعات بالوكالة

وانا اعتقد انو الاميرة راح تنزل بنفس الموديل 2007 لكن الوكالات في المملكة دائما يقدمون سنة الموديل (( حسبي الله ونعم الوكيل ))

واذا انت حاب تتأكد من تاريخ التصنيع روح فك باب السائق و اقرا من الجنب تلقى مكتوب الموديل و شهر الصنع ومكان الصنع مع العلم انو لسى باقي على 2008 ثلاثة شهور ويقولو موديل 2008 :

وبالتوفيق للجميع مع الاميرة

[المحب لله]

مشكور خيوو

على الخبريه

الحلوه

احترامي

[ويلي]

مشكوووور على هالخبريه

لو انهم قالوا لي بالتليفون انها راح تنزل في نهاية رمضان

بس انا ما حبيت انزل الخبر لان هذولا كل يوم لهم كلام

كانت في بدايه شعبان
بعدين بداية رمضان
بعدين نص رمضان
والان بنهاية رمضان

لكن زي ما قال كثير من الاخوان انها في شهر 11

وما راح نتاكد لا لمى يقولون وصلت خخخخ

[بلحروووز]

المشاركة الأصلية كتبت بواسطة المحب لله

مشكور خيوو

على الخبريه

الحلوه

احترامي

عفوا خيوو وعقبال نشوفك بالاميرة شكلك مستنيها بالحيل مثلي

[المحب لله]

المشاركة الأصلية كتبت بواسطة الاميرة اوريون

عفوا خيوو وعقبال نشوفك بالاميرة شكلك مستنيها بالحيل مثلي

ايه والله حيل حيل :d