تقرير تركيب تانكي ماء أف جي كروزر

[سلطان ال فاهده]

السلام عليكم ورحمة الله وبركاته

كيف الحال عساكم بخير
حصري
أقدم لكم صور تانكي ماء سعته 95 لتر
طلعت للبر وكفاني يومين وكان عددنا 3 أشخاص
وسعره 360 ريال معقول واذا خلصت منه نزله بالبيت ولا ينشبلك بالموتر
على طول أفضل من الأستانستيل وسعره تقريباً 1200 ريال ولحام وشغله ولا تقدر تنزله
طبعاً من الوطني أخذته من محل رحلات النايف بالخرج
واترككم مع الصور واتمنى ان تحوز على رضاكم

وهذا عرضه

وهذا الغطأ العلوي وتعبئة الماء منها ويوجد بها بلف هواء اذا بغيت يكون الدفع قوي تعبي الخزان بالماطور الهواء لكني
ما احتجته لان الدفع كان ممتاز

وهذي فتحه ووضعت سده تقدر تخلي الولف مخفي او بدل السده لكني خليته مخفي لكي لا ينكسر من العفش

وهذا الولف المخفي وركبت له راس محبس مكيف صحراوي لتوفير الماء ولي مكيف صحراوي لفه كامله بـ 3 ريال

وهذي صورة التانكي من الخلف وتلاحظ القاطع لكي لا يترجرج الماء

وهنا التانكي وهو في مكانه ومقاسه مع الديكور بالتمام لا تثبيت ولا شي وفي البر ما قد طاح علي

وهذا اسم مصنع التانكي

وهنا تلاحظ المقاس مع مقاس المرتبه الخلفيه

وهنا التانكي وتلاحظ اللي مع المحبس وتفصيله الممتاز طبعاً جاهز في المحل

ملاحظه : لا يوجد في الخزان لا طعم ولا ريحه
ولو مهب ممتاز ما طرحته لكم وابي الفائده للجميع

تقبلوا تحياتي
اخوكم ابو شايع

لاتنسون التقيم اذا الموضوع يستاهل

[أبو لولوه]

ماشاء الله عليك يا ابو شايع ... ماقصرت يالغلا على التقارير اللي تفتح النفس
تستاهل احلى تقييم ... ايوه كذا صار يشتغل حزب البيج

الله يوفقك وييسر لك ياغالي

[سلطان ال فاهده]

ههههههههههه
ياحبك للعنصريه
ومافيها كلام البيج وبعدنا الابيض عشان ابو عفاس

لاهنت على المرور

[ابراهيم.1]

ما شاء الله تبارك الله

والله يهنيك ويسعدك

[سلطان ال فاهده]

لاهنت على المرور ياغالي

[راعي الـ fj]

مشكووووور وما قصرت ....... الف وردة

[FJ_M]

ما شاء الله

و الله بصراحه هذا احسن من اللي يتعلق تحت.. ذاك ابد مو داش مخي..

تسلم على التقرير يا بو شايع

تم تقييمك

[ABO.WALED~]

ماشاء الله تبارك الله
شغل مظبووووط
باقي تلبسه تنزاني اسود مع كم جيب
ويطلع آخر حلاوه
بس السعر مب كأنه غالي شوي ..

[BE WOLF]

ماشاء الله شغل مضبوط تستاهل التقييم ..

[T.H.A.M.E.R]

مشكور على التقرير وما قصرت ... باقي تلبيسهـ ويطلع تووب ...

[muscat]

شكرا عالتقرير الروعة. يبيلنا واحد اكيد.

[landland]

لا يالحبيب تستاهل احلى شكر واحلى تقييم واحلى بوسه


الله يرزقق حورية من حور الجنة ان شاء الله

[تميم سدير]

ما شاء الله وش هالزين يا بو شايع.. الله يعطيك خيره ويكفيك شره

لكن عندي ملاحظة وهي لو خذيت لك التانكي الي ينسدح على الشنطة موب أحسن.وأوسع لعفشك..

وهوز الماء((الي)) خذ لك حق غاز عشان ما ينعفط ..

[سلطان ال فاهده]

شكراً لكم على المرور والتعليق
بالنسبه لتلبيسه ماله لزوم لأني حاطه في المستودع واذا غبر لابد اني اغسله
وبالنسبه سعره غالي الوادي اخوه حول 500 ريال اقل شي
وبالنسبه التانكي المنسدح هذا افضل في الحجم لاخذ الاغراض والعفش
وكذلك افضل الواقف في دفع الماء
ودمتم

[fj الشرقية]

ما شاء الله صراحة شغل مظبوط لكني انا ما احتاج اله في الوقت الحالي يمكن نحتاجه في المسقبل ونركب واحد

[سلطان ال فاهده]

لاهنت على المرور
وانا مثلك الوقت الحالي منزله في المستودع
لان وقته اذا زان الجو وزانت الطلعات

[Fj 09]

الله يعطيك العافية يا ابو شايع على التقارير الزينه

تم إضافة الموضوع لـ
==((دليل القسم الشامل المواضيع المميزه بقسم الاف جي))==

[ابو عبدالعزيز-1]

يعطيك العفية اخوي وماقصرت

بغيت اسألت يالغالي

التانكي فايبر ؟؟

والموية اذا جلست اسبوع فيه يتغير الطعم ولا لا ؟

كان عندي سفاري وركبت فيه تانكي ارضي فايبر بس اذا جاء اليوم الرابع ماتغيرت الموية
يطلع طعم واضح فيه والموية غير مقبولة

التانكي كم عرضة تقريبا بالسنتي .. (عرضة الارضي )

شكرا لك وبيض الله وجهك

[شاب#1]

الله يعطيك العافيه على التقرير الممتاز

الصراحه روعه

الله يهنيك

الفكره جميله وسويته بس على تانكي اكبر شوي 110 لتر كان على لاندكروزر ولا خليت فيه فراغات بين التانكي والبدي ولبسته عازل حراري وتنزاني والون اخضر جيشي الماني اصلي مايجي الى هالون

الفرق انت الي عندك ازين من ناحيه عمليه في التنزيل والتحميل ( خفيف )
عملي ورخيص

الي عندي ثقيل شوي وغالي في سعره المبالغ فيه كونه ستانلستيل

بس عندي ملاحضه للاثنين ياخذ حيز من الشنطه شوي وحاط اسهم للايضاح
والسهم الي على اليمين للفراغ المذكور

يعني الي تحت الموتر عملي اكثر من ناحيه الفراغ وزياده العفش في الشنطه

ارفقت تانكيك وتانكيي .صور <*****حلوه خخخ

وين السماعه

الله يهنيك فيه يالغالي

الله الله بغسيل الصحون زين ترى الدخل مشحم

[هواووووي]

الله عليك ياسلطان شغل طيب والله
بس الاحظ ان سعره مبالغ فيه شوي

تسلم الايادي