[بنت الأكابر]

الســـلام عليـــكمـ

:
:
:


أنا بصــراحـــة من فتـــرة أدور سيـــارة ومحتـــارة مـــا أدري شنـــو آخــــذ

عجبتـــنــي الأوريون كثيييييييير بـــس لمـــا أقرى عنــها أحس في تنــاقض

يعنـــي الي مستخدميـــنهــا يمدحونهـــا كأنها عمليــة تسويق والي ماعنـــده

يمدح سيــارتــه ويحط عيـــوب بالأوريون ..

أتمنـــى تكــون فيـــه مصداقيــــة والي مستــخدم الأوريون يقول شنو عيوبـــها

انا رحت للوكــالة عندنا بالكويت وقالوا خلصت 2007 مابقى الا وحده بدون اي

مواصفــات وأنا اذا بشتري أبيها فل أوبشن حصلـــت مستعملـــه بس متخوفـــه

مع ان الي مستخدمـــها يقول إن مافيها شي ولا داعم فيها بس حاب يغير .

فكرت بالكــامري لكن مو عاجبتني 100%

اتمنى تفيدوووني


:
:
:

[بنت الأكابر]

شدعواااااااا

8 ولا واحد رد

[فارس السيارات]

الاريون مشأالله سياره حلوه

[الونيس]

انا الى الحين ماوصلت الاوريون حقتي عشان اشوف عيوبها ومزاياها

لكن على فكره السياره على استخدام المستخدم

والله يوفقك يابنت الاكابر

[ابو وليدتتت]

قال صلى الله عليه وسلم ( اعقلها وتوكل ) صح يعني الواحد ياخذ بالاسباب ويتوكل على الله السيارة يااختي

جدا ممتازه ومافيها الا عيوب بسيطه لا تكاد تذكر والحمد لله السياره لها معاي مايقارب السنه او اقل ولم

اشتكي من اي شي فيها

توكلي على الله وخذيها وان شاء الله تنبطسين فيها ومشاوير الهناء

تحياتي .

[المؤدب]

الاوريون سياره حلوة بس تعتبر من الفئة الشبابية وقوية وتستحمل السفر وناس مسافرين بيها من عند البحرين الى دمشق والى القاهرة وسريعة وتستحمل السفر ماشيه حولي 1000 كيلو ولاوقفت الا للبنزين وفقط وانا اقولك احسنتي الاختيار وواخذ انا بها السيارة شخصيا طرق جبليه على طريق شرم الشيخ - دهب اصعب طريق في الشرق الاوسط جبلي وكله منطفات شديده وواخذها بس عيبها الوحيد مالها شعبيه كثيرة

[الحيران الحيران]

الأخ العزيز ...

بالنسبة لي قبل ما اشتري الاريون قرأت في هذا المنتدى وكان هنالك حديث عن صوت في ديكور الاريون

وبالفعل اشتريت السيارة وزي العسل قوة خيالية واحساس بالمتانة وكل شئ سوى صوت أزيز صادر من الديكور تحديدا (القطعة التي أماما "عصا القير" ورفعتها بحديدة يعني ادخلت قطعة حديد مسطحة وزال الصوت وغير كذا توكل على الله ما رحت للوكالة ولا اتبعت تعليمات الشباب في المنتدى فيما يخص الديكور (فكه وعمل عازل)

وسلامتك ... وعلى فكرة بالنسبة لصرفية البنزين ما راح تصدق ... اقتصادية

[الــمــجــروووح]

اختي توكلي على الله ولاتفكري
وبالنسبه للصوت الي كثير من الشباب يشتكو منو هو مجرد عيب بالدفعه الاولى للوريون اما الحمد لله دفعتي الثانيه مافيها ولا عيب زي الحلاوة

[كولورادو]

توكلي على الله واخذي 2008 ... ما في سياره تخلو من العيوب لكن المشكله الرئيسيه هي صوت اللي ذكروه الشباب لكن هذا مو سبب انك ما تاخذين السياره ... الحمدلله 10,000+ كم وما في اي مشكله و خدمه ما بعد البيع ممتازه

[عاشق العنبرى]

السياره مافيها اى اشى بلعكس وبدون مجامله سياره ذربه وسيقتها متعه بس الى بدون جناح اذرب وانتى استخيرى واذا فيها اى شى صدقينى بنقول مانبى نوهقج والى مايمدح الاوريون صدقينى الى مايطول العنب يقول حامض واخذى الابيض ازقرت حيل عليها والله يوفقج ويعطيج خيرها ويكفيج شرها مقدمن

[><><]

قبل التفكير في كل شي توكلي على الله

[واحد غير]

شوفي اخوتي انا ماعندي اوريون بس اذا تبين رأيي روحي بكرة الوكالة وتوكلي على الله وخذي وحدة 2008 فل كامل بشاشة

الصراحة ماادري ليش كاتبه الموضوع السيارة من اروع مايكون شكلا ومضمونا بس العيوب هذي مثل ماقلتي اللى مايملكها يخربط ويقول عيوب مالها اول ولا اخر خاصة الي مايحبون تويوتا بس علشان سياراتهم من شركات ثانية

بس توكلي على الله وطلعي السيارة وادعيلي

تحياتي لك

[ملك الغوص]

اختي ياج اللي يفيدج من الكويت

السياره حلوه وتوكلي على الله وذربه بالقياده وحلوه بالشارع شوفي 2008 اللون الذهببي حلوه مثل سيارتي
واذا لقيتي مستعمل 2007 تاكدي من الوكاله اذا فيها شي يشيكون عندهم بالكمبيوتر يطلعون تقرير عنها وجم سيرفس مدخلها وشنو فيها مافيها واي يطلع لج على الكفاله تسوينها
انا عندي ذهبي 2007 يمكن ابيع

تحياتي لج بالتوفق جميعا

[بات مان]

زين ماعليه

[المكيانيكي]

باختصار الاوريون مميزة للمتميزين وخصوصا البنات يحبون التميز
انا من الناس الاوائل اللي اشترو اوريون سيارة ولا فيها كلام سعر معقول موصفات ممتازة مكينة وقير جبار قوة احصنة هائلة شكل ولا اروع قريبة من الكزس في الشكل وبعض المواصفات
اعتقد هي الخيار الامثل لفئة الشباب ومتوسطي العمر
وليس فيها عيوب نهائيا (اتكلم عن سيارتي ولله الحمد)
بالتوفيق

[اوريون+الملا]

اول شي السلام عليكم وحبيت اقولج اذا كنتي امفكرة بسيارة اوريون فأخذيها وانتي امغمضة وصدقيني سعرها راح يرتفع لان التيوتا في دول الخليج سعره في سمعته وليش في مواصفاته
انا عن نفسي عندي اوريون واستعمالها ازقرتي موطبيعي
تحياتي لج بــاي

[واحد غير]

آسف حسبتك ولد قريت الموضوع بسرعة ولا ركزت والحين عدلت ردي

ومشكورة على الموضوع

تحياتي لكي