[رومنسية البدر]

السلام عليكم ورحمة الله وبركاته
مثل ماتعرفون إن إجتماع المنطقة الشرقية الأول كان أمس الخميس وأنا بصراحه كانت عندي الرغبة في معرفة شباب منتدى تويوتا العرب والتعرف عليهم.. ومعرفة الرجال تجارة..
المهم طلعت من الكويت يوم الاربعاء الساعه 11 مساءا .. وصلت الخبر الساعه 2 الفجر .. وكان معاي واحد من ربعي .. المهم أجرنا في فندق بالخبر ونمنا نووووومه هااااديه .. قعدنا بعد الظهر .. رحت غسلت السيارة .. ورديت للفندق خذيت صاحبي وطلعنا نتغدا .. بعدها اتجهنا إلى كورنيش الخبر .. حيث الملتقى الرررررررررررررائع .. المهم وصلنا وكان في إستقبالي م.أنس وأصحاب الأفالونات الكرام .. شباب منتدى أفالون .. منتدى تويوتا العرب
خذينا فترة تعارف وسوالف .. في إنتظار إن يكتمل العدد..حتى وصلنا 11 سيارة او 12 مااذكر .. وبعدها بدأنا في التصوير ...
الصور من جوالي وأعتذر إذا كانت غير واضحه

أترككم مع الصور لتعبر .. إنتظر تحميل الصور
مـــاشــــــــاء الله .. لا إله إلا الله


















هذي الصور اللي التقطتها والشباب ماقصروا بعد أخذوا صور أتمنى تكون أحسن من اللي صورتها ..

وبالنهايه أشكر جميع الإخوان اللي شاركوا في الإجتماع وساعدوا في التنظيم .. وأقدم شكري الخاص لموقع تويوتا العرب كما أخص أخوي م. أنس بالشكر .. لأنه صاحب الفكرة ومنظم الإجتماع ..

مع خالص شكري وتقديري
اخوكم بو عبدالله

[الأسد المتوحش]

ماشاء الله تبارك الله تغلبتوا على شباب الرياض

[أفالون وبس]

الف الف حمدلله على السلامة اخوي رومنسي

ويعطيك الف عافية على الصور الرائعة

والله كنت ناوي اروح الخبر معكم بس عندي دوام صيفي ( هههه حاط عذر يعني )

وفظيع المنظر خاصة انتم موقفين في الأسواق

لايكون صارلكم مشكلة مع عسكر او شئ ( لأنكم مغطين المواقف على خلق الله ^_~ )

بس على العموم الله يهنيكم بالافالونات الرائعة

قلت في نفسي ممكن نشوف افالون معدلة او شئ لكن الجايات بتكون مذهلة أكثر ان شاءلله

و تقبل تحياتي اخوي وعلى اخونا مشرفنا وان شاءلله نشوفكم في تجمع على مستوى المملكة

[ابودايخ]

ما شاء الله تبارك الله
تجمع اكثر من رائعه
يعطيكم العافيه يا شباب

تحياتي للجميع

[المحب بلا حدود]

يعطيك الف الف عافيه يارومنسيه البدر والله فيك الخير شاركتنا من الكويت والله يردك بالسلامه

[رومنسية البدر]

المشاركة الأصلية كتبت بواسطة الأسد المتوحش

ماشاء الله تبارك الله تغلبتوا على شباب الرياض

أخوي الأسد المتوحش شاكرلك على المشاركه وسلمت أناملك

[رومنسية البدر]

المشاركة الأصلية كتبت بواسطة أفالون وبس

الف الف حمدلله على السلامة اخوي رومنسي

ويعطيك الف عافية على الصور الرائعة

والله كنت ناوي اروح الخبر معكم بس عندي دوام صيفي ( هههه حاط عذر يعني )

وفظيع المنظر خاصة انتم موقفين في الأسواق

لايكون صارلكم مشكلة مع عسكر او شئ ( لأنكم مغطين المواقف على خلق الله ^_~ )

بس على العموم الله يهنيكم بالافالونات الرائعة

قلت في نفسي ممكن نشوف افالون معدلة او شئ لكن الجايات بتكون مذهلة أكثر ان شاءلله

و تقبل تحياتي اخوي وعلى اخونا مشرفنا وان شاءلله نشوفكم في تجمع على مستوى المملكة

الله يسلمك ويعافيك أخوي أفالون وبس
والحمدلله لا مشاكل ولا شي
والله يعينا عالدوام الصيفي..
وشاكرلك على المشاركة الحلوة

[رومنسية البدر]

المشاركة الأصلية كتبت بواسطة ابودايخ

ما شاء الله تبارك الله
تجمع اكثر من رائعه
يعطيكم العافيه يا شباب

تحياتي للجميع

الله يعافيك يالغالي

[رومنسية البدر]

المشاركة الأصلية كتبت بواسطة المحب بلا حدود

يعطيك الف الف عافيه يارومنسيه البدر والله فيك الخير شاركتنا من الكويت والله يردك بالسلامه

الله يعافيك ياقلبي
أمس بعد ماطلعت من عندكم رحت مجمع الراشد تسوقت وطلعت الكويت .. الساعه 12 بالليل انا في البيت والحمدلله على سلامتنا وسلامتكم

[ميتم الروح]

سلام عليكم

يعطيك العافية أخوي رومنسية البدر ..

بصراحة كنت كل ساعة اسوي رفرش للمنتدى ..
انتظر بس موضوع الصور و اللقاء ..

كان ودي أعرف شصار باللقاء من مواقف مع الأعضاء ..
و بعد كنت متشوق أجوف الصور ...

يعطيكم العافية شباب و الله ..
المنتدى اسمه صار فوق ..

و نتمنى نكون وياكم في التجمعات الجاية

[نظرتي دلع]

اااااااااااااااا الله ياحلو جمعتكم والله

وكل يوم يزيد حبي للـ افالون

يكفي فخر للـ افالون انكم انتم راعينها

والله جد ناس قمة في الاخلاق .. الله يوفقكم كلكم ويحميكم من كل شر

وعلى فكره اخوي رومنسي انت مو غريب عننا انت مننا وفينا ونا اخوك

والف شكر لك على الموضوع .. وتسلم اياديك

[م.أنس]

بسم الله الرحمن الرحيم

أهني نفسي أولاًَ وأهنيكم بنجاح هذا الإجتماع الأخوي التعارفي الإستعراضي ..

واحسد نفسي صراحة على عفوية اخواني الأعضاء المشاركين بالإجتماع وعلى هذه الروح المرحة ..

وأحسد نفسي على الأخوان اللي كسبتهم لحسابي الشخصي كأخوان وأصدقاء ..

وأشكر كل من ساهم في نجاح هذا الإجتماع الرائع ..

وأشكر كل من سافر وانتقل من بلد لبلد أو من مدينة لمدينة لمجرد المشاركة في هذا الإجتماع ..

كأمثال أخواني رومنسية البدر .. واخوي افالون لومافيه .. وأخوانا اللي كسبناهم جدد معنا في المنتدى واللي كانوا قادمين من منطقة القصيم ..

والله يعطيكم العافية جميعاً ..

[خلدوون]

ماشالله تبارك الله ، عيني عليكم بارده

والله ابدعتوا ياشباب

[انا عزوز]

ماشاء الله تبارك الله صور رائعة وتجمع اروع وشكر لجميع من حضر

كان بودي انضم لكم لكن حصل لي ظرف والجايات اكثر

** شكر خاص ** للمصور المبدع "رومانسية البدر" ابوعبدالله شرفتنا يالغالي

يعطيكم العافية