[أفالون وبس]

السلام عليكم

اخواني أحب أن أقول وداعا لها

كنت في الحقيقة سعيدا معها

كنت اذا واجهت في مشكلة أي وقت استقبلتني بالهدايا

لكن ومع مرور الوقت والسنوات حانت نهاية الفراق

فلقد انتهى كل شئ

فهذه حال الدنيا

وداعا





ههههههه

المهم زبدة موضوع هو اني على مشارف ان اصل 60000 كيلو وسينتهي ضمان الأفالون

أفكر أني امدد الضمان

لكن الى هذا الحين علي ان اضع السيارة في الوكالة للتشييك

وحبيت اعرف ايش الضبط الي بيسوونه عشان اكون منتبه

لأنه ال60 الف كيلو سمعت انه في تغييرات في زيت القير والبواجي وما الى ذلك

فأعطوني من خبرتكم لعلي اتعلمها مستقبلا

شاكر لكم

[مجنون الأفالون]

الله يرججج إبليسك بس

انا قلت الحين باع الموتر والرجال من أولها براسه C300

والله وانا اخوك ما أدري عن صيانة 60 ألف بصراحة

لو تنتظرني 7 شهور إلى8 شهور أقدر أفيدك

<***** راعي طويلة هههههههههههههههههههههههههه



الله يستر عليك بس ما شاء الله 60 ألف ...


الله معك وين ما تروح يالغالي

انتبه لنفسك بس وان شاء الله أبو فيصل وم أنس وغيرهم يفيدونك

لأن على خبري أنهم قريبين من هالممشى

اخوك

احمد

[المهذب]

الله يسامحك أخ افالون وبس
أنا قلت الرجال باع السياره لأنك في الآونه الأخيره سببت ....... وإلا نسكت أحسن
لكن بالنسبه لصيانة 60 الف لا يتم فيها تغيير البواجي ولا فلتر القير
لكن يتم الكشف على السياره كامله وتغيير الزيت والفلتر وزيت القير والأقمشه اذا محتاجه تبديل وتنظيف اللديتر ونسيت الباقي والله إن شاء الله الشباب يفيدونك وعقبال 100 الف ان شاء الله قبل ما تبيع السيارة
ودمت بخير

[مخاوي لكزس]

ان شاء الله الشباب يفيدونك وانتظر ابو فيصل ماشاء الله عليه عارف كل شئ عن الافالون وصيانتها

[متعب الليل]

السلام عليكم

فيه رد في أحد المواضيع يخص تمديد الضمان لأخونا ابوفيصل الله يحفظه

المشاركة الأصلية كتبت بواسطة ابوفيصل

اخوي العزيز ابوريان اسعد الله مساك واعتذر عن تأخري في الرد

بالنسبة للضمان الممتد فمدته 5 سنوات والمسافة مفتوحة غير محددة وقيمته 2500 ريال بالنسبة للافالون

لاني سمعت ناس مأمنين على سيارات ثانية باقل من هذا لسعر



المتعهد بالضمان هي : شركة التأمين العربية السعودية المحدودة ( سايكو )

والضمان يغطي اجزاء كثيرة بالسيارة باستثناء الاشياء الاستهلاكية ، التي يتم استبدالها حسب جدول الصيانة

وجميع الاجزاء المغطاة في الضمان موضحة بالتفصيل في كتيب الضمان وكذلك الاستثناءات محددة وواضحة

وعند توقف السيارة وعدم امكانية قيادتها تقوم الشركة بسحبها الى اقرب وكيل معتمد لاصلاحها

وتوفير سيارة مستأجرة اذا كانت مدة الاصلاح تزيد عن يوم وتقل عن ثلاثة ايام

ومن تجربة شخصية فالمهندس اذا كان متعاون وعارف شغله تمام يصلحلك السيارة في الحال

ثم ينتظر موافقة الشركة اللي تاخذ يومين او ثلاث في بعض الحالات

اما اذا كان غير متعاون او خايف من المسؤولية فالله يعينك تنتظر حتى تجي الموافقة .

واهم شروط هذا الضمان الالتزام بالصيانة الدورية عند الوكيل ( تبادل مصالح )

انا شخصيا استفدت من هذا الضمان كثييييير

على سبيل المثال خرب عندي الكمبرسر والسيارة ماشية 75 الف

وصلحوه على الضمان وعطوني سيارة لمدة ثلاث ايام وقيمة الكمبرسر اكثر من 2500 ريال

ان شاء الله اكون افتدك اخوي ابوريان

واي استفسار انا حاضر عزيزي

تحياتي للجميع

وهذا رابط الموضوع وفيه جميع استفسارات الضمان وأجاب عليها ابوفيصل وصدقني يفيدك


الضمان الممتد .... &amp;أبو فيصل مطلوب&amp;



طبعا بعد اذن ابو فيصل <*****<***** بدري


أخوك
متعب

[بنت الخران]

اشوي اشوي علينا خوفتنا


الله يسلمك

صيانه الــ 60 الف مثل صيانه الــ 20 الف بالظبط مييجر سرفس

والبلاكات تتغير كل 100 الف

و ايل القير يتغير فى 40 و80 الف كيلو

والكيلو متر عندي الحييينه 68 الف كيلو

[شمعة بلا فتيل]

من جد حسبالي ان بيعة السياره جايه ...


ومشكور اخوي ..وللأسف مااقدر افيدك....لأني ماادري عنها...

[أفالون وبس]

مجنون الأفالون

تاكل وتعيش غيرها

بس حاول تقنعني إن الأفالون أحسن من الكريسلر ^_~

الله يهنيك بأفالونتك وحبة حبة عليها وعلى الجنوط الجديدة


المهذب

ايييييييييييييييه هين طلع كلام من ورا

لكن مو مشكلة بس تراك ماتعرفني في هل الأمور

ماخفي كان أعظم

ترقبني بس


مخاوي لكزس

مشكور اخوي على الرد واخونا ابو فيصل ماحيقصر


متعب الليل

مشكور اخوي ماقصرت الموضوع هذا استفدت منه


بنت الخران

ههههه تعيش وتاكل غيرها

يعطيك العافية على ردك المفيد والمختصر في نفس الوقت


شمعة بلا فتيل

ودك بالسيارة , كم تسووووووووووم

المهم لاتقلق ماعليك اخوي

يهمني وجودك في الموضوع

وشكرا لك



انا بس حبيت احلي الموضوع بس مادريت انكم حساسين اشوي

ههههه

[ابوفيصل]

حياك الله اخوي أفالون وبس

ما شاء الله عليك شكلك رومانسي من الدرجة الولى ..

حتى الضمان كونت معه علاقة رومانسية ...



عالمعوم الله يوفق ان شاء الله وعقبال المليون

وبصراحة ضمان الشركة مافي زيه حتى الضمان الممتد من وجهة نظري رغم اني استفدت منه كثيرا

الا انه يعتبر ضمان من الدرجة الثانية بالتأكيد ولكنه يظل مفيد ومهم جدا في حالات كثيرة

واذا كنت ترغب في الاشتراك في الضمان الممتد فلابد يكون قبل تجاوز 60 الف مع انتظامك في الصيانات الدوية السابقة

بالنسبة لصيانة 60 الف فلا تشيل همها كثير لانها صيانة اعتيادية جدا وليست صيانة رئيسية او شاملة

ولا يتم فيها تغيير البواجي او زيت القير مثل ما اتفضلت الاخت بنت الخران

معروف في تويوتا ان الصيانات الرئيسية الشاملة هي كل 40 الف كلم

اما صيانة 60 الف فيتم فيها تغيير الزيت والفلتر وفلتر المكيف ( حسب جدول الصيانة )

بالاضافة للتشييكات الاخرى اللازمة وتكلفتها في حدود 500 ريال تقريبا

تحياتي لك اخوي أفالون وبس

ولا تحرمنا من وجودك المميز في المنتدى

[أفالون وبس]

اخوي ابو فيصل

لاهنت اخوي على المعلومات القيمة ارحتني من هم

واعذرني اشد العذر ان ردت متأخرا

تعرف الدوام والأشغال بدت تشغلتني اشوي

سؤال بسيط حبيت اعرف :

هل الوكيل يعبئ السيارة بمياه الرش والتنظيف تبع الزجاج الأمامي عند كل تشييك

لأن كل صيانة في الرياض مالاحظت تناقص في الماء الرش في اي وقت

الين ماوصلت 45 الف ونزلت الى جازان حاليا والتانكي تبع الماية فاااااضية

فحبيت اعرف هل الوكيل يقوم بتعبئة مياه الرش ام ماذا

[ابوفيصل]

العفو اخوي افالون وبس

ولا تهون اخوي والله يكون في عونك وعون الجميع ان شاء الله

بالنسبة لموية المساحات فهذه فعلا يعبونها عند كل صيانة

هي وموية اللديتر ويشيكون على جميع الزيوت الباقية في السيارة اذا فيها نقص او تهريب

تحياتي لك عزيزي