استفسار ميكانيكي عن قير الافالون والفرق بين 2007 & 2008
السلام عليكم
ما دعاني لطرح هذا الموضوع لكثره استفسارات عدد من الا عضاء عن موصفات الافالون 2008 هل القير ست سرعات ام خمس سرعات ؟
ولهذا سوالي ما هو الفرق بين القير ست سرعات او خمس سرعات في الافالون
.. _..
في الست سرعات تكون السيارة مرتاحة أكثر في حالة السرعات العالية ..
يعني مثلاً لو تمشي بسرعه عالية على السرعة الخامسة رح يكون ضغط المكينة مرتفع نظراً لإنها آخر سرعة .. لكن لو كان هناك سرعة سادسة لتحولت السرعة تلقائياً للسادس وسينزل ضغط المكينة لمادون الضغط الذي كان عليه وهو في السرعة الخامسة بكثير ..
اخي الكريم الفرهود
طبعا بالست سرعات يكون افضل لان الي قاعد يصير بالقير هو تغيير تروس ويكونوا بأحجام تختلف
هذا راح يخفف من سرعه دوران المحرك وبالتالي يحافظ على عمره ويكون اكثر هدوا
هذي ماسووها عبث لان اكو مهندسين متخصصين وتصنعت كثير من السيارت ومانجحت بسبب ان القير سرعاته قليله فيتعب المكينه بفتره قليله وهذا كان في الكلنت القديم هذي المشكله فالمكينه ماتعمر كثير
عدد السرعات للقير يحدده الهورس بور للمكينه وتحدده حجم لفلاي ويل الموجود نقطه وصل بين المكينه والقير
اذا تريد تقريب للصوره لو اخذتهاا كمثال عندنا الدراجه الهوائيه الي بسرعات متغيره
لما انت تختار على السرعه المنخفضه واكبر ترس موجود بيكون بدايه ماتحتاج لعزم كبير لحتى تدير الدراجه وبتكون انطلاقه سهله ولكن لو انطلقت بسرعه المنخفه وانت ماغيرت تروس السرعه وصغرت بحجم الترس شراح يكون ؟؟؟؟؟؟؟
بيصير كل الضغط والتعب على عليك انت لان اكو قايد واكو مقيود الدراجه driven end < non driven end
السياره بتكون القايد المكينه وبالدراجه القايد انت فهناك المكينه بتتعب وبيزيد ازعاجهاا
وبالدراجه انت بتتعب قدرتك وطاقت اكيد راح تنفد بسرعه وهناك المحرك راح يهلك بسرعه
واذا حركت بالدراجه الى السرعات العاليه الترس بيصغر مثل ماانقول بالعامي احنا انتوا بالسعوديه تقولوا تدعس احنا نقول بالبحرين صغر كثير من يقول هالكلمه عندنا صغر له يعني ادعسس بس مايدري شنو تفسيرهاا
فلما تغير لسرعات عاليه بالدراجه خلاص هو بدايه انت تحتاج عزم اكبر للحركه ومن ثم وان غيرت الترس للأصغر راح تثقل ولكن هذا ماراح يأثر لان الحركه البدايه انتهت
ودي ارسم لك بعض الصور التخططيه
فالمسأله هندسيه
وتقريب للصوره لو عندك مجسم اسطواني بدايه يلما تحركه ليدور ويتحرك تحتاج عزم ولكن لما يتحرك لو بس مجرم لمسه راح تحركه
وهذا يستخدم حتى في محركات الكهربائه يسمونه ستار دلتا ستارتر وهو يقلل التيار البدئ وله شرح لوحده وسامحني ع الاطاله
الكل يعرف إن الأفالون 2008 تأتي بقير ست سرعات بعكس السابق 2005-2007 ذو الخمس سرعات
نريد الآن ان نناقش التغيرات المبدئيه التي سوف يتم ملاحظتها في أستخدام القير ذو 5 سرعات وذو 6 سرعات
هل ستقل صرفية أستهلاك الوقود ؟
هل سيتغير صوت المكينه إلى الأهدأ ؟
هل سيتغير مشي السيارة على الطريق ؟
هل ستتغير قوة السيارة في الأنطلاق من البداية ؟
هل سوف يلاحظ الفرق بينها وبين السابق ؟
والكثير من النقاشات من أراد ان يطرح ماعنده فلا يبخل
والله الموفق
اخوكم ابو حسام
التعديل الأخير تم بواسطة : الأسد المتوحش بتاريخ 10-13-2007 الساعة 05:47 PM.
قير الأفالون ( 2005-2007 ) و أفالون 2008 - دعوة للنقاش