[القرصان عبادي]

ياشباب أنا عندي مشكلة ...
قررت أشتري سيارة وبعد رحلات مكوكية للمعارض .... استقر بي الموضوع بين سياراتين .... على فكرة أن أتكلم عن 2008
الأولى هي الأوريون :
طبعا سيارة فخمة ....
ما أدري وش يصير على الموديل الجديد ... بس أعتقد إن المواصفات مهي متغيرة كثير ...
أنا الصراحة قبل تقريبا شهر كنت أبشتري أوريون فل حقت عبداللطيف اللي مزود فيها ملاحة ... كانت عاجبتني كثيير .. لكن قالوا لي بعض الربع لو تصبر إلى 2008 أحسن .. قلت خير ..... نصبر ما فيه إشكال .....
المهم ما بقي عليها شي لكن حصلت لي إشكالية ... دخلت مزاجي سيارة ثانية غير الأوريون لفتت نظري كثير كثير كثير وهي ....... جيب إف جي كروزر
الجيب معجبني كثير .... بفخامته وبهيبته والأهم إنه جيب يعني لو بغيته فخامة فخم ... ولو بغيته بر ( رغم إني مو راعي بر كثير تلقاه حاااضر ..
المهم أنا محتااار كثير كثير كثير بين السيارتين والميزانية تاصل حتى 120000 ياجماعة وش تشورون علي .....
وألف شكر لكم

[الاوريون الحلوه]

,,,,,,,والله هذا شي راجع لك اخووي فيه فرق بين السارتين
الاولى سيارة صغيره والثانيه جيب وانت وميولك
بس انا اشوف الاوريون افضل
وشاور ولا تستعجل

[الاوريون]

أخوي القرصان الجيب هذا انا سقته مو مريح وما فيه شي جديد غير الشكل وبس أحسن ما فيه أنه ياباني 100%

[اوريون الشرقية]

مااقدر انصحك بالfj لاني ماجربته بس اذا كنت مو راعي بر وش لك فيه.....

الاوريون ماعليها كلام.........

[القرصان عبادي]

قسم بالله إني كنت ناوي على أوريون بس ....
الحقيقة يوم شفت الــ Fj ترددت شوي ..
قلت بنفسي إني لو مثلا حبيت أطلع البر ألقاه حاااضر يعني موتر بر ..( وأنا من القصيم يعني البر ضروري ) وإن كنت أبغى فخامة برضو موتر فخم ... هذي كانت وجهة نظري يا جماعة ....
لكن لا زلت متردد ...
ناس قالوا لي الجيب وناس قالوا لي الأوريون ....
وأنا منتظر يعني متى ما قررت أي السيارتين ..
ماعلي إلا ألبس شماغي وأروح للوكالة ...
لكن إلى اللحين ما جزمت على السيارة وأبي شوركم يا شباااااب

[$هاني$]

الاوريون ماعليها كلام

وانت استخر وربك يحلها ان شاء الله

[><><]

ذا كانت طلعات للبر كثير اخذ لك الجيب اما اذا طلعتك للبر في السنه حسنه فماله دعي انك تشتريه
اخذ الاوريون اخفلك

[رزحان]

صل صلاة الاستخارة اخوي وشف اللي قلبك يرتاحلة الاريون ولا الاف جي الاستخارة اخوي

[ملك الغوص]

اخوي بالمره الجيب مافيه اي فخامه
لكن ميزه وحده للبره مثلا والكرف
اما الاوريون صالون مريحه للمدن ولجو العائلي واي شخص بالبيت ممكن يستخدم السياره من صغير وكبير راكبه عليه
وشورتي اخذ الاوريون2008
وخل للبر سياره ثانية رخيصه للكرف بس شروكي قديم ولا رانجلر ولا باجيروو شي جذي للكرف والدروب

[المؤدب]

خذلك الاوريون احسنلك بسfj ما جربتها ولتطلعاتك للبر خفيفه مره خذلك سياره ايجار ولو شوي اشتريلك شيروكي قديم او باترول ربع قديم

[العتيبي 511]

اخوي نصيحتي خذ اوريون ولا تتردد

[القرصان عبادي]

الأغلبية تقول أوريون .... بس ....
والله إني إلى الحين متردد ...
ابصلي الاستخارة .... لكن لا تبخلووون علينا بالاستشارة .. خصوصا اللي مجرب Fj ...
يعطيني رايه فيه ...
لاني بجد في حيرة من أمري !!!!

[نقطة بداية]

حبيبي عبادي
الاوريون سيارة ما يحتاج اشرح لك عنها كثير افضل بكثير من الاف جي
و بصراحه انا شفت الاف جي وركبته مع واحد يعني جماله الداخلي ما اعجبني والخارجي هيبه وفخامه
لكن ما راح يكون ابدا افضل من الاوريون ..
وبيني وبينك ما ياخذها الا الاشخاص اللي يحبون الظهور قدام الناس
يعني زي اللي " واحد قمر وراكب همر " فهمت عليّ..

[غامد العز]

الاستــــــــــــــــــــــخــــــــــــــــــــــ ــــــــــــاره تحل مشكلتك

[عنـــ المجازف ـــوان]

أخوي أنت شف وش اللي تبيه لا تغصب نفسك

على شئ والأوريون قالولي ناس عنها وسمعت إنها

سيارة فخمة وعديدة المواصفات

وأنا أنصحك بها

[أمير الأميرة]

القرصان عبادي
كل ربعي اللي جربوا الجيب يقولون أنه مو مريح في المدينة
يعني ما يصلح إلا للي راعي بر وبيصبر عليه
وإذا أنت منت راعي بر وش لك في الجيوب؟؟؟؟؟؟؟؟

[التوكيلات]

الاوريون ماعليها كلام