[الخبـير]

السلام عليكم ورحمه الله وبركاته
اسعد الله اوقاتكم


نبغا نتناقش في التغبيره او الفيري او البرقع او اي شي يفيد في حمايه وجهيه السيارهـ



انا جربت طرق كثيره وافضلها شمبو الاطفال جونسون اند جونسون بلا دموع ......لحد يضحك
والله ممتـــــــــــــــــــــــــــــــــــــــــاز

ابغى اشوف ارائكم

[عاشق_الياباني]

هـلا اخوي

انا جربت التغبيرة 100% لكن المشكلة اذا بغيت تشيلها البويه تمخش علشان كذا اتوقع البرقع افضل حل

وتقبل احترامــــــي

[حسونه]

شف حبيب قلبي
أنا جربتها كلها
حتى الشحم
البرقع ممتاز جداً بشرط يكون تفصيل ممتاز ومركب على الموتر تمام
وأنا بأذن الله على أقرب فرصة أنزل صورة الجيب حقي وبتشوف الشغل المزبوط
أشكرك على طرح هذا الموضوع

[الخبـير]

طيب اخوي البرقع يكتم
وبعدين البرقع اذا كان مو مفصل زين يعدم البويه لانه يخبط على الوجه عند السرعه

اشكركم عل تفاعلكم

[المهذب]

أهلين بالخبير
بالنسبه لي جربت كل شي فيري - شحم - تغبيره - شمبو - برقع
وأشوف البرقع هو الأفضل اذا كانت مقاساته مزبوطه

[سلطان سعد]

مافيه احسن من البرقع


ويقولون الحين في محلات التلميع عندهم حلول افضل

[هم الليل]

انا جربت التغبيره والشحم لكن للأسف معاناه عند ازالتها وتضر بدي السياره وتضر اللمعه على الكبوت وتترك اثر على السياره ...

ونويت اركب برقع للسياره ورحت محل زينه ونصحني صاحب المحل نفسه ياشباب وقالي اذا تبي النصيحه

لا تركب برقع للسياره بيترك اثر حواف البرقع على السياره واذا جيت تغسل السياره بيبقى مويه داخل البرقع

واذا تبي اركبلك اركبلك برقع لكن انا بنفسي نصحتك

وقالي الله يخلي الفيري بس اهم شي مايطول اول ماتوصل من السفر امسحها علطول

واتوقع ان صابون جونسون فعلا مناسب جدا لأنه ما يحتوى على مواد كيميائيه وسهل ازالته ......

تحياتي

[عسكـــــريم]

اذا تبي النصح والمشوره

ابعد عن التغبيره بعد المشرق والمغرب...لأن في وقت الغبار راح تتقشر التغبيره بكل سهوله (مجربها اكثر من مره)
حتى لو كثفت الطبقه


ومن ناحية البرقع....ممتاز لكن مايصلح مع كل السيارات مثلا للكابرس الجديد مايصلح راح تلاحظ ان حرارته ترتفع الى الـh

انصحك اذا كان السفر لمدة 3 ايام او يومين ركب على الوجهيه صابون لوكس او فيري وخله يجف وبعدين الطع على اللوكس شحم من محلات قطع الغيار واتحدى عجاج حفر الباطن يشيله..
صابون اللوكس هنا فايدته انه يعمل طبقه مابين البدي للسياره ومابين الشحم عشان اذا بغيت تزيله تزيله بسهوله....

لكن لاتخليه على الموتر اكثر من 3 أيام

[بـــلاكـــو]

انا افضل الفيري لانه التغبيره تعدم الوجهيه
البرقع ممتاز بس والله اذا ماكان مفصل صح تروح الوجهيه

[الخبـير]

المشاركة الأصلية كتبت بواسطة بلاك مان

انا افضل الفيري لانه التغبيره تعدم الوجهيه
البرقع ممتاز بس والله اذا ماكان مفصل صح تروح الوجهيه

اخوي الفيري والله يعدم الوجه
جرب شمبو جونسون واذا ما دعيت لي

[صلاح الطبراني]

انا بصراحة كل ما بغيت اسافر حطيت فيري وبصراحة ما اشتكيت منه ابداً

قبل لا اسافر قمت سلمك الله وفصخت ثوبي ولمست القميص ورفعت كمومي وقعدت ادهن وجهية السيارة

والمرايات وكل شيء واول ما اوصل من السفر اغسلها واذا بغيت ارجع نفس الطريقة ......


الله يخلي لناااااااا الفيري يا نااااااااااس

[وحيد بدنيتي]

طيب يا أخواني من جرٍب البلوٍش حق التلميـ ع ؟

انا جرٍبتهـ من الدمأإم للرٍياإض وكان اروع مايكوٍن بس اوٍ ماوصلت غسلتً السيأإرٍهـ

وفي محل بالدمام اسمه الجودي عنه رشه شفافه ومدحوهإأ الإخوأإن

مع التحيهـ

[دقات قلب]

البرقع ممتاز جدا

ولا تنسى وضع تضليلة خارجية على الزجاج الأمامي

حماية الزجاج الأمامي من السافي _العج_الرمل المتطاير

[ابوخليف]

انا جربت التغبيره بس والله ان التغبيره بااااااااااااايخه اعدمت وجهيت السياره

[علي بن عايض]

اسعد الله اوقاتكم بكل خير يا شباب المنتدى

و الله بصراحة ما عندي خلفية عن التغبيرة او البرقع او الـ ........... الخ

بصراحة انا اول ما شريت السيارة شريتها من معارض الوجدان في جدة . المهم طبعا مكان الأقامة الأصلية في اليمن ( صنعاء )
بعد ما اشتريت السيارة جلست انا و اخوي الكبير في جدة شهرين بعد شراء السيارة
و بعدين ما سوينا الأجرائات اللازمة لخروج السيارة من الحدود السعودية الى الحدود اليمنية

المهم نخش على الموضوع
عند يوم السفر خلصنا و جهزنا كل شيء و انطقلنا بمشيئة الله من ( جدة ) الى ( صنعاء ) و السيارة طبعا ما سويت لها تغبيرة او برقع او اي شيء آخر و الرحلة طبعا استغرقت 27 ساعة الى ان وصلنا بسلامة الله الى ( صنعاء ) و الله يا جماعة ما صار على السيارة خدوش و لا هم يحزنون

و لكنني اسمع الناس يقولون على التغبيرة و البرقع انها ممتازة على السيارة و تحميها .. و الله اعلم

و مشكووورين على المشاركات الطيبة و التفاعل الجيد في الموضوع

بالتوفيق و اسمحولي على الأطالة في الكلام

[امبراطور الهدد]

موضوعك ذكرني حادثه صارت لي وقفت عند محطه واشتري فيري للوجهيه واحوس الدنيا واروح اغسله

تزيد الرغوه لكن ربك ستر

ومن ناحيتي اقول ان المضمون واحد