[لكزس عنابي]

السلام عليكم.........


عندي مرسيدسSEL280 موديل 83 كل شئ تمام بس فيه مشكلة وهي انه يوم تمشيبه مثلا 60 أو 80 وترفع رجلك من على دواسة البنزين وتدعس مرة ثانية ما يغير الجير يعني مثلاً إذا كان في الغيار الثالث مايرد في الثاني عشان ينطلق......... هذه هي المشكلة عسى بس فهمتوني.....

ياهل ترى وش الحل ؟؟؟؟؟؟؟

[كربوع]

فيه نوع من المرسدسات تجيك نظام دعستين

ابي منك تدعس مرتين ورى بعض على دواست البنزين < ارفع وادعس وارفع وادعس ****

واذا ماراحت المشكله عطني خبر

[منصور السديري]

هلا اخوي


المرسدس غير السيارات

اسمع حاول انك ما تدعس الدعسه كامله من النص

لالالالالا ابيك تحط رجلك على طرف الدواسه من فوق وجرب وادعس بتدريج

غير كذا الله لالالا يهينك توضيب

[عجزت اسجل]

بأذن الله سيارك ما فيها شي
ولاكن عندي حل بسيط جداً لها
اخوي عندك ضبط لسلك الدعسه مع القير التوماتيك
وهذا موجود وبتحصله اذا فتحت كبوت السياره وهي سلكين واحد لدواسه البنزين والثاني ل ضبط القير وتغيراته
اخيراً/ولضبط دعسه البنزين مع القير
طفى السياره ولابد من وجود شخص اخر معك بداخل السياره لكي يدعس ع دواسه البنزين كامله وطبعاً سوف يتحرك سلك دعسه البنزين للاخر وعليه سوف يتحرك معه سلك القيرولاكن لابد من شدها للاخر لكي تكون مثل دعسه البنزين بالضبط
اذا فهمت هالطريقه حلو واذا ما فهمتها نشوف لنا حل ثاني لانها مهمه لتغيرات القير وسرعه استقبالها لدعسه البنزين
والله اعلم