[ولد أميري]

السلام عليكم ورحمة الله وبركاته

عندي 3 مشاكل في الكامري وهي توها بتكمل سنة وباقي لها 2000 كيلو على ال 20000 الف كيلو وانا من البحرين وشاريها من السعودية من عبداللطيف المشاكل هي :

1. صوت لما ادعس الفرامل والصوت ماهو صوت الفحمات والصوت غريب يطلع من الكفر الوراني يسار ويطلع وقت مايحب ويروح على كيفه المشكلة موجودة عندي من يوم ما خلصت ال 5000 كيلو وكل ماوديها الوكالة يقولي المهندس راح يشيكون وخرطي السالفة نفسها الصوت موجود هذا بالنسبة لفرع الدمام لأني ماجربت غير فرع الدمام حق الصيانة وانا مادري هل فرع الخبر ولا فرع الثقبة احسن من فرع الدمام ابي مشورتكم في هل شي

2. صوت في الجامبينات لما الف بالسيارة واكون صاعد مطب بطلع لي صوت مادري هل صوت الجامبين ولا صوت الربلات يعني هل في مشكلة في الاذرع ولا السيارة يبيلها تشحيم من تحت وبس؟

3. التنسييييييييييييييييييييييييييييييييم ذبحنا وعور راسي ورحت السمكرة الي في الدمام قالي ييبها يوم واحد الصبح وارجع لها العصر وانا نفس ماقلت لكم انا من البحرين شاسوي هل معالجة مشكلة التنسيم تاخذ كل هل وقت ؟

وجزاكم الله الف خير

[الأسد المتوحش]

1- ربما يكون من الهوب - اوقف في حلوقهم ولا تسلمها حتى يصلحونها

2 - ربما تكون جلد المقصات والأذرعة

3 - التنسيم هذا جلد الأبواب وربما يكون وزن الأبواب

كل هذه وديها الصيانه وروح فرع آخر غير الفرع الذي تراجعه دائماً

والله الموفق

[هـ د د]

بالنسبة للصوت الطقة طبيعي


لان المهندس حق الوكالة يقول الفحمات او الهوبات تكون باردة فيحدث الصوت


بالنسبة للتنسم لايلعبون عليك الوكالة

لان اخوي معه 2006 وغيرو الربلات ورجع اللعن من اول

فا نصيحتي توزن الابواب عند ميزان الكتروني

[قــوي باس]

اعتقد مشاكل الكامري حتى بالجيل الجديد صوت الهوا وصوت عند الضغط عالفرامل كانت تواجهني لين 5000 كيلو بعدين راحت تلقائيااا على فكرة انا موديل سيارتي 2006 والله شكل بس وندمت اني شريتها .

[مصرقع الشرقية]

انا عندي نفس المشكلة عادي امش ولا عليك من شي

[ولد أميري]

مشكورين ياجماعة وعسى الله يطولي في اعماركم

[أبو تريكه]

انا معاي 2006 ونفس المشكله تطلع لمن اكبس فرامل ..

[ولد أميري]

المشاركة الأصلية كتبت بواسطة أبو تريكه

انا معاي 2006 ونفس المشكله تطلع لمن اكبس فرامل ..

الله يعيينك ياخوي على الصوت المزعج

[جرح زمن]

ودها الوكاله بس فرع ثاني الكامري موتر ماشاء الله عليها

[أس إي ذهبي]

انا كانت عندي مشكلة من اول ما طلعت السيارة 2007

اصوات من قدام . . لا ضغط البريك وانا ابوقف السيارة .. او وانا ألف السيارة
يعني . في مواقف كثير

دخلتها الوكاله .. وخليتها عندهم اسبوع يشيكون عليها
وبعدها قالوا لي ما فيها شي

لكن بعد فترة .. كل شي راح والحين السيارة اوكي