[جارجر_سابقا]

السلام عليكم وكل عام وانتوا بخير..
طبعا انا من فترة ادور سيارة هادية وحلوة وكنت اترقب افالون 2008 ونزولها فالخليج عشان اتاكد انها تغيرت مثل الخارج..وبالفعل اخونا السهم الاسود أكدلنا هالشي لما وصلت السيارة عمان والحين اقدر احجز السيارة...بس محتار؟؟
اخذها من الفطيم أو من البهوان؟؟
طبعا الكل يعرف انه الافالون فعمان نزلت بحساسات امامية وخلفية بالاضافة لبلوتوث وكلها تشتغل بازرار شد بلد :d

وفالفطيم مانزلت ال 2008 بس ال 2007 لما نزلت بدون حساسات وبدون بلوتوث وسيارة راقية مثل الافالون حرام تكون مافيها هالاشياء..بس طبعا الفطيم وكيلها احسن وخدمة بعد البيع تكون أفضل... وانا راح احجز الافالون بعد العيد علىطول(مع انه البنك شرط علي انه السيارة توصل خلال شهر من تاريخ الحجز لاكن الله يعين )
وحبيت اخذ راي الشباب خصوصا اهل الامارات وعمان..هل اخذها من الفطيم او البهوان؟؟

[الأسد المتوحش]

والله فيه نقطة أحب اكود عليها أن الحساسات والبلوتوث أعتقد انها تركيب الوكيل

اولاُ لأن الأفالون الأمريكية لاتوجد فيها حساسات وكذلك البلوتوث في الأفالون الأصلي ياتي في المقود

اما هنا فباين انها تركيب الوكيل - لا اعتقد الأصلي يأتي بهذه الطريقة

ودمت واتمنى الأخوان يفيدونك بخصوص اسئلتك الاخرى وآسف على المداخله

وكل عام وانتم بخير

اخوك ابو حسام

[جارجر_سابقا]

مشكور اخووي عالرد ....

مهما كان المهم انها موجودة بتنسيق حلو واعتقد الحساسات والبلوتوث مو شوية ..

ولاتتوقع اقدر اتنازل عنهم على حساب الوكيل الجيد والبيعة الافضل بعد الاستعمال؟؟

[سعد ابو حمود]

اخوي جارجر سابقا
هذي مثل ماتفضل اخي الكريم الاسد المتوحش اكيد الحساسات مضافه والبلوتوث لان السياره بالخليج ماتنزل عندنا نهائا بهذي المواصفات وتيقن اي صاحب افالون عنده اضافه حساسات وبلوتوث وملاحه ثق انهاا ماهي خليجيه
وعلى فكره الوكلاء يتعاملون مع محلات متخصصه لتركيب هذي الاضافات يعني ماهي حتى بورش الوكيل تتركب هذي الاضافات
وانا لما قلت السيسلس مان الي بالوكاله قال روح اكو ورشه تركب لك ملاحه بلوتوث وحساسات ب 6000 ريال كامل شامله تركيب مع القطع قلت له السياره بأصلهاا افضل ماابي اعبث بالسياره
اتمنى اني افدتك
اخوك سعد

[السهم الاسود]

مرحبابك جارجر
اذا تبي تحجز من بهوان بعد العيد خلي فبالك ان السياره بتوصل بعد شهرين او اكثر
وبالنسبه للفطيم ماعندي فكره انت ادرى وشوف متى بيقولك التسليم
تحياتي لك

[شمعة بلا فتيل]

كل عاام وانتم بخير ..

معليش اخواني بس عندنا بالسعوديه الافالون فيها حساسات من الوكاله"تويوتا"...هذا شيء اما بالنسبه للوكالات
اللي انت سألت عنها ماعندي اي خلفيه عنها ...
,,,والله يوفقك "امين" ويكتب لك اللي فيه خير,,,

[الإمـــارات]

أول شي البلوتوث والحساسات ^^ وهذه صورة اتوضح أكثر واهي من داخل الموتر


و ثاني شي الصووور التي توضح من خارج الموتر


وانا الموتر اللي عندي من البريمي ومشيك من الفطيم
واذا حبيت اي استفسار أنا حاضر
واذا تبا الموتر يوصلك بسرعة انا عندي ناس في الوكالتين ^^
أخوك الإمـــــارات

[بنت الخران]

بخبرك اخوي جرجر

بهوان عندهم مركز تصليح وصيانه فى الشارقه

وعندهم مكتب مثل المكتب الموجود فى ابوظبي فى شارع السلام بنايه المقابله للبلديه ويجيبون لك السياره بيومين فقط

ممكن علشان هو المكتب الرئيسي فى الامارات والله اعلم

خذلك لفه على الورشه الموجوده فى الشارقه واسئل عن مكتبهم بعد بس ما اذكر رقم تلفونهم

بهوان سعرها حلو وموصفات احلى واكثر


وبزيدك من الشعر بيت عقد الصيانه عندهم رخيييييص جدا جدا بالنسبه للفطيم


بس سييير وشووف الورشه حيالله ورشه ولا شغلهم عدل

وبهوان له ورش فى الامارات

فى دبي والشارقه وابوظبي



بخبرك شي

الفطيم للسيارات والورشه لا تظمن اي شي اذا سيارتك مب عندهم وفت الصيانه او تركيب اي شي او عطل فى السياره


علشان السياره جايه من عمان والضمان يرووح عليك من الفطيم

وتأكد هل فى الصيانه الدوريه فى عمان تلزم الضمان ؟


ترا الفطيم لو سيارتك اي شي تبدييل على طوول والضمان ليين 100 الف كيلو والسياره 2007 موجوده و 2008 احجزلك من الحينه ممكن بعد شهرين تجي السياره

على اواخر 2007 فى نصف ديسمبر

بقولك شي

وقت البيعه فيها فرق اذا كانت من عمان ولا من الفطيم

حوالي 6الاف درهم او اكثر والوكاله ما تبدل معاك اذا بغيت اي سياره جديده من الامارات


تراك فى الشارقه وفيها راك موتور بيجيب من عمان بأحلى الاسعار وعنده ورشه كبيييييره

سيير شوفها بعد

[جارجر_سابقا]

مشكورين والله على الردود الوافية..

والله مادري شو اقولكم انا خاطري اخذها من الفطيم لاني احس انه اضمن واسهل واحسن...واللي يهمني انه السيارة توصل بسرعة...فيه واحد من الاخوان فعمان طالب السيارة من عندهم وقالوله بتوصل بعد شهرين فأعتقد انه نفس الحال..وبالنسبة للمواصفات..معقولة الفطيم تنزل الافالون بدون حساسات ولا حتى بلوتوث؟؟الالتيما 2008 والاكورد صار فيهم بلوتوث وحساسات معقولة الافالون تكون معدومة؟؟انا ودي احجز بس تدرون انه الفلوس الي تحجز فيها ماتسترد...ياريت حد يأكدلي من الي ماخذين افالون 2007 اذا فيه بلوتوث عالاقل؟ الحساسات يمكن نتصرف فيها...

وبالنسبة لاخوي امارات مشكور على الردود والصور الحلوة ...وياريت لو تعطيني رقمك او ايميلك يمكن تقدر تشوفلي سيارة توصل بسرعه عشان احجزها لاني مليت من سيارت الاجار اللي انا عليها :d

بنت الخران..اخوي شرحك كان كامل ووافي ...بس انت تنصحني اخذه من وين؟؟

[الأسد المتوحش]

المشاركة الأصلية كتبت بواسطة جارجر_سابقا

مشكورين والله على الردود الوافية..

والله مادري شو اقولكم انا خاطري اخذها من الفطيم لاني احس انه اضمن واسهل واحسن...واللي يهمني انه السيارة توصل بسرعة...فيه واحد من الاخوان فعمان طالب السيارة من عندهم وقالوله بتوصل بعد شهرين فأعتقد انه نفس الحال..وبالنسبة للمواصفات..معقولة الفطيم تنزل الافالون بدون حساسات ولا حتى بلوتوث؟؟الالتيما 2008 والاكورد صار فيهم بلوتوث وحساسات معقولة الافالون تكون معدومة؟؟انا ودي احجز بس تدرون انه الفلوس الي تحجز فيها ماتسترد...ياريت حد يأكدلي من الي ماخذين افالون 2007 اذا فيه بلوتوث عالاقل؟ الحساسات يمكن نتصرف فيها...

وبالنسبة لاخوي امارات مشكور على الردود والصور الحلوة ...وياريت لو تعطيني رقمك او ايميلك يمكن تقدر تشوفلي سيارة توصل بسرعه عشان احجزها لاني مليت من سيارت الاجار اللي انا عليها :d

بنت الخران..اخوي شرحك كان كامل ووافي ...بس انت تنصحني اخذه من وين؟؟

الحمد لله الحجز عندنا بدون أي مبلغ - حجز برقم الهوية لو وصلت السيارة يتصلوا عليك ويعطوك مهله لدفع المبلغ واستلامها او تروح لشخص آخر ... وآسف على المداخله

[بنت الخران]

المشاركة الأصلية كتبت بواسطة جارجر_سابقا

مشكورين والله على الردود الوافية..

والله مادري شو اقولكم انا خاطري اخذها من الفطيم لاني احس انه اضمن واسهل واحسن...واللي يهمني انه السيارة توصل بسرعة...فيه واحد من الاخوان فعمان طالب السيارة من عندهم وقالوله بتوصل بعد شهرين فأعتقد انه نفس الحال..وبالنسبة للمواصفات..معقولة الفطيم تنزل الافالون بدون حساسات ولا حتى بلوتوث؟؟الالتيما 2008 والاكورد صار فيهم بلوتوث وحساسات معقولة الافالون تكون معدومة؟؟انا ودي احجز بس تدرون انه الفلوس الي تحجز فيها ماتسترد...ياريت حد يأكدلي من الي ماخذين افالون 2007 اذا فيه بلوتوث عالاقل؟ الحساسات يمكن نتصرف فيها...

وبالنسبة لاخوي امارات مشكور على الردود والصور الحلوة ...وياريت لو تعطيني رقمك او ايميلك يمكن تقدر تشوفلي سيارة توصل بسرعه عشان احجزها لاني مليت من سيارت الاجار اللي انا عليها :d

بنت الخران..اخوي شرحك كان كامل ووافي ...بس انت تنصحني اخذه من وين؟؟

بخبرك معلومه ممكن انت مب عارفها


فلوس الحجز فى الفطيم للسيارات تويوتا

تقدر تسترجعها متا ما شئت

فى اي وقت

وانا سويتها فى ابوظبي ورجعولي الفلوس

كانت الف درهم ورجعوا لي الف درهم

مستحيل يأخذونها


احجز منت خسران فى الفطيم

[جارجر_سابقا]

مشكورين عالردوود الوافية

والله بنت الخران رحت من يومين أأكد على موضوع الحجز وكل الموظفين فالشارجة ودبي قالوا انه فلوس الحجز مابيسترد الا في حالة شراءك للسيارة...عالعموم انا خلاص عزمت من الفطيم انشالله بس بغيت اتاكد من شي...

انت قلت انه السيارة وصلت لصالة العرض عندكم..وقلت انه التغيير فالكشافات فقط؟؟ياترى هل التغيير شمل القير بوكس والداخلية صارت افتح والخشب اغمق..والشبك تغير؟؟يعني مثل الافالون العمانية؟؟واذا لاحظت وجود اي حساسات ياريت تخبرني :d

وسؤال ثاني..لو خذيت افالون 2008 لمتد من الفطيم الجناح بيكون عليه اولريدي؟؟

والسموحة...

[الغريب11]

اعتقد الشباب ماقصروا كفوا ووفوا

ونحن حاضرين

[ولد^الديرة]

على راسي شباب الله يعطيكم العافيه .. بس يأهل الامارات وعمان هل فيه اختلاف بين الوكيل عندكم وبين عبداللطيف جميل بالمملكه من ناحية الزوايد على السياره ..

ودنا نعرف الله لا يهينكم

[بـــــــوفــهد]

موضوع جميل

متابع وبشدة

[مرتاح البال]

والله يا أخ جارجر أنا خذت الافالون من البريمي موديل 2006 مواصفاتها احسن عن الفطيم يعني مثل ما أتفضلت وقلت الزياده الي فيها البلوتوث والحساسات وأنا شخصيا اتعاملت مع الوكالتين الصراحه بقولك معاملة البريمي احسن بوايد من الفطيم اتصدق اخوي سار يبا يحجز افالون موديل 2007 من الفطيم قالوله بتوصل خلال اسبوع لكن من يقول مر اسبوع اسبوعين ثلاث شهر عقب بالموت بعد الاتصالات المكثفه والمشاداه الكلاميه وصلت السياره عكس يوم طلبتها من البريمي الموظف قالي بتوصل بعد اسبوعين بالفعل خلاص 12 يوم اتصلو فيني وقالولي انه السياره موجوده وتقدر تستلمها وأتصدق انه الصيانه في ورشة دينا تريد الي هي تبع للبريمي ارخص واحسن من البهوان ومعاملتهم احسن من الفطيم هذا الكلام من واقع تجربه وربيعي خذ كامري من عند الفطيم لين هذا اليوم متحسف معاملة الوكاله زفته يطنشونك عنده المدعميه الي جدام مدعومه اتصدقون انهم غيروها عقب شهرين يقولون انه المدعميه بعدها ما وصلت والله مصخره و أنا بصراحه الفطيم غاسل أيدي منهم بالمره

اسف اذا طولت عليكم بالكلام