السلام عليكم ورحمة الله وبركاته
شف اخوي ابو احمد السته سلندر ما فيه كلام ماشاء الله
بس تعتمد اولا على كثر فلوسك
ثاني شي اذا كانك من اللي يداوم وبس يعني مالك في الطلعات البريه او طلعاتك قليله او ماتحب تطعس يعني تطلع الطعس وتجي فوقه خذ اربعه سلندر يعني في البر يخارج نفسه في الطعوس بس مايطلع الطعس الكايد
واذا انك راعي بر خذ سته سلندر ولا تشاور احد
ومبروك مقدما
ياأبو أحمد نت الله يرحم والديك لاتشتري إلا 6 سلندر حتى لو Vx1 ولا تاخذ 4 سلندر No No No No No وماأبي أكثر كلام عن مواصفات 6 سلندر والمعنى واضح والله يوفقك وسلامتك
السلام عليكم ورحمة الله وبركاته
اتقدم لجميع من اجاب على سؤالي بالشكر والعرفان وجعل ذلك في ميزان حسانتكم
عند سؤال مهم جدا هو ( السيارة ثقيله ام لا ، وهل تشبه الهيالكس في كل شي ، وهل السيارة مريحه أم لا )
وفق الله الجميع لما فيه الخير
تبا نصيحتي خذ 6 سلندر ...واحد من الاهل ماخذ 4 سلندر تصرف بترول ....لا يغرك 2.7 اونها ما تصرف ...ترا الهيكل ثقيل مش مثل الكامري يعني السياره تحكر لين ما تقوم وهذا يصرف بترول
بالنسبه لثقل ثقيل بس مو معناه مايمشي الا بعد ما يسحبك ونش وتبي نصيحتي خذا سته سلندر انا معي اربعه سلندر وعن نفسي عاجبني بتقول ليه اول شي انا اطلع البر بس مو لازم اطلع اكبر طعس في البر يعني يكفي انه يخش وسط الطعوس وهذا بحد ذاته كفايه وبالنسبه للصرفيه معقوله يعني التانكي يمشي 400 كيلو ويقول المثل لولا اختلاف الاراء لبارت السلع
هذا رايي والسلام عليكم
الشكر للجميع وجعل ذلك في ميزان حسناتكم
الحيرة تقتل الانسان خاصة الوضع الحالي في ارتفاع الاسعار باختصار كل شي
واخوكم خسران في سوق الاسهم ( الحرامية ) والله الان الريال له قيمة كبيرة
انا اليوم في كنت في الوكالة شفت السيارة لكن وقفت عند تصنيع السيارة في اندونيسيا وهل جميع سيارات الفور تشنر تم التجميع لها في اندونيسيا
يوم السبت ان شاء الله يكون في عرض على الفور تشنر ينزل السعر شوى حسب كلام الموظف في الوكالة خاصة ان اليوم اخر يوم في الشهر الميلادي
وفق الله الجميع لما فيه الخير
لا فرق في الصناعة لإن الشركة المصنعة هي Toyota لذلك لا تقلق من هذة الناحية وسبب التصنيع هو تقليل التكلفة في الدول الاخرى غير اليابان وللمعلومية فإن القطع هي يابانية ....بالنسبة للاسعار فكما ذكرت فلا مرتفعة جدا لذلك الفورتشنر يعتبر سعرة نوعا ما معقول ..لوفكرت تشتري برادو ((للمعلومية نفس محرك الفورتشنر والقير وسعة الركاب )) فسعرة تقريبا حوالي 135الف ريال واللاندكروزر يبدأ من 170 الف لذلك الفورتشنر (6 اسطوانات) هو خيار مناسب لمن يرغب بسيارة قوية وعائلية ودفع رباعي وخفيفة في القيادة...
ارجو الإجارة على سؤالي بسرعة ( الفور تشنر ) 
