مشكلتي إن سيارتي لونها لؤلؤي ومن يوم طلعتها والبنقالي يغسلها يوم من ورى يوم، يوم جاء العيد تركنا خمسة أيام، ولما غسلها لاحظت في باب السائق على البوية وسخ، حاولت أنظفه ما راح، وانا خايف إنها تحتاج تلميع مع إنها مالها عندي إلا شهرين تقريباً، طبعا الوسخ كأن طفل يدينه علك مسوي خريطة على الباب.
نصيحة اخوي لاتخلي العمال يغسلون السيارة تدري مع الوقت تشهب البوية
لانهم بأختصار يمسحون الفيري على البدي مايشيلونه بالماء لانه يحتاج هوز ماء
انا تبت منهم من زمان والله كان عندي ماكسيما فضي فتح لونها مره صارت مشهبه ورحت التلميع وقالي فيه احد يغسلها عند البيت قلت نعم قل بويتها واضح بياض الفيري
واذا تبي تعرف كلامي صحيح خذ سيارتك اقرب مغسلة وخلهم يرشونه مويه شوف الصابون كيف يطلع من
البدي صدقني ماله داعي احسن لك غسل في المغسله كل كم يوم
وأنا مع كلام الأخ بندر بن سرور .. سيارتي السابقة أعدمها الغسال لأنهم يمسحونها بالتراب اللي عليها وتتخدش البويه .. فنصيحتي اغسلها كل اسبوع على الأكثر في مغسلة لأنهم يرشونها بمويه ويروح التراب بعدين صابون بعدين مويه أنظف وأحفظ للبويه .. وبالنسبة للوسخ لا تخاف رح لمحل تلميع معروف وراح يشيلونها وانت واقف ان شاءالله
المغاسل اللي فيها صابون الرغوه او ماكينة صابون رغوه هذي بعد تنقط الزجاج الامامي وبعض المغاسل مستعد اللي مو مصدق ادله عليها من غسله واحد تجد البدي والزجاج منقط نقط صغيرة وانا مجرب بسيارتي وسيارتي الثانية جيب دمروها والله لان حبيبات الصابون مع سرعة ضغط الكمبروسر حق
الصابون تضرب في البدي والزجاج والله طلعت سيارتي من عندهم على التلميع وماراحت النقط 100%
بس قلت ورجعت لهم بالجيب اغسل ولاتوقعت انهم هم السبب وطلعت ولقيت الزجاج والبدي كله نقط
وتبين في الازياق اللي على حافة الزجاج
أخي غامد العز
أخي الزروقي
أخي لكزس من زمان
شكرا لكم، وما قصرتوا، بس ممكن تدلوني على أفضل محل للتلميع، وإن كان زيبارت فوين مكانه بالرياض لأني ما سبق وزرتهم.
أخي بندر بن سرور
أخي أفالون خاص
شكرا لكما، ويعطيكم العافية، والله إنكم خوفتوني وشكلي أبطرد البنقالي إذا جاء المرة الجاية-الله يستر-، لكن أنا أخاف إني إذا تأخرت ما غسلت السيارة يصيرلها زي اللي صارلي هالحين يعني لا زم تلميع علشان يروح الوسخ،
هل تعتقدون إني لو غسلتها في المغسلة كل جمعة مثلاً كافي، وإلا لازم مرتين بالأسبوع، لأن الروحة للمغسلة ما هي سهله تحتاج الواحد يفرغ نفسه.
عيب اللون اللؤلؤي بعد كم سنه بيصير ابيض عادي واللمعه بتروح وبتصير كنك ليموزين على قولة واحد من الشباب
وبصراحه الوكاله مصخوها ما نزلوا اللون الرائع على اللكزس واللي هو عاجي لؤلؤي،،،
اما بالنسبه للغسيل والله يا شباب مشاكل الغسيل كثيره تبدأ من التنظيف اللي زي وجيه هالمغاسل وحتى سرقة الممتلكات اللي في السياره والاضرار طويل الاجل (يلعبون في الطبلون والاماكن المخفيه تنعدم من كثر الوساخه لأنهم ما يدققون وما عندهم ذمه في كثير من الاحيان) وترى ما حك جلدك مثل ظفرك الافضل انك انت اللي تقوم بهالعمليه ... بس اللي ما عنده وقت انصحه يدخل السياره مره بالاسبوع كراج بيتهم ويخلي الخدامه تنفضها (بعد ما يعطيها كم قرش لأن الظلم حرام هذا مهوب شغلها) والحريم ترى يفهمون في الشغلات هذي احسن من الرجال (((وجهة نظر)))
الشباب ماقصروا بينوا اضرار غسيل السياره عند العمال وخصوصا البنقاليه (الله يفكنا منهم ) وانا لي تجربة مع الغسيل عند البيت .كانت عندي مكسيما موديل 98 لونها عشبي والله روعة ماشاء الله عليها وكان العامل يغسلها مرة كل ثلاث ايام وبعد فترة بسيطة بهت لونها خصوصا الكبوت وصار بديها فيه دواير لذلك نصيحة نصيحة نصيحة انحش من غسيل العمال عند البيوت وغسيل مرة واحدة بالاسبوع عند مغسلة سيارات كافية.
اللون اللي يبهت بسبب الماي المالح اهو اللي يخلي اللون يبهت
والفيري يزيل اللمعة من على السيارة
فأنصح اللى يبي يغسل السيارة يروح مغسلة تغسل بماي بدون ملح ( عذب ) ويا كثر المغاسل اللى كذا
بس مشكلة الصابون اللى يستخدمونه
انا بصراحة اغسل سيارتي في البيت شاري لها صابون 30 ريال نوعة يبتدي بحرف m
واغسلها بهوز بعد مااخلص وامسحها بفوطة بعد يعني شغل حول ساعة الا ربع للبدي
انا مجرب ياخوه واعرف واحد عندنا في الحاره كان معه فورد لونها كحلي وكل يوم غسيل بنقالي بالفيري
ونص الفيري على البدي المهم بعد كم سنه والله اطراف الشنطه طلعت بيضاء يعني الطبقه الاولى من البويه
قصة واقعية
ونصيحة اللي عند المواقف السيارات مره خليت واحد يغسل سيارتي رحمته عند مكتبة جرير
لكزس Es وطبعاً Es مساحاتها
تكون مخفيه تدرون وش سوى النذل طلع المساحات بالقوه وخرب المسمار اللي في مكينه المساحات
يعني شد المساحات للخارج
بالقوه وعاد شوف اليوم الثاني رايح الدوام مساحة طالعه والثانيه مكانها ههههه
قصة اخرى عند مكتبة جرير ايضاً
جاني بنقالي قالي جسيل جسيل
قلت لا
وكانوا الاهل معاي المهم ابو الشباب
ماشي ورانا ويقول جسيل جسيل لازم جسيل كويس
قلت له لا لا لا ماتفهم "" هنا حقد البنقالي "
دخلت المكتبة وطلعت بعد مده
تدرون وش راح يسوي حط الله يكرمكم تراب على الكبوت ومادري وين هرب
والله وزحمة والاهل معي والا لو لقيته كان علوم حسبي الله عليه
نصيحة احذر احذر احذر من البنقالي لايدمر موترك
خاصة اللي في مواقف السيارات والاسواق والمستشفيات وعند البيوت
ويعلم ان الله اني اتمنى لكم من الخير مثل ماتمنى لنفسي
ويعلم الله مو قصدي قطع رزقهم لكن من تجارب كثير تعلمت ان افضل غسيل المغسلة حتى لو كل 10 ايام
وانا شخصياً ماغسل الاسيارة قديمة عند البنغال يعني بايعه ان صابت او خابت
شكرا للجميع على جهودكم
الصراحة جاء البنقالي اليوم يبي يغسل السيارة (وكرشته) وفي رواية(طردته):d
أجل أحد يسمع كلامكم ويستمر معه؟!
الله يحفظكم ماقصرتوااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااا
الله يعينك ياخوي بس لا تكدر خاطرك بس وده محل تلميع شغل عشر دقايق وما أنصحك انك تغسل السياره كل يوم لانه مع مرور الوقت بيغيرلك لمعة السياره يعني اذا الجو ما ساعد اغسلها كل ثلاث الى اربع أيام والله يعينك
هذا هو عيب اللون الابيض اللؤلؤي... 
لذلك نصيحة نصيحة نصيحة انحش من غسيل العمال عند البيوت وغسيل مرة واحدة بالاسبوع عند مغسلة سيارات كافية.
