[الواقعي]

السلام عليكم ورحمة الله وبركاته



أخواني أنا ناوي ان شاء الله أشتري لكزس 300 جي اس 2002 أو 2003
هل تنصحوني أشتري الأمريكي مع ذكر الأسباب لأني أشوف نظافتها أحس من السعودي وأرخص .
شاكر لكم مقدما .

[فورد وبس]

اخوي الواقعي خلك واقعي < شاعر بس محد مقدر امكاناتي الفذة هههههههه
انا اشوف ان اللكزس الامريكي او الوارد الامريكي ارخص ومواصفات احسن
بس سمعت ان فية اختلافات وابو جميل تبرا منها
وانتبة انا اقول سمعت يعني مو اكيد

تقبل مرورررري

[الواقعي]

هلا أخوي وفالك المليون ان شاء الله
بس مشكلتنا في كلمة "سمعت" مافيه أحد جرب وبعدين أنا سمعت ان gs الأمريكي مافيها اختلاف كثير .
ألف شكر لك أخوي على الرد .

[الحجيلان]

الكزس الأمريكي منتشر في الشوارع مثل الرز واولهم تلقاه الفورد وأنا وخوالي 2 نمتلك فوردات أمريكية مستوردة والله العظيم أنها روعة وتعيش اكثر من السعودي , اما الليكزس أنصحك باللي ممشاها قليل احترازا وليس واجبا وصدقني مافي اي اختلاف الا العدادات وبعض تختلف الجنوط ...

نصيحة توكل على الله . لكن انصحك باللي ممشاها قليل .

[و ك و]

اتمنى لك التوفيق عزيزي

بالنسبة للاختلاف اللي ملاحظة عن الخليجي انه
1. الخليجي يجي بدرجة حرارة مئوي والامريكي فهرنهايت
2. الخليجي تلقى به انتل بالشنطة والامريكي انتل داخل الزجاج الخلفي
3. لمبة اشارة بالرفارف الامامية بالخليجي
4. الامريكي يكون له اصطب برتقالي مثل الاي اس بالصدامات على جنب والخليجي ماعتقد فيه

والنظافة اعتقد الامريكي انظف لان السعوديين مشا الله عليهم رجول الله لا يوريك بالسياقة


هذا والله اعلم اتمنى اكون افدتك

[الحجيلان]

الأمريكي بلد كبير ومواصفاتهم أفضل منا خصوصا التقنية وبلدهم بارد وبكذا ماتلقى السيارة الشمس حارقتها من الداخل أو الخارج ..

[عيش حياتك]

اخووي نصيحة ابعد عن الاستعمال ( الامريكي ) وخاصة اللكزس

اهي حلووه وفيها مواصفات هبال

لي قريب لي اشترى وحده امريكية وفيها شاشة فوق السي دي وكمان شاشتين في المقاعد

وكذا مواصفات فله والسيارة موديلها 2000 وماشيه في 90000 كلم

ونظيفه حيل بس بعد مروور شهرين حصل له مشكله في المكيف الفتحات حقت الهواء ماصارت تشتغل

يعني مايطلع منها هواء وراح الوكالة وقالوا له هذا امريكي مانستقبله وتوهق المسكين

صار كل شهر تقريبا يعبي فريون ويشتغل معه مده بسيطه ويطفي غير المشاكل اللي كل فتره تطلع له

.......
اخووي انصحك اذا بتاخذ وحده اشتر من الخليج الامارات او قطر بتكون مواصفات حلووه وكمان نظيفه

هذا اللي اقدر افيدك فيه

والله يوفقك


تحياتي لك